Lumàns 7:4 - Ŋwàklù Fùyèn Kàn Mù Fê (Cameron)

⁴ Yi ni boŋa mô kə wu lum afân ha ghàn chin a wana noma. Ghàn hi boŋa mô kəbi ni te ghàn ti kputî, Saki fê kəta wi gha hi nì ha ghàn beka ghàn tì kpû ghàn à Klistù ghàn hì mô bâh à wuna ghɨ wùna. Yi ni chwùtè na, a kəta wun ghàn chîn, a mô wun we a Yènfù tì lòhe a yi kpû hi nì na ghàhnà hi mô tam wu jûŋù ha wûn.

Lumàns 7:4 Iomraidhean Croise

Matiyò 26:26

Te ghɨna ndùku yə, Jisòs lyi a bân fo àyòŋnà ha Yènfù bəktilò fo ha jùmtìbàmsù wunsu jis na, “Ghàn ko yə. Wùna mò wun wu mu.”

Mâk 4:20

Təm ghe ghɨ mô te chyəfu jûŋ fù à mò təm a ghɨt ghe ghɨ ywo gha Fùyènì, ghɨ khɨti kə yi khɨtî yi mu wu tam a ghɨna chyənà, ghɨ hi kpê sama se saŋa fwo yi saŋ yile mtât, fwo atɨ̂n à yile mtufa, fwo atɨ̂n à yile wu wə.”

Ŋwàklù à Jon 15:8

À mò a wu yu afa ghàn mo tamu hidù, yi hi chwûtè na ghàn mò jùmtìbàm samsu, nâ mbyî yì jɨ̀m hi yena jyak a Boma.

Ŋwàklù à Jon 3:29

À ywê lɨm yè kəta kə lɨm à wùt ywên. Sô lɨm à wùt ywên we wù yè gâmtè wûn yè gbê kə wun a tum. Saŋle nâ haŋaŋ a yu afa wù ywo te lɨm à wùt ywên jìsà. À mò kəbi wu lum we a mu saŋle atɨ̂n ni. Saŋli mi mò chîn, ma yi ti lun kpên.

Ŋwàklù à Jon 6:51

À mò kə nâ mu mwə̀ mù yə̂mù munâ mù fo chyə ni, te mù chwo bena a nyə̂. À yə nâbi nde mwə̀ mù yə̂mù munâ, ma wù chyə faŋ. Mwə̀ mù yə̂mù munâ a mô wun wu mu we mu fo shyəma ghɨta mbye hi chyə̂.”

Lumàns 6:11

Yi ni mò na ghàn kəta hi lyì na ghàn ti boŋ kpû ha be, be fê kəta wi gha yile hi nì kum ghàn, ghàn à Klistù Jisòs te hì chyə̂ chîn kə hi tè fo kokhînì ha Yènfù.

Lumàns 6:14

Ghàn nè ni shyəma be hi fê kəta wi jyaka a ghàn a tû beka Yènfù hì mô ma fu ti chwûtì təm a jûŋà ha ghàn, ghàn tê hì fê chyə wi a sah à yi sak.

Lumàns 6:2

Yi wi hi tè mò ni nâ hakoh! Be fè kəta wi gha kum ghàhnà nâ hakoh. Ghàhnà hì mô ma ghɨ tî kpû ha be ma ghɨ wi hi tè fè chyə atɨ̂n à be.

Lumàns 6:22

À mò chin ma ghɨ ti bônhì ghàn a be, ghàn hi bɨlà mô wu kwôs ha Yènfù, mbì àtɨ̂n mò na ghàn hì chyə chyənà su yulesu, mô hi bè khɨte chyənà ye a yì bè mê wi.

Lumàns 7:3

Yi ni chwùtè na lɨm à wûn shìki baha chyə̂, wù yen chyə ghê wùt lɨmà wùlè, ma yi hi chwûtè na wù ti khɨm sak yi malani, lɨm à wûn ki kpû nâbi yini, saki tê fè khɨte wûn; wù ki fê malâ, ma yi hi fê chwûtè wi na wù ti khɨm sak yi malani.

