Lumàns 8:1 - Ŋwàklù Fùyèn Kàn Mù Fê (Cameron)

¹ Yi ni chin chwùtè na ghɨt ghe a ghɨ ti bimî ha Klistù Jisòs hì mô ghɨt a wuna bu hi bè fè fen a sak a Yènfù ashyə̂.

Lumàns 8:1 Iomraidhean Croise

Ŋwàklù à Jon 14:20

À bè hì mô wu tuk afa mu kaha bena ha ghàn ma ghàn khɨli na ghàh à Bôm mò kə ha wùt wù mòk, ma ghàhnà ghɨ̂n hi boŋa mô kə ha shyə̂ à mòk.

Ŋwàklù à Jon 15:4

Ghàn faŋ à kə ha mu ma mu faŋ à kə ha ghàn. Kpoŋtu fù kàktù wi hi mo jə tamu kə ha wun a ngɨŋ, fu kəta kə hi tè mò a fùkàk shyəma wu mu tamu. Yi ni mò kəbi yi ghəl te ghàn wi hi mo tamu a bu na ghàn faŋ a mu wùn.”

Ŋwàklù à Jon 5:24

“Mu jìsà ha ghàn hamok na, nâbi nde we wù ywo gha ye mu jìsà, bimi ha we wù tuma mu ma wù hi kəta chyə ye yi bè mê wi, ma ghɨ bê tè fè saka wùt mu wunâ. Yi chwûtè na wù ti tohna chya yi kpû hì chyə̂.”

Lumàns 16:3

Ghàn toŋti kəbi Bìsilà ghê Àkwɨlà ha mu. Ghàh à ghɨna fètà ha Klistù Jisòs amok.

Lumàns 16:7

Ghàn toŋti Àndɨ̀lonikùs nì Junìyàs. Ghɨna mò kəbi ghɨt a Jûs te mu, ma ghàh à ghɨna ndùku mô a ndâ chyâk amok. Ghɨna tì bimi ha Klistù ha mu ashyə̂, ghɨt a tuma Jisòs hì fate khə ghɨna nâ a jûŋ.

Lumàns 5:1

Te Yènfù ti lyi ghàhnà ha ghɨt a chilichili kum yi bimî yi ghàhnà, ghàhnà nì wûn hì chyə kə nâ nì yutìnì chîn atɨ̂n à jyak afa a Bâba ghàhnà Jisòs Klistù fo.

Lumàns 5:16

Fo yi Fùyènì wijə te be ye a Adàm tì ne. Be àtɨ̂n ni nè kə na Yènfù sak à bobhi ghɨta, biyani fo yi Fùyènì nê na ghàhnà hi mô chilichili a Yènfù ashyə̂ nâbi te ghàhnà ndùku nê gha a be nâ haŋaŋ.

Lumàns 7:17

Yi ni chwùtè na, à laha nê wi mu gha mɨ ghɨ̂n. À bɨlà nê be ye a yì mò a mu wu wùn.

Lumàns 7:20

Mu shìki nê gha ye a mu kòŋà wi hi nì, ma yi hi chwùtè na à fè nê wijə mu gha tɨni, à nè be ye a yì mò a mu wu wùn.

Lumàns 8:11

Yohnà a Fùyènà ghe a ghɨ tì lòhe Jisòs Klistù a yi kpû, shìki chyə̂ a ghàn a fùtɨ̂n, ma Yèn fûn a fu tì lòhe Jisòs a yi kpû ni, nê fo kəbi chyənà wu wùn afân a wu kəta hi kpu ni, tohne a wun a Yohnà afa a ghɨ chyə a ghàn a fùtɨ̂n.

Lumàns 8:14

Yi mô ni beka nâbi nde we a Yohnà Fùyèn tihe wûn mò we à mò wâ Fùyèn.

Lumàns 8:2

Yi mô ni beka Yohnà ghe a ghɨ nê na ghɨta hi chyə̂ tohne a Klistù Jisòs ti boŋ ni kəbi na be nì kpu hi fè kəta wi gha kum mu.

Lumàns 8:34

À mò hi fè jìs a nde na ghɨna ti ni bobhi gha? À mò hi jìs Klistù Jisòs we a wù tì kpu ma? Wù wi hi jìs beka wù tì kpû kaha lôtì a yi kpû mô chin a Yènfù kpen wu wo ta, jə̂mà ha ghàhnà.

Lumàns 8:39

makə à mò mbyî ye a yì mò a nyə̂ makə à mò yê a yì mò a dèt yi chyə, nâ shyə ale wi hi bè jyàhè ghàhnà a yi kòŋ afa a Yènfù chwùte tohne gha afa a Bâba ghàhnà Klistù Jisòs tì ne ha ghàhnà.

Lumàns 8:4

Yènfù tì ni ni shyəma ghàhnà fate chyə mihi chyənà chilichili ye a Saki khɨŋa. Ghàhnà mò ghɨt ghe a ghɨ fè chyə wi te wunu ghàhnà khɨŋa, biyani bɨlà chyə kə te Yohnà Yulena chwùtè, a mô chyənà chilichili ye a Saki khɨŋa.

Lumàns 8:9

Biyani ha ghàn, ghàn kòŋà wi gha a njyàsu wùnsu. À tihe Yohnà Yulena ghàn wu yu afa ghàn kəta kə nâ Yohnà Fùyènà mɨ ghɨ̂n hamok. Nâbi nde te wù kəta wi Yohnà a Klistù wijə wùt wù Klistù.

1 Kòlitiyàns 1:30

Biyani a nê Yènfù na ghàn hi chyə̂ kum Klistù Jisòs. Fu ti ni na wù hi mô tof wu ghàhnà, ni na ghàhnà hi mô chilichili tohne a wûn, fi ni na ghàhnà hi yulê, yun tu wu ghàhnà.

1 Kòlitiyàns 15:22

Yi ni mô kəbi yi ghəl te ghɨt à jɨ̀m kpo beka Adàm tì kpo, a mô be ghɨna, ghɨt à jɨ̀m ghe a ghɨ bime ha Klistù mò hi bè hi tê chyə̂, kə yi ghəl te Wù tì lòte hì chyə̂.

2 Kòlitiyàns 12:2

Mu khəlò wùt wù bimena wùlè a Yènfù tì lye kwoka a nyə̂ nâ wu lùk afa a wu tì ngaŋte kpene. Mu laha khə wi nâ, wù tì kwok kə nâ nì wun wu wunu ma à tì kwok a yohnà. À tòkà khə kə Fùyèn. Chîn mô lɨ̂m njwòsù kìk te gha yina gàna.

2 Kòlitiyàns 5:17

Wùt shìki mô ghê Klistù, wu hi mô wut wù fê, ma chyənà wun yi mwu ti chyâ, yì fe bên.

Gàlesiyà 3:13

Klistù tî yun tu ghàhnà a ndi afa Saki tì bèna nì yini a wu lum na wù tì fyî ndi àtɨ̂n a ghàhnà wu lùk njwo ghɨ ti nyak na, “Ndi Fùyèn mò nâbi ha nde we a ghɨ banti wûn a fukàk.”

Gàlesiyà 3:26

Ghàn à jɨ̀m mò wana Fùyènà beka ghàn ti bime ha Klistù Jisòs.

Gàlesiyà 3:28

Hanɨ̂ŋ fè wijə ha wùt à Jûs ghê wùt à Gɨlìs. Hanɨ̂ŋ bu ha wùt we a wù mò a wun a ngɨŋ ghê wùt we a wù mò a kwôs, bu ha wùt wù lɨmà ghê wùt wù ywên beka ghàn à jɨ̀m hì chîntè mô kə a shyə̀ à mòk ghàn à Klistù Jisòs.

Gàlesiyà 5:16

Mu khɨŋa hi jìs ha ghàn na, ghàn hi gbê kə te Yohnà Yulena tihe ghàn. Ghàn shìki nî ni, ma ghàn hi fê nê wi gha ghe a ghɨ foma a njyàsu wùnsu.

Gàlesiyà 5:25

Chin te ghàhnà hì chyə kum Yohnà Yulena, ghàhnà kəta hi tè gbì kə wu lum afa a ghɨ tihe ghàhnà atɨ̂n.

Efisiyàns 1:1

À nyak mu Bôl ŋwàklù yìna ha ghàn ghɨt a Fùyènà ghe a ghàn mò kə a ghàn a yi bimî ha Klistù Jisòs, chyə a Efisùs. Mu mô wùt wù tum ha Klistù Jisòs ma à chwok Fùyèn.

Fìlibiyàns 3:9

Mu khɨŋa na ghàh à wûn hi chîntè mô kə ha shyə̀ à mòk, mu mô chilichili a Yènfù ashyə̂, a bu kum jyak a ma a ngɨŋa. Mu fè lêmà wi Saki hi tê mô chilichili, mu hì mô wut à chilichili chin kum yi bimî mi ha Klistù. A ni lum we a Yènfù lyè ghàhnà atɨ̂n ha ghɨt a chilichili.