Lumàns 8:7 - Ŋwàklù Fùyèn Kàn Mù Fê (Cameron)

⁷ Wùt kòŋà gha a njyàsu wùnsu, yi ni na wù hi mô nì bànà ghê Yènfù, ywo wi sak yi wuni, ma wù wi hi khɨli nâbi hi yû.

Lumàns 8:7 Iomraidhean Croise

Matiyò 12:34

Ywosu be sîn, gha jûŋì wi hi fwo a ghàn a yi jwô beka ghàn mò kə nâ ghɨt a be. Jyə̀ yì jwo mò ni jîsà kə gha ye yi mô yi təm ma yi ti lûn.

Matiyò 5:19

À khɨm nâbi nde lâŋ ale atɨ̂n à wù làŋ afân, nâbi ghe ghɨ tobte gokhe, fê yike à ghɨ̂t na ghɨ hi khɨma laŋù kəbi yâ, ma wù bê hi kpene wi nâ a shyə̀ ale a fə̀n wù Fùyènù biyani a lem nâbi nde lâŋ wûn, fê yike na ghɨta hi lêmà kəbi yâ, ma wù bê hi mô wut wù chìk wu lùk wu fə̀n wù Fùyènù.

Ŋwàklù à Jon 7:7

Ghɨt a mbye bànà wi ghàn, biyani bânà mu beka mu chwùtè banhe gha ghɨna ghɨ be.

Lumàns 1:28

Ghɨna ti tunhî hi bime Yènfù, fu ti de ghɨna a ghɨna tɨ̂n à tù kwàktì tu ngwo tu, ghɨna ghɨ hì chînà chyə kə yi chyə̂, nê a gha ghɨ kpene wi hi tè nì.

Lumàns 1:30

jîsà a gha a be kum ghɨta, bânà Fùyèn, yikte ghɨta, ghaŋhe wu wun, jîsà yi jîs yi ghaŋheni wùni, khɨŋa kə wu lum hi tè nè be, ywo wi ha be ghɨna.

Lumàns 3:31

Yi chwùtè wi na ghàhnà maka Saki chin kum yi bimî yi ghàhnà. Ghàhnà ni bɨlà kəta hi fate khɨte Saki chin te ghàhnà bime.

Lumàns 5:10

Yi mô ni beka a ndùku mô te ghàhnà baha mô bànàsu Fùyènsu, Wâ Fùyèn ben kpu hi nì na ghàhnà nì wûn kahà bakti chyəna. Yi ni chwùtè na chin te ghàhnà hì mô ma ghɨ ti kaha bakti chyəna ghàhnà nì Yènfù, Klistù bè nêlò ma ghàhnà fate bon à mihi hamok beka wù chyə.

Lumàns 7:22

A mu atɨ̂n à təm mu kôŋà hi tè lèmà sak yi Fùyènì,

Lumàns 8:4

Yènfù tì ni ni shyəma ghàhnà fate chyə mihi chyənà chilichili ye a Saki khɨŋa. Ghàhnà mò ghɨt ghe a ghɨ fè chyə wi te wunu ghàhnà khɨŋa, biyani bɨlà chyə kə te Yohnà Yulena chwùtè, a mô chyənà chilichili ye a Saki khɨŋa.

1 Kòlitiyàns 2:14

Wùt we a wù kəta wi Yohnà Yulena wi hi fye mwə̀ me a Yohnà Fùyènà fo, beka à mò mwə̀ mù ngwo mù ha wûn. Wù wi hi tè khə mwə̀ munâ beka à mò hi nè kə Yohnà Yulena na wù hi khə.

1 Kòlitiyàns 9:21

Mu yen ha ghɨt ghe a ghɨ lêmà wi saki, mu hi mô kə te wut we a wù lèmà wi saki. Yìna chwùtè wi na mu mò ya, lêmà wi sak yi Fùyènì. Mu lèmà kə nâ sak yi Klistù, biyani mu yen ha ghɨt ghe a ghɨ lêmà wi saki, mu hi nê kə ya hi nì na ghɨna tôkà bimi, dô kə ni.

Kòlosiyàns 1:21

Hi jìs yi gha kum yi baktî yi chyənà, ghàn khə na à ndùku mô ashyə̂, ghàn mô kə ha dà ghàn à Yènfù, bânà wûn, kəta yi kwâktì yi be, fê nê a gha a be,

Kòlosiyàns 2:18

Kə ghàn de wùt jis ha ghàn na ghàn hi chwohe ngɨŋ sanisu a chyə̂ fê ngumle anjèlsu Fùyènsu, a bu ya ma ghàn gha maktu wanu. Ghɨna kama jîsà na gha fwo ha ghɨna ni te à chyə su jem, ghaŋhe wu wun kə halô, kwâktì ghɨna mô kə kwâktì yi mbyi.

2 Timotì 3:4

Ghɨna bê hi bəkle ghɨta nì jîs yi ghɨna, shɨŋa nê kə yi nî gha teka ghɨ kwakti, chaha à ghɨ̂t. Ghɨna bè hì kôŋà wi Yènfù, bɨlà kôŋà kə mwə̀ me a mù nè na ghɨna hi ywo jùŋ.

Hibùlùs 8:10

Kàn me a mu nè yə ghàh à ghɨt a Isalì chin mò na: Mu nè lêmàlò sak tamtu a ghɨna a təm ma mu fê nyak sak tu tɨntu a ghɨna tu kwàk. Ma mu nê hì mô Yènfù ghɨna fu, ghɨna mô ghɨt a ma.

Jêms 4:4

Ghɨt ghɨ̂n ghɨ kokhe mwə̀ mbyî ni! Ba yi ni mò na ghàn khə wi na ghàn hì kôŋà mwə̀ mù mbyî, ma à nê hi mô na ghàn bànàlò Yènfù. Ni, à kòŋà nâbi nde mwə̀ mù mbyî ma wù hi bânà Yènfù.

2 Bità 2:14

Ghɨna mô nâbi wùni yu, kwâktè kə ywên a ghɨ̂tà. Ghɨna nê be, bota wi, ghɨna yen ghɨt ghe a bimî yi ghɨna bota, ghɨ lehilò, ghɨna lye a be. Ghɨna fwəkti kwâktì tu ghɨna tu a fo wu kâ. Yènfù ti sûlì ghɨna!