Bìoball air-loidhne

Lumàns 8:11 - Ŋwàklù Fùyèn Kàn Mù Fê (Cameron)

¹¹ Yohnà a Fùyènà ghe a ghɨ tì lòhe Jisòs Klistù a yi kpû, shìki chyə̂ a ghàn a fùtɨ̂n, ma Yèn fûn a fu tì lòhe Jisòs a yi kpû ni, nê fo kəbi chyənà wu wùn afân a wu kəta hi kpu ni, tohne a wun a Yohnà afa a ghɨ chyə a ghàn a fùtɨ̂n.

Faic an caibideil Dèan lethbhreac

dol air ais ⬆

Lumàns 8:11
37 Iomraidhean Croise

Ŋwàklù à Jon 14:17

Gàmtì mi yinâ mò a Yohnà Fùyènà ghe ghɨ chwûtè hamok kum Yènfù. Ghɨt a mbye wi hi fye a gàmtì mi yinâ beka ghɨna yena wi wûn, khə wi wûn. Biyani ghàn khə wûn beka wù chyə ghàn à ghɨna, mô hi tè mò a ghàn a fùtɨ̂n.

Faic an caibideil

Ŋwàklù à Jon 5:21

Kəbi yi ghəl te Bì lòhè ghɨta a yi kpû, wu ni ghɨna hi chyə̂, Wan ki kôŋ ma wù ni ma nâbi nde hi chyə̂.

Faic an caibideil

Fêt 2:24

biyani Yènfù nî wù lôtì a yi kpû, fî bônhì wûn a jyak a kpo beka kpu ndùku kəta wi jyak ale hi khɨte wûn te wut à ndâ chyâk.

Faic an caibideil

Lumàns 16:10

Ghàn toŋti Àbelès. Wù ti chwûtì na wù mò kə wun a tô yi bimî ha Klistù. Ghàn toŋti kəbi ghɨta a Àlìstobulùs yi sah yi nda ha mu.

Faic an caibideil

Lumàns 16:3

Ghàn toŋti kəbi Bìsilà ghê Àkwɨlà ha mu. Ghàh à ghɨna fètà ha Klistù Jisòs amok.

Faic an caibideil

Lumàns 16:7

Ghàn toŋti Àndɨ̀lonikùs nì Junìyàs. Ghɨna mò kəbi ghɨt a Jûs te mu, ma ghàh à ghɨna ndùku mô a ndâ chyâk amok. Ghɨna tì bimi ha Klistù ha mu ashyə̂, ghɨt a tuma Jisòs hì fate khə ghɨna nâ a jûŋ.

Faic an caibideil

Lumàns 16:9

Ghàn toŋti Òbanùs te ghàh à wûn ndùku chîntè fêtà ha Klistù kəbi nì sô mù Sɨ̀takìs.

Faic an caibideil

Lumàns 6:12

Kə ghàn fê de be na yì hi saka wun wanu yi mô hi bè kpu ni, nê na ghàn hi nê gha ghe a yi khɨŋa.

Faic an caibideil

Lumàns 8:1

Yi ni chin chwùtè na ghɨt ghe a ghɨ ti bimî ha Klistù Jisòs hì mô ghɨt a wuna bu hi bè fè fen a sak a Yènfù ashyə̂.

Faic an caibideil

Lumàns 8:12

Yi ni chwùtè a wana noma na, ghàhnà kəta gha hi nì, gha tɨni bu na ghàhnà hi chyə te njyàsu wùnsu ghàhnàsu khɨŋa.

Faic an caibideil

Lumàns 8:2

Yi mô ni beka Yohnà ghe a ghɨ nê na ghɨta hi chyə̂ tohne a Klistù Jisòs ti boŋ ni kəbi na be nì kpu hi fè kəta wi gha kum mu.

Faic an caibideil

Lumàns 8:9

Biyani ha ghàn, ghàn kòŋà wi gha a njyàsu wùnsu. À tihe Yohnà Yulena ghàn wu yu afa ghàn kəta kə nâ Yohnà Fùyènà mɨ ghɨ̂n hamok. Nâbi nde te wù kəta wi Yohnà a Klistù wijə wùt wù Klistù.

Faic an caibideil

1 Kòlitiyàns 15:16

Yi shìki mô hamok na ghɨ lôhè wi ghɨta a yi kpû, ma yi hi chwûtè na ghɨ tà tì boŋ lôhè jə Klistù.

Faic an caibideil

1 Kòlitiyàns 6:14

Yènfù tì lôhì Bâba a yi kpû, ghɨ mô hi bè lòhè kəbi ghàhnà a wun a jyak.

Faic an caibideil

2 Kòlitiyàns 4:11

Ghàh chyə nâbi yi chyə̂, mô kə a yi jwô yì kpû kum Jisòs. Yènfù de na yi hi mô a lum afân shyəma ghɨta hi yena chyənà Jisòs a chyak a wùna ghàhnà afân a wu kəta hi kpu ni.

