Lumàns 7:7 - Ŋwàklù Fùyèn Kàn Mù Fê (Cameron)

⁷ Gha yina ni chwùtè na ghə? Yi ni mò na Saki mò a shyə a be ma? Yi wijə ni nâ hakoh beka a ndùku bu ha Saki ma mu khə wi gha ghe a be mò ghɨna. Saki ndùku faŋa hi jìs na, “Kə se ghana hi fwo a ghɨta a mwə̀,” ma mu khə wi gha mi yîn.

Lumàns 7:7 Iomraidhean Croise

Matiyò 5:28

Biyani, mu jìsà ha ghàn chin na, à ki nâbi nde wùt ywên səmtilò hi chyə̂ nì wûn, ma à hi mô na wù ti chyə̂ nì wûn a wun a yi kwàktì.

Lûk 12:15

Jisòs fî jis ha nôn ghe na, “Ghàn hi tôknè kum se fwona, beka chyəna wûtà wijə kə kum mwə̀ mù dô me wù kəta, wù kôŋ wù hi kəta nâbi yàni.”

Lûk 20:16

Yi hì mô yâ, ma wu bê ywiti ghɨt a fetana ghê, ma wù kahà lyi fùk à tɨna ma wù fo ha ghɨt a lô.” Jisòs mihì ngàn mi yinâ ghɨt ghe yuti ni, jis na kə Yènfù bè bime na nki gha yîn bê gan ha ghàh ni.

Fêt 20:33

Mu tà timi hì jyê hi tè kəta ka wûtù makə sùnju.

Lumàns 13:9

Sak tɨ̂n ni na, “Kə wò bè chyə nì ywê wùt makə nì lɨm à wùt, kə wò bè ywe, kə wò bè chwoŋa, kə se gha hi fwo a ghɨta a mù mwə̀,” nì sak tu letu nâ tù jɨ̀m ni chìntè yê fwo kə atɨ̂n à yìna na, “Kòŋ wâ nâ kə yi ghəl te wò kòŋà ngɨŋ yâ.”

Lumàns 3:20

Yi ni chwùtè na Yènfù bè jîsà wi na wùt mò chilichili beka wù lèmà Saki. Saki gàmtè kə hi nì na ghàhnà hi khə gha ye a be mò yini.

Lumàns 3:5

Ghɨt ale làhi jìs na chyənà ghàhnà yì be ni bɨlà gâmtè kə hi nì na ghɨta hi tôkà yena lumtu chilichili tu Fùyèn tù. Yi shìki tè mò ni, ma yi hi chwùtè na Yènfù nè wi a jûŋ te fu bâŋhè lâ ha ghàhnà ma? Wùt à mùsòŋ làhi tè kwàktè yê kə a wu lûm afân.

Lumàns 4:1

Ghàhnà mò hi jìs na ghə chîn kum Ablàhâm bè à ghàhnà agha?

Lumàns 4:15

Yi mô ni beka Saki nè kə na Yènfù hi bâŋhè lâ ha ghɨta beka ghɨna khɨma sak yi tɨni, ma saki hì bu, ma wùt tè khɨ̂m.

Lumàns 5:20

Yènfù tì fo Saki shyəma ghɨ yen à mihi jyak a be, biyani be shihi dù, təm a jûŋà Yènfù boŋ dû yen kə ashyə̂.

Lumàns 6:15

Ghàhnà mò hi jìs na ghə chin agha? A jis na ghàhnà faŋ ma ghɨ hi nê yênà kə nì be beka ghàhnà fè chyə̂ wi a yi sah à yi sak, chyə̂ kə kum təm a jûŋà a Fùyènà agha? Yi wi hi tè mò ni nâ hakoh!

Lumàns 7:11

Be tì lehi mu tohne kə a gha afa saki tì tunhe ki ywe mu.

Lumàns 7:13

A ni mò na shyə hi jwôfà ni bɨlà nê na mu kpu ma? Yi wijə ni nâ hakoh! À tì ben be nì kpu ha mu. Be tì tohna a shyə̀ a jûŋà hi ben nì kpu ha mu. Yi tì gan ni shyəma sah yi be bân. Saki ni mò shyə ghe a ghɨ gâmtè hi chwùtì banhî na be bəma nâ a be.

Lumàns 7:5

À ndùku mô te ghàhnà baha chyə wu lum afa a njyàsu wùnsu ghàhnàsu ndùku khɨŋa, Saki china ghàhnà na ghɨ hi nê be, yi bênà kə nì kpû.

Lumàns 7:8

Biyani sak mi ye bɨlà nê na be ni, se a ma hi fwo kə mwə̀ mù jɨ̀m. Saki hì bu ma be hi kəta wi jyaka.

1 Kòlitiyàns 15:56

Fɨ̀l yi kpu fwo a be, jyak a be fwo a yi Sâk.

Efisiyàns 5:3

Ghàn mô ni mô ghɨt a Fùyènà. Kə ghɨ bè ywo gha kum jûmtì yweni makə jûmtì lɨmànì nì se fwona nì gha tu liŋa ale a ghàn a fùtɨ̂n.

Kòlosiyàns 3:5

Ghàn maka lê gha a mbyî nâ à jɨ̀m. Kə wùt hi chyə̂ nì wùt ywên a bu ywê wûn makə nì wùt wù lɨmà a bu lɨm à wûn. Ghàn maka chyənà su liŋsu. Kə ghàn hi kəta kwâktìnì nì kôŋì hi tè nè be. Ghàn maka se fwona beka se fwona chwùtè na ghàn ngumle mwə̀ mù mbyî, a bu Fùyèn.

1 Tèsàloniyàns 4:5

Wùt kəta wi hi tè nyàblì nì ywê wûn wu lum tu gha njyàsu wùnsu te ghɨt ghe a ghɨ khə wi gha ye a Yènfù khɨŋa na ghɨ hi nê.

Hibùlùs 7:19

Sak yi Musìs ndùku kəta wijə jyaka hi nì na wùt hi mô chilichili a Yènfù ashyə̂. Biyani Yènfù chwùnà yi gha ha ghàhnà chin, yi kokne chyâ yi Sâk, a mô yi gha tɨni a yi chwûtè lumu na ghàhnà hi khɨŋte bakhe yênà ha Yènfù.