Lumàns 8:10 - Ŋwàklù Fùyèn Kàn Mù Fê (Cameron)

¹⁰ Biyani, ma Klistù shìki mô a ghàn a fùtɨ̂n, ma wun wanu nê shihi kpu te ghàn kəta hi kpû kum be, ma yohnù wanu faŋ ma wu hi chyə̂ kə yi chyə̂ beka Yènfù hì mô ma fu ti lyi ghàn ha ghɨt a chilichili.

Lumàns 8:10 Iomraidhean Croise

Ŋwàklù à Jon 14:23

Jisòs fîsì ha wun na, “À koŋ nâbi nde mu, ma Bôm nê hi boŋa kôŋà wûn, ma ghàh à wûn nê ben ma ghɨ hi chyə̂ ghê wùt mu wê.

Ŋwàklù à Jon 15:5

“Mu mò fùkàk, ghàn mô tu kpôŋ. Wùt ki fâŋ a mu wùn, ma mu faŋ ha wûn ma wù mu tamu wu dô kə ni. À hì bu ha mu, ghàn wi hi nè gha yile.”

Ŋwàklù à Jon 17:23

Mu jə̀mà hi tè mò kə ha shyə̀ à mòk ghàh à ghɨna, ghàh à wò mô kə ha shyə̀ à mòk shyəma ghɨna kahè hi mô kə ha shyə̀ à mòk kə nâ ha ghɨna sù ngɨŋ, hi nì na mbyî hi khə na wò che tum mu, kôŋà ghɨna kəbi yi ghəl te wò kòŋà mu.

Ŋwàklù à Jon 4:14

Biyani, ma à nyu nâbi nde mòlû me mu fo ma kuŋ à mòlû bê tè fè yim a jə̀ wûn. Wùt ki nyo mòlû munâ ma mù kahi te yi tôk ma yi fwo a wun wù wùn, ma mù nì wûn ma wù khɨti chyəna ghe ghɨ bè chyâ mê wi.”

Ŋwàklù à Jon 6:54

À yə nâbi nde wun wu mu fî nyu luŋ mâmù ma à hi mô na wu kəta lò chyə ye yi mê wi, ma mu bê fê lohi wûn a yi kpû a wu tuk wu gokhenu,

Ŋwàklù à Jon 6:56

À yə nâbi nde wun wu mu, fî nyu luŋ mâmù, ma wù hi chyə ha mu, mu chyə ha wûn.

Lumàns 5:12

Yi ni mô yê wu lum afân ni, wùt wù mòk ti ni be, yì ben nì kpu a mbyî. Yi ni chwùtè na kpu ti yen kə ha ghɨt à jɨ̀m beka ghɨt à jɨ̀m ti ni be.

Lumàns 5:21

Be ndùku chwûtè jyak ghe a yì kəta tohne a yi kpû biyani Yènfù chwûtè na təm a jûŋà wuna kətalò jyaka, lyi ghàhnà ha ghɨt a chilichili hi fo chyənà ye a yì bè mê wi ha ghàhnà tohne a Bâba ghàhnà Jisòs Klistù.

Lumàns 8:11

Yohnà a Fùyènà ghe a ghɨ tì lòhe Jisòs Klistù a yi kpû, shìki chyə̂ a ghàn a fùtɨ̂n, ma Yèn fûn a fu tì lòhe Jisòs a yi kpû ni, nê fo kəbi chyənà wu wùn afân a wu kəta hi kpu ni, tohne a wun a Yohnà afa a ghɨ chyə a ghàn a fùtɨ̂n.

1 Kòlitiyàns 15:45

Ghɨ ti nyak a ŋwàklù Fùyèn na, “Adàm wù shyə̂ ndùku mô wut te Yènfù fate, wù hì chyə̂”, Adàm wù gòkhena mô Klistù bên hì mô yohnà ghe a ghɨ nê na ghɨta hi chyə̂.

2 Kòlitiyàns 13:5

Ghàn fate kina ngɨŋ sanisu ma yen nâ, a ghàn chyə lò kə nâ te ghɨt a bimena agha. Ghàn fate kina ngɨŋ sanisu. Ba yi ni mò na ghàn yena na Jisòs Klistù chyə lò kə nâ a ghàn a fùtɨ̂n ma? Ghàn kəta hi tè yên, a bu kə na ghàn chyə wi chyənà ghɨt a bimena.