Faic an caibideil

2 Kòlitiyàns 4:14

Ghàh kəta hi fòktì beka ghàh khəlò na Yènfù ti lôhì Bâba Jisòs a yi kpû, wù bè boŋa lôhèlò kəbi ghàhnà ghe a ghɨ mò ghɨt a Jisòs ma wù lyê chìntê lem ghàhnà a wun ashyə̂.

Faic an caibideil

2 Kòlitiyàns 5:4

Ghàhnà chyə wu wùn afân, jyê kə yi jî njwo ngək ye a ghàhnà yena. A bu na ghàhnà jìsà na Yènfù chyakhi wun wu ghàhnà we ghɨ chyə atɨ̂n, ma ghàhnà faŋ nì wun wu yimu. Ghàhnà bɨlà khɨŋa kə na fu fo wun wu fe ha ghàhnà we a wu bu hi kpû, shyəma wu lyi luk wu wùn wunâ.

Faic an caibideil

Gàlesiyà 6:8

Wùt ki yome kə shyə ghe a ghɨ foma a njyàsu wunsu wùnsu, ma wù bê kpê kə ghɨna, a mô yi kpu. Wùt ki yome shyə ghe a Yohnà khɨŋa, ma Yohnà bê ni, ma wù kpê kə ghɨna, a mô chyə ye a yì bè mê wi.

Faic an caibideil

Efisiyàns 2:5

A ni mò gha ye a fu tì lòhi Klistù boŋ lôhì ghàhnà a yi kpû. À ndùku mô ni, ma ghàhnà ti kputî a yòhnà kum besu ghàhnàsu. Yènfù bônhì ghàhnà beka təm a jûŋà ghe a fu kəta.

Faic an caibideil

Fìlibiyàns 3:21

Wu bênà ma wù kwuna wun wu ghàhnà wunâ a wu mô hi kpu ni, ma wu kahè hi mô kəbi te wun wu wunu wu njentenu. Wu bênà hi nè gha mɨ ghɨ̂n nì jyak ghe a wù kəta ghɨ mô hi nì na mwə̀ mù jɨ̀m hi mô kə a wun a sah yì sâk.

Faic an caibideil

Hibùlùs 13:20

Mu jə̀mà na Yènfù fo yutìnì ha ghɨta, ma fu fo nâbi ghə ghɨ jûŋà ha ghàn shyəma ghàn khɨli hi nè nâbi ghə ghe a fu khɨŋa. A mô wûn a Wu tì lòhe Bâba ghàhnà Jisòs a yi kpû, Jisòs mu wuna ndùku mô Chìn à sù bwû yì chìk, chin kum mu kân me a mù tì faŋa a yu mù jɨ̀m. Wù tì baŋ kàn muna nì luŋ mù wûn. Mu jə̀mà na Yènfù ni gha ye a yi kpene ha wûn a ghàn à wu wùn tohne a Jisòs Klistù. Kokhînì yen ha wûn ha yu mù jɨ̀m. Àmèn.

Faic an caibideil

1 Bità 1:21

A mô beka Klistù mu wûn a ghàn bime ha Yènfù a fu tì lòhe wûn a yi kpû, lem wûn a wu lùk wu ngaŋtenu, gha tɨni nî, ghàn ghɨ hì kəta bimînì fê ke yênà kə ha Yènfù.

Faic an caibideil

1 Bità 3:18

Yi jwôfàlò hi tè yena ngə̂k wu lum afân njwo nâ Klistù ha wun a ngɨŋ tì yen ngə̂k kpu lò kum besu ghàhnàsu mihì fêt yi wuni kə wu yu wù mòk. Wù ndùku mô wut à chilichili biyani wù kpû hi bònhè ghɨt a gha a be hi nì na ghàhnà ben ha Yènfù. Ghɨta tî ywi wûn, biyani à kpu kə chyak a wuna ghɨ wùna, Yènfù nî yohnà a wuna faŋ hì chyə̂ kə yi chyə̂.

Faic an caibideil

Gokhini 1:18

fê mô kəbi wûn we a wù chyə. Wù jis na yi tî kpû kahi hì chyə̂, mô hi tè mò kə yi mô a mu yu mù jɨ̀m. Wù fî jis na yi kəta a chwok a yi a wô, kəta jyak a kpo, fê kəta jyaka hi chwoka yi lak yi ghɨt a kpona.

Faic an caibideil

Gokhini 11:11

Biyani, à hì mô yi bàm mu tuk mefu mù tât nì bəha, ma Yènfù fo yohnà ghe a ghɨ nê ghɨta chyə̂ ha ghɨna, ma ghɨ ni ghɨna loti, ghɨt ghe ghɨ tì yena ghɨna hì fânà nâ haŋaŋ.

Faic an caibideil

Lean sinn:

Ceanglaichean taic

Sanasan

Sanasan