Lumàns 9:1 - Ŋwàklù Fùyèn Kàn Mù Fê (Cameron)

¹ Mu jìsà yi gha yi mô kə nâ hamok, fwo kə nâ a mu yi təm, ma à chwùti Yohnà Yulena. Mu jìsà kə hamok beka mu mò ghàh à Klistù.

Lumàns 9:1 Iomraidhean Croise

Lumàns 1:9

Mu jə̂mà ha ghàn kə yû mù jɨ̀m, nâ Yèn fe a mu fètà ha funfu kə nì təm a ma à jɨ̀m, fôktè tum yì jùŋ kum Wâ wûn khəlò.

Lumàns 2:15

Ghɨna nè ni, yi hi chwûtè na Yènfù ti nyak gha ye a Saki khɨŋa a ghɨna təm. Kwâktì tu ghɨna tu mô kəbi yâ, à ben a yu mùlè tu hi tòkà ghɨna, a ben a yu mùlè tu hi ngane ghɨna.

Lumàns 8:16

A mô Yohnà a Fùyèn mɨ ghɨ̂n a ghɨ jîsà a ghàhnà yòhnà, chwùtè ha ghàhnà na ghàhnà mò wana Fùyènà.

Lumàns 9:2

Təm a ma jìtà kə ni, gha fo ngə̂k ha mu nâ haŋaŋ.

2 Kòlitiyàns 1:12

Ghàh jala nâ haŋaŋ beka təm ghaha fòktè ha ghàh na nâbi ghə te ghàh nè a mbyî mò ma ghɨ nê kə nì təm a jûŋà ghe a Yènfù fo, a bu kum gha yile. Yìna chwûtè a ndan wu lum afa a ghàhnà chyə atɨ̂n. Ghàh jala, biyani nê nâbi ghə, nê kə kum təm a jûŋà Fùyènà, a bu kum tof wu mbyi.

2 Kòlitiyàns 1:23

Mu che faŋ hi fè bèn a Kòlitiyàns beka mu chehì kôŋà wi hi bèn hi khɨte ghàn a yi ghâ. Yènfù khəlò təm a ma khə na mu jìsà kə hamok.

2 Kòlitiyàns 11:10

Mu jala na mu fye wi shyə ale ha ghàn, mô hi tè jâl kə ni a bàh yi lak yi Àkayà nì ghàn mɨ ghɨ̂n à jɨ̀m. Mu jìsà kə hamok, Klistù khə ni, shyə ale wi hi tàmtè mu.

2 Kòlitiyàns 11:31

Bè Bâba Jisòs, Yèn fe a fu kəta kokhînì a yu mù jɨ̀m khəlò na mu wama wi.

2 Kòlitiyàns 12:19

Ghàn kwàktè na ghàh nyàkà gha ghɨ̂n njwo ghàh khɨŋa hi yə sak a ghàn ashyə ma? Ngàŋ! Ghàh jìsà te ghɨt a Klistù a Yènfù ashyə̂. Ghàh jìsà gha mɨ ghɨ̂n ha ghàn nâ à jɨ̀m ni kə njwo ghàh kòŋà ghàn, khɨŋa na ghàn ləma a wu lum afa a Yènfù khɨŋa.

Gàlesiyà 1:20

Gha yin a mu nyàkà ha ghàn ni mò kə nâ hamok. Yènfù khəlò na mu wama wijə fəmi!

Fìlibiyàns 1:8

Yènfù khəlò na mu kòŋàlò ghàn à jɨ̀m nâ a jûŋ nì kôŋ ye a Klistù Jisòs tì chwùtè nâ nì ngɨŋ à wûn.

1 Tèsàloniyàns 2:5

Ghàn khəlò na ghàh tà tì ben jə ha ghàn hì jîsà na ghàn hi saŋlê. Yènfù khəlò kə nâ hamok na ghàh ndùku fôktè wi tum yì jùŋ ha ghàn na ghàn fo shyə ale ha ghàh.

1 Timotì 1:5

Mu jìsà gha yîn ha wò ni beka mu khɨŋa na ghɨt a bimena khɨti kôŋ ye a yi fwo a təm a yulena, kəta wi kwâktì yi be fê kəta yi bimî ye a yi mô hamok. Ghɨna shìki kəta kôŋ mi yîn, ma yi hi chwûtè na ghɨna ywolò yikî ye a ghɨt a bimena kəta hi tè khə.

1 Timotì 2:7

Ghɨ tì chwok mu ha wùt à wûn wù tum kum gha mi yîn na mu fokti gha Fùyènì ma mu fê yiki tumu nì gha ye a yi mô hamok. Gha yîn a mu jìsà ni mò kə nâ hamok. Mu wama wi.

1 Timotì 5:21

Mu jìsà ha wò nâ nì jyaka, mô a Yènfù ashyə̂ nì Klistù Jisòs nì anjèl se a Yènfù chwokte na, wò fate khɨtè lem gha ghɨ̂n a mu jìsà ni ha wò. Wò shihi nè gha mɨ ghɨ̂n, kə wò hi nê ha ghɨt ale hanɨ̂ŋ nâ hakoh.