Lumàns 8:2 - Ŋwàklù Fùyèn Kàn Mù Fê (Cameron)

² Yi mô ni beka Yohnà ghe a ghɨ nê na ghɨta hi chyə̂ tohne a Klistù Jisòs ti boŋ ni kəbi na be nì kpu hi fè kəta wi gha kum mu.

Lumàns 8:2 Iomraidhean Croise

Ŋwàklù à Jon 4:10

Te wù bufa ni, Jisòs ki jîs ha wûn na, “Wò ye hì khə mwə̀ me Yènfù fo ha ghɨta fê khə wùt we wù lona mòlû muna ha wò, ma wò ti lon mòlû, a bu mòlû mù jwò, wù fo ha wò.”

Ŋwàklù à Jon 4:14

Biyani, ma à nyu nâbi nde mòlû me mu fo ma kuŋ à mòlû bê tè fè yim a jə̀ wûn. Wùt ki nyo mòlû munâ ma mù kahi te yi tôk ma yi fwo a wun wù wùn, ma mù nì wûn ma wù khɨti chyəna ghe ghɨ bè chyâ mê wi.”

Ŋwàklù à Jon 6:63

À fo kə Yohnà Fùyènà chyə faŋani ha ghɨta. Wùt kəta wi gha yile hi nì a wun a ngɨŋ hi chyə fâŋ. Mu hi mò ma mu ti fôktì gha ye ghàn kəta hi nì hi khɨte chyə ye yi bè mê wi a Yohnà Fùyènà fo ni.

Ŋwàklù à Jon 8:32

Ghàn ki khɨle gha ye yi mô hamok kum Yènfù, ma hamok à Fùyèn nê ni ma ghàn hi fê bu wu kwôs.”

Ŋwàklù à Jon 8:36

Yi ni chwûtè na Wâ Wùt ki jîs na wò fi wijə a kwôs, ya mò na, wò fi wijə a kwôs hamok.

Lumàns 16:3

Ghàn toŋti kəbi Bìsilà ghê Àkwɨlà ha mu. Ghàh à ghɨna fètà ha Klistù Jisòs amok.

Lumàns 3:27

Yi ni chwùtè na wùt mò hi fè ghaŋhe wu wun chin kum ghə? Ghaŋhi wùni fè kəta wi luku. Yi ni fè kəta wi luku yàni agha? Yi fè kəta wi luku beka wùt tà bon jə kum yi fêt yi wuni. Wù bon kə kum yi bimî.

Lumàns 5:21

Be ndùku chwûtè jyak ghe a yì kəta tohne a yi kpû biyani Yènfù chwûtè na təm a jûŋà wuna kətalò jyaka, lyi ghàhnà ha ghɨt a chilichili hi fo chyənà ye a yì bè mê wi ha ghàhnà tohne a Bâba ghàhnà Jisòs Klistù.

Lumàns 6:14

Ghàn nè ni shyəma be hi fê kəta wi jyaka a ghàn a tû beka Yènfù hì mô ma fu ti chwûtì təm a jûŋà ha ghàn, ghàn tê hì fê chyə wi a sah à yi sak.

Lumàns 6:18

Yènfù ti bônhì ghàn, ghàn tê hì fê bu wu kwôs ha be. Ghàn hi bɨlà mô wu kwôs ha Yènfù shyəma ghàn hi gbê a lum tu chilichili tu.

Lumàns 6:22

À mò chin ma ghɨ ti bônhì ghàn a be, ghàn hi bɨlà mô wu kwôs ha Yènfù, mbì àtɨ̂n mò na ghàn hì chyə chyənà su yulesu, mô hi bè khɨte chyənà ye a yì bè mê wi.

Lumàns 7:21

Yi mô ha mu ni te a nè yi sak na mu hi nê, shihi khɨŋ hi nè yi gha yi jûŋì, mu bɨlì ni kə gha yi be.

