Lumàns 8:3 - Ŋwàklù Fùyèn Kàn Mù Fê (Cameron)

³ Yènfù hì mô ma fu ti ni gha ye a Saki ndùku bu hi nì ha njyàsu wùnsu te su ndùku bota. Fu ni ni a wu lum na fu tì tum Wâ wûn, wù ben a mbyî kə nâ wu wùn wu wûtù afân a wu kôŋà hi tè nè be ni. Wù ben fo ngɨŋ à wûn kpu lò hi làk a besu ghɨ̂tsù. A mô a wu lum afân a Yènfù tì bobhe jyaka a be a njyàsu wùnsu.

Lumàns 8:3 Iomraidhean Croise

Mâk 15:27

Ghɨ tî bantî kəbi ghɨt a chwoŋa ale à bà a Jisòs a ngwùŋ, banti wù mòk a kàkfùtàfù a wun wu kpen wu wo ta, banti wùlè a tô ghɨ le a wun wu kpen wu wo kôwì.

Ŋwàklù à Jon 1:14

Tum mi yinâ tî kahi hì mô kəbi wût, ben chyəti a ghàhnà fùtɨ̂n. Ghàh tì yen jyak a wuna, a mô a jyak a Wâ Fùyèn wù mòk we fu ndùku kəta te wù lo a Bè wun à ngwùŋ ben ma wù ti lun nì kwohi seni fî lun nâ kəbi nì ghə ghe ghɨ mô hamok kum Fùyèn.

Ŋwàklù à Jon 9:24

Ghɨna fî kunti toŋa wùt wù fèfana àtɨ̂n jis ha wun na, “Fo kokhînì ha Yènfù beka ghàh khəlò na Jisòs wunâ mò wut à gha be.”

Fêt 13:39

Yi ni chwùtè na à bimi nâbi nde ha wûn, ma wù bonhi wûn a wun a gha be. Sak yi Musìs wi hi bònhè wût.

Lumàns 3:20

Yi ni chwùtè na Yènfù bè jîsà wi na wùt mò chilichili beka wù lèmà Saki. Saki gàmtè kə hi nì na ghàhnà hi khə gha ye a be mò yini.

Lumàns 6:6

Ghàhnà khə na ghɨ tì shihi bante Klistù a kàkfùtàfù ghɨ banti bakhi nì chyəna ghàhnà ghɨ mwo shyəma jyak a be ghe a ghɨ ndùku mô wu wùn wu mwu afân mi, ma ghàhnà hi fê bu wu kwôs ha be.

Lumàns 7:18

Mu khəlò na gha jûŋì wijə a mu wu wùn. Mu jìsà a mu njyàsu wùnsu afân a su kôŋà be ni. Mu jìsà ni beka mu kòŋàlò kə nâ hi tè nè gha a jûŋà biyani yi bona wi.

Lumàns 8:32

Yènfù tà tì ghək jə hi fo Wâ wûn na ghɨ banti a kàkfùtàfù kum ghàhnà à jɨ̀m. Yi ni chwùtè na fu nè folò nâ mwə̀ mù jɨ̀m ha ghàhnà hi kpenhe Wâ wûn a tû.

Lumàns 9:3

Mu làhi tè kòŋ na Yènfù sùli mu, mu nè hì fè kəta wi gha yile hi nì ghàh à Klistù kum wana noma. Mu jìsà wana noma, a mô ghɨt ghaha ghɨ laka. Mu laha kôŋàlò hi ləhà nâbi ghə a wu yu afa yi mô hi gàmtì na ghɨna bon.

2 Kòlitiyàns 5:21

Nâ Klistù a wun a ngɨŋ tà tì ni jə be biyani Yènfù lyi wun ha wut wù be shyəma ghàhnà tohna a wun ma ghɨ hi mô chilichili a Yènfù ashyə̂.

Gàlesiyà 3:13

Klistù tî yun tu ghàhnà a ndi afa Saki tì bèna nì yini a wu lum na wù tì fyî ndi àtɨ̂n a ghàhnà wu lùk njwo ghɨ ti nyak na, “Ndi Fùyèn mò nâbi ha nde we a ghɨ banti wûn a fukàk.”

Gàlesiyà 3:21

Yi ni chwùtè na Saki tunhe chwunu te Yènfù tì chwune ma? Yi wijə yâ nâ hakoh. À shìki mô ma Yènfù tì fo sak yile shyəma yi ni na ghɨta hi chyə̂, ma sak yi tɨni hi mô hi nì kə nâ na ghɨta hi mô chilichili a Yènfù ashyə̂.

Fìlibiyàns 2:7

Wù bɨlì de nâbi ghə te wù ndùku kəta, ghɨ bwɨ wun te a wût, wù kahi hì mô wut wù fètana.

Hibùlùs 10:12

Biyani ma Jisòs Klistù tì fo ngɨŋ à wûn ha yi fô ha Yènfù kə yu wù mòk chikhi besu ghɨ̂tsù kə yu mù jɨ̀m. Wu fo ni, yen ndokò a Yènfù bàh a kpen wu wo ta.

Hibùlùs 10:14

Wù tì fo ngɨŋ à wûn kə wu yu wù mòk ha yi fô su yuhi ghɨta, na ghɨna hi mô a ghɨt a Fùyènà kə a yû mù jɨ̀m.

Hibùlùs 2:14

Wan mɨ ghɨ̂n a wù ndùku jîsà ni mò kə nâ à ghɨ̂t, kəta njyàsu wùnsu. A ni gha ye a yi tì ne, Jisòs kahi hì boŋa mô kəbi wut te ghɨna shyəma wù kpu ma wù bobhi wun we a wù nê na ghɨta hi kpô, a mô deblì.

Hibùlùs 2:17

A ni mò gha ye a yi tì ne wù kahi hì mô kəbi wut te wana nè wuna, shyəma wù fatè khɨli hi tè fèt te ngàŋ à ndâ Fùyèn yi ngaŋtena fê kwohe seni ha ghɨta, fêtà ha Yènfù hi nì na fu lehèfo besu ghɨ̂tsù.

Hibùlùs 4:15

Ghàhnà kəta ngàŋ à ndâ Fùyèn yì ngaŋtena, yi fate khə lum te a ghàhnà bota atɨ̂n, ma mômhìnì tî ben ha wûn kə a tu lum a tu lûm, kəbi te yi bênà ha ghàhnà, biyani wù tê nè jə̀ be.

1 Bità 2:24

Wù ti bêkà besu ghàhnàsu kə nâ a wun wu wùn, a tô kàkfùtàfù. Wù tì ni ni shyəma ghàhnà hi bɨlà chyə̂ chyəna su chilichili su, be fê kəta wi gha hi nì a ghàhnà sù chyənà. À mò lemtu we a wù tì khɨte na ghàn ta,