Lumàns 8:5 - Ŋwàklù Fùyèn Kàn Mù Fê (Cameron)

⁵ Ghɨt ghe a ghɨ chyə te njyàsu wùnsu khɨŋa kòŋà kə gha a njyàsu wùnsu biyani ghe a ghɨ chyə te Yohnà Yulena khɨŋa ghɨ kôŋà kə gha Yohnà.

Lumàns 8:5 Iomraidhean Croise

Mâk 8:33

Wù bɨ̂nhì ki jùmtìbàmsu wunsu, njaŋ ha Bità jis na, “Kahi a mu yi bàm a Satàn! Wò kəta wi kwâktì Fùyènì, wò kwàktè kə te wùt.”

Ŋwàklù à Jon 3:6

Wùt bwə kə a chyak a wùna biyani, Yènfù fo a Yohnà.

Lumàns 8:9

Biyani ha ghàn, ghàn kòŋà wi gha a njyàsu wùnsu. À tihe Yohnà Yulena ghàn wu yu afa ghàn kəta kə nâ Yohnà Fùyènà mɨ ghɨ̂n hamok. Nâbi nde te wù kəta wi Yohnà a Klistù wijə wùt wù Klistù.

1 Kòlitiyàns 15:48

Ghɨt ghe a ghɨ mô a chyə̂ mò kə te wut we a ghɨ tì fate nì bûtù, ghɨt ghe a ghɨ mô a nyə̂ mô hi bè tè mò te wut we a wu tì lo a nyə̂.

1 Kòlitiyàns 2:14

Wùt we a wù kəta wi Yohnà Yulena wi hi fye mwə̀ me a Yohnà Fùyènà fo, beka à mò mwə̀ mù ngwo mù ha wûn. Wù wi hi tè khə mwə̀ munâ beka à mò hi nè kə Yohnà Yulena na wù hi khə.

2 Kòlitiyàns 10:3

Yi mô kə nâ hamok na ghàh chyə a mbyî biyani nô wi a gha afa a ghɨt a mbye nò atɨ̂n.

Gàlesiyà 5:17

Gha ghe a ghɨ foma a njyàsu wùnsu kòŋàlò na ghàhnà hi nô gha ghe a Yohnà Fùyènà khɨŋa na ghɨ hi nê, Yohnà Fùyènà boŋa nô ghe a ghɨ foma a njyàsu wùnsu na ghàhnà hi nê. Gha mɨ ghɨ̂n wijə nì sunu, fê nê na wùt hi nê wi gha ghe a wù khɨŋa hi nì.

Efisiyàns 5:9

Mu jìsà ni beka bani mò nâbi afa, ma gha a jûŋà hi fwo kwoka afû, ghɨta chyə chyənà su chilichili su fê nê kə gha ghe a ghɨ mô hamok.

2 Bità 2:10

Yènfù bakte ngə̂k à ghɨt ale hanɨ̂ŋ ma a ni ghɨt ghe a ghɨ tunhe jyak a wuna, nê kə a gha a liŋa ghe a njyàsu wùnsu ghɨna su kòŋà. Chichà su fəm mu sîn ni fànà wijə shyə, yute wijə gha ha wùt. Ghɨna ni ngumle wijə nâbi anjèlsu Fùyènsu a nyə̂, bɨlà sûlè yi sûlì sinsu.