Lumàns 7:5 - Ŋwàklù Fùyèn Kàn Mù Fê (Cameron)

⁵ À ndùku mô te ghàhnà baha chyə wu lum afa a njyàsu wùnsu ghàhnàsu ndùku khɨŋa, Saki china ghàhnà na ghɨ hi nê be, yi bênà kə nì kpû.

Lumàns 7:5 Iomraidhean Croise

Matiyò 15:19

Kwâktìnì be fwo a wùt yi təm nì gha be ghɨ le ni te, hi ywî nì hi chyə nì ywê wùt makə lɨm à wùt, nì jûmì yweni nì chwoŋi nì fəmi wamani nì hi fè jìs a ghâ be ale kum wùt.

Ŋwàklù à Jon 3:6

Wùt bwə kə a chyak a wùna biyani, Yènfù fo a Yohnà.

Lumàns 1:26

A ni gha ye a yi ne na Yènfù khɨnà de ghɨna atɨ̂n à gha a wumena mɨ ghɨ̂n a ghɨna kòŋà hi tè nì ni. Ywena ghɨna ti kahi hi chyə̂ nì ghɨ le, yi kəta wi hi tè mò ni.

Lumàns 3:20

Yi ni chwùtè na Yènfù bè jîsà wi na wùt mò chilichili beka wù lèmà Saki. Saki gàmtè kə hi nì na ghàhnà hi khə gha ye a be mò yini.

Lumàns 4:15

Yi mô ni beka Saki nè kə na Yènfù hi bâŋhè lâ ha ghɨta beka ghɨna khɨma sak yi tɨni, ma saki hì bu, ma wùt tè khɨ̂m.

Lumàns 5:20

Yènfù tì fo Saki shyəma ghɨ yen à mihi jyak a be, biyani be shihi dù, təm a jûŋà Yènfù boŋ dû yen kə ashyə̂.

Lumàns 6:13

Kə ghàn hi de bâh à wùna ghana nâ à mòk na ghɨ hi nê be. Kə ghàn de bâh ale na ghɨ hi mô a shyə a fètà ha gha a be. Ghàn bɨlà fo mihi ngɨŋ sanisu ha Yènfù te ghɨt ghe a ghɨ tì lòhe a yi kpû, ghɨ hì chyə̂. Ghàn fo mihi kə yi mihì wun wanu ha funfu, ghàn hi mô mwə̀ mù yì fèt mù chilichili.

Lumàns 6:19

Mu jìsà fəknà nì gha ghɨ mô kə nâ a ghàn a fùtɨ̂n, njwo tof yani baha lantelò a gha yòhnà. À ndùku mô wu tuk wule, ma ghàn ti fo ngɨŋ sanisu a wu kwòs ha be, hì nê yênà kə nì gha liŋa fê tòkà nê yênà kə nì gha a be ale. Mu wu hì jîsà chin na ghàn fo ngɨŋ sanisu ha wu kwòs hi tè tòkà nê yênà nì gha a chilichili shyəma chyənà sanisu hi yule a Yènfù ashyə̂.

Lumàns 6:21

Yi mô hamok na ghàn tà tì khɨti mbì yi gha yile atɨ̂n à gha afa a ghàn ndùku nê. Ghàn hì wume kum a gha tɨna chin. Gokhi gha mɨ ghɨ̂n mô kə yi kpû.

Lumàns 6:23

Ghàn khə na maktu be mò kə yi kpû biyani Yènfù fo chyənà ye yì bè mê wi tohne a Klistù Jisòs Bâba ghàhnà kə halô.

Lumàns 7:23

biyani yena na à bɨlà fêtà kə yi sak yilô a mu wu wùn, fêtà ni, nô yi sak ye a yi mô a mu yi təm. Yi nê mu, mu mô ni te mu mò à ndâ chyâk ha be. A mô yi sak yi be mi yina a yi fêtà a mu wu wùn.

1 Kòlitiyàns 15:56

Fɨ̀l yi kpu fwo a be, jyak a be fwo a yi Sâk.

2 Kòlitiyàns 10:3

Yi mô kə nâ hamok na ghàh chyə a mbyî biyani nô wi a gha afa a ghɨt a mbye nò atɨ̂n.

Gàlesiyà 3:10

Ghɨt ghe a ghɨ yikte ha Saki kəta ndi Fùyèn njwo ghɨ ti nyak a ŋwàklù Fùyèn na, “Ndi Fùyèn mò nâbi ha nde we a wù lèmà sak tê a tu mô a ŋwàklù yì Sak dâŋà yile.”

Gàlesiyà 5:24

Ghɨta Klistù Jisòs mò ma ghɨ ti banti njyàsu wùnsu ghɨna su bakhe nì gha ghe a ghɨ foma na ghɨ hi nê a kàkfùtàfù.

Efisiyàns 2:11

Ghàn tumu, kə ghàn yìta ghɨt ghe a ghàn ndùku mô ashyə̂. Ghàn mò wu tûm yi bwɨ̂, ghɨt a Jûs toŋte ghàn na, “Ghɨt ghe a ghɨ mô teka ghɨ fati ghɨna,” toŋte ngɨŋsu ghɨna su na, ghɨt ghe a ghɨ mô ma ghɨ ti fati ghɨna. Ghɨna toŋte ni nâbi te fati mi yîn mò ni, a fate wi Fùyèn, a fate à ghɨ̂t nì wo.

Efisiyàns 2:3

Ghàhnà à jɨ̀m ndùku chyə kə te ghɨt a be mɨ ghɨ̂n ashyə̂, nê kə a gha a be ghe a njyàsu wùnsu ghàhnàsu kòŋà, a foma nâbi ghə, ghɨ nê kə yi nî. Chyəna jyà wùn mɨ ghɨ̂n chwûtè na ghàhnà kpene kə hi bè khɨtè ngə̂k yì chìk ha Yènfù te ghɨt ale.

Kòlosiyàns 3:5

Ghàn maka lê gha a mbyî nâ à jɨ̀m. Kə wùt hi chyə̂ nì wùt ywên a bu ywê wûn makə nì wùt wù lɨmà a bu lɨm à wûn. Ghàn maka chyənà su liŋsu. Kə ghàn hi kəta kwâktìnì nì kôŋì hi tè nè be. Ghàn maka se fwona beka se fwona chwùtè na ghàn ngumle mwə̀ mù mbyî, a bu Fùyèn.

Taytùs 3:3

Yi mô ni beka nâbi ghàhnà ndùku boŋa jɨ̂ŋtèlò, ta nì tu, ghɨta lehe ghàhnà, ghàhnà mô wu kwôs a nki a gha a mbye à jɨ̀m nì fom ye a yi mô atɨ̂n. Ghàhnà chyə atɨ̂n à be, ghə̂kà à ghɨ̂t, ghɨta ke ghàhnà, ghɨ befa a ghɨna yi kə̀k, ghàhnà bânà à ghɨ̂t.

Jêms 1:15

Ni, kwâktì be mi yîn yi ba a wùt yi təm, yi ni na wù ni be, be mi yinâ ləma kpen yi ben nì kpu.

Jêms 4:1

À bè ghə nì nô nì gùfna a ghàn a fùtɨ̂n? Ba gha mɨ ghɨ̂n gànà ni beka ghàn mò yu mù jɨ̀m se fwona nê ghàn na là mânù hi lûmà hanɨ̂ŋ yi bàm yi mwə̀ mù mbyî.

1 Jon 3:4

Nâbi nde we a wù nè be khɨma sak yi Fùyènì, beka be mò ni, a mô yi khɨm yi saki.