Lumàns 7:6

Chin hì mô Saki fê kəta wi gha yile hi nì nì ghàhnà beka ghàhnà hì mô ni te ghɨ ti kputî ha yi sak afa ghàhnà ndùku fêtà chyak atɨ̂n. Ghàhnà fê nê wi fêt yi Fùyènì wu lum wu mwu afa a ghɨ chehì nê atɨ̂n, fêtà a tô gha, ma ghɨ nyak a yi sak. Ghàhnà hi bɨlà fêtà wu lum wu fe afa Yohnà Yulena chwùtè ha ghàhnà.

Lumàns 8:2

Yi mô ni beka Yohnà ghe a ghɨ nê na ghɨta hi chyə̂ tohne a Klistù Jisòs ti boŋ ni kəbi na be nì kpu hi fè kəta wi gha kum mu.

1 Kòlitiyàns 10:16

Ghàhnà ndokò wu lùk wu yəna hi kwàktè kpu Klistù, ghɨ jəm a to mu lùk hi nyû, yi chwùtè na luŋ mù Klistù ti ni ghàhnà chîntè nì wûn a kak à mòk. Ghàhnà jyàtè mwə̀ mù yə̂mù wu yu afa ghɨ yə, yi hi chwûtè na wun wu Klistù ti ni ghàhnà nì wûn ti chîntì a kak à mòk.

2 Kòlitiyàns 11:2

Ghàn hi khə na mu kə̀ktè ghàn nâ haŋaŋ kəbi yi ghəl te Yènfù kə̀ktè. Mu hì mô ma mu ti chwûnà hi fo ghàn ha lɨm wù mòk, a mô Klistù, khɨŋa na kə ghàn nê hi kəta njahi nâ hakoh wu yu afa mu fo ghàn ha wûn.

Gàlesiyà 3:13

Klistù tî yun tu ghàhnà a ndi afa Saki tì bèna nì yini a wu lum na wù tì fyî ndi àtɨ̂n a ghàhnà wu lùk njwo ghɨ ti nyak na, “Ndi Fùyèn mò nâbi ha nde we a ghɨ banti wûn a fukàk.”

Gàlesiyà 5:18

Biyani ma Yohnà Fùyènà shìki tihe ghàn, ma ghàn hi fê chyə̂ wi yi dèt yi Sak.

Efisiyàns 2:15

Wù ti khɨmtî nâ saktu Jûs tù, tù jɨ̀m tohne a wûn yi kpû mi yîn shyəma ghɨt a ghàhnà gan kə ha wut wù mòk tohne ha wûn, ma yutìnì hi mô.

Fìlibiyàns 1:11

Ghàn shìki mô ni ma Jisòs Klistù ni ma ghàn hi chyə chyəna chilichili, shyəma ghɨta hi yena ghàn fo kokhînì ha Yènfù, fê bəmhe wûn.

Fìlibiyàns 4:17

Mu jìsà wi ni na mu fè khɨŋa na ghàn fo shyə ale ha mu. Mu bɨlà khɨŋa kə na ghɨ kpenhi maktu wanu.

Kòlosiyàns 1:10

Ghàn kəta hi tè chyə̂ chyənà ye a Bâba khɨŋa, a mô yê a yì nè wu saŋlê kə lum tù jɨ̀m, ma chyənà mi yîn ni na ghàn hi nê nki tu fèt tu jûŋ tù kə tù jɨ̀m fê tòkà khə Fùyèn.

Kòlosiyàns 1:22

biyani Yènfù hì mô chin ma fu ti ni ghàn, ghàn ti kahi bakti chyəna ghana nì wûn kum kpu yi chyak a wùni ye a Wâ wûn tì kpo shyəma ghàn hi time a wun ashyə̂ yulê, mô a jûŋ, kəta wi njahi yile.

Kòlosiyàns 1:6

Tum yì jùŋ mi yîn ləma yê kə luk tù jɨ̀m a mbyî, nê na gha a jûŋà hi gânà a ghɨta su chyənà, ghɨna fê ləmâ yê kə shyə̂. Tum yì jùŋ mi yîn ti boŋ ben tan ha ghàn ni na