2 Kòlitiyàns 4:11

Ghàh chyə nâbi yi chyə̂, mô kə a yi jwô yì kpû kum Jisòs. Yènfù de na yi hi mô a lum afân shyəma ghɨta hi yena chyənà Jisòs a chyak a wùna ghàhnà afân a wu kəta hi kpu ni.

2 Kòlitiyàns 5:21

Nâ Klistù a wun a ngɨŋ tà tì ni jə be biyani Yènfù lyi wun ha wut wù be shyəma ghàhnà tohna a wun ma ghɨ hi mô chilichili a Yènfù ashyə̂.

Gàlesiyà 2:20

Mu hi mô chîn, fê chyə wijə a mu a ngɨŋ, à hì chyə Klistù a mu fùtɨ̂n. Chyənà ye a mu chyə chîn mò beka yi bimî ye a mu kəta ha Wâ Fùyèn we a wù tì kòŋà mu fo ngɨŋ à wûn kpu kum mu.

Efisiyàns 3:17

shyəma bimî yani ni ma Klistù hi fate chyə̂ kə nâ yi chyə̂ a ghàn a təm. Mu jə̂mà na ghàn ləma atɨ̂n à yi kòŋ ma yi hi tâ,

Fìlibiyàns 1:23

Mu yɨŋna kə yi yɨŋnâ atɨ̂n à agha afân, kôŋà hi dè chyə ghɨ̂n hi yèn hi tè mò ghàh à Klistù, a mô gha ye a yi jwôfà kpene,

Fìlibiyàns 3:9

Mu khɨŋa na ghàh à wûn hi chîntè mô kə ha shyə̀ à mòk, mu mô chilichili a Yènfù ashyə̂, a bu kum jyak a ma a ngɨŋa. Mu fè lêmà wi Saki hi tê mô chilichili, mu hì mô wut à chilichili chin kum yi bimî mi ha Klistù. A ni lum we a Yènfù lyè ghàhnà atɨ̂n ha ghɨt a chilichili.

Kòlosiyàns 1:27

Yènfù ndùku khɨŋa na ghɨt mɨ ghɨ̂n hi khə nâ gha yi leteni ye a fu bakte lema a mô yi gha yi kanani, a mô yi gha hi gàmtè kə ghɨt a tu lak tu mbyî tu kə tù jɨ̀m. Gha mi yîn mô na Klistù mò kə nâ a ghàn a təm, yi chwûtè na ghàn khə hamok na ghàn bè chyə lò ghàn a wûn a wun atɨ̂n à yi ghak.

1 Tèsàloniyàns 4:16

À bè hì mô wu tuk afû, ma Bâba nâ nì ngɨŋ à wûn chwo ben a nyə̂, ma wù fo saki, ma anjèl à Fùyèn yi chik jis, ma ghɨta fê yu te ghɨ toŋa soŋ yi Fùyènì, ma ghɨt ghe a ghɨ tì shihi kpû samhe Klistù kaha loti a yi kpû ashyə̂.

Hibùlùs 12:23

Ghàn ti boŋ ben wu lùk hi yə chìntì ghàn à wana ne ghɨ ləmanà ghɨ le a Yènfù ashyə̂. A mô chìntè ghɨt a bimena ghe a Yènfù nyàka yet a ghɨna a ŋwàklù a nyə̂. Ghàn ti ben a Yènfù ashyə̂ a fu saka ghɨt à jɨ̀m. Ghàn ti ben a ghɨt a jûŋà ghe a Yènfù ne na ghɨna hi yule kpenê.

Hibùlùs 9:27

Ghɨ ti lem na wùt bè kpo kə wu yu wù mòk, ma à hi mô te wù kpû, ma wù time a Yènfù ashyə̂ yì sak.

Gokhini 14:13

Mu fî yu jyə̀ te yì bènà a nyə̂ jîsà na, “Nyàk gha yìna ni na, Hi yìmì chîn nì hi yèn ashyə̂, saŋlînì hì mô nâbi ha nde we a wù shihi kpû, jûmtè Bâba!” Yohnà Yulena fî fîsì kə na, “Hamok, saŋlînì mò ha ghɨna. Ghɨna nè yutèlò a ghɨna sù ngə̂k beka Yènfù nè mâktèlò ghɨna yi fèt yi jûŋì.”