Lumàns 7:23

biyani yena na à bɨlà fêtà kə yi sak yilô a mu wu wùn, fêtà ni, nô yi sak ye a yi mô a mu yi təm. Yi nê mu, mu mô ni te mu mò à ndâ chyâk ha be. A mô yi sak yi be mi yina a yi fêtà a mu wu wùn.

Lumàns 7:4

Yi ni boŋa mô kə wu lum afân ha ghàn chin a wana noma. Ghàn hi boŋa mô kəbi ni te ghàn ti kputî, Saki fê kəta wi gha hi nì ha ghàn beka ghàn tì kpû ghàn à Klistù ghàn hì mô bâh à wuna ghɨ wùna. Yi ni chwùtè na, a kəta wun ghàn chîn, a mô wun we a Yènfù tì lòhe a yi kpû hi nì na ghàhnà hi mô tam wu jûŋù ha wûn.

Lumàns 8:1

Yi ni chin chwùtè na ghɨt ghe a ghɨ ti bimî ha Klistù Jisòs hì mô ghɨt a wuna bu hi bè fè fen a sak a Yènfù ashyə̂.

1 Kòlitiyàns 15:45

Ghɨ ti nyak a ŋwàklù Fùyèn na, “Adàm wù shyə̂ ndùku mô wut te Yènfù fate, wù hì chyə̂”, Adàm wù gòkhena mô Klistù bên hì mô yohnà ghe a ghɨ nê na ghɨta hi chyə̂.

2 Kòlitiyàns 3:17

Yi mô ni beka Bâba ghê Yohnà Yulena mò kə a shyə̀ à mòk. Yohnà a Bâba mô nâbi afa, ghɨta hi bu wu kwôs a shyə̀ ale.

2 Kòlitiyàns 3:6

À ni wûn na ghàh hi kpenê hi tè fòktè gha kum kàn mù fê me a wù yə ghê ghɨta. Kàn mu muna wijə sak ye a ghɨ tì nyàka, à mô kàn mù Yohnà Yulena. Sak ye a ghɨ tì nyàka ywelò, Yohnà Yulena nê na ghɨta hi chyə̂.

Gàlesiyà 2:19

Mu chehì chyə yi dèt yi Sak biyani mu de Saki shyəma mu nè hi chyə̂ kə hi tè kokhe a Fùyèn. Ghɨ tì banti mu a kàkfùtàfù ghàh à Klistù.

Gàlesiyà 5:1

Klistù ti fihi ghàhnà a yi fèt yì kwòsì shyəma ghàhnà hi khɨte ngɨŋsu ghàhnà su. Ghàn fatè khɨti lê ngɨŋ sanisu, kə wùt nè fê kaha lihe ghàn a yi fèt yi kwòsì.

Gàlesiyà 6:2

Ghàn hi gâmtè bêkà ngəksu wana ne ghana. Ghàn shìki tê nì ni, ma ghàn hi lunhe sak yi Klistù.

Jêms 1:25

Biyani wùt we wù tòka yute kə yi yutî sak yi Fùyènì ye yi kpene, wi hi tè fè mò a kwôs a gha mbye. Wùt mu wunâ ywo yi ghâ wu tê yìtà, wu hi nê kə te wù ywo. Wù nî, wu hi kəta yi bonhî nì nâbi nì gha ghe wù nè.

Gokhini 11:11

Biyani, à hì mô yi bàm mu tuk mefu mù tât nì bəha, ma Yènfù fo yohnà ghe a ghɨ nê ghɨta chyə̂ ha ghɨna, ma ghɨ ni ghɨna loti, ghɨt ghe ghɨ tì yena ghɨna hì fânà nâ haŋaŋ.

Gokhini 22:1

Yi bàm atɨ̂n, anjèl à Fùyèn mu ye fî chwûtì jwò ye ha mu a yì fo chyəna, yi njêntè kə ni te mìjô. Jwò àtɨ̂n ndùku fwo bênà wu kpòk wu tù fə̀nù Yènfù ghê Wâ Njyə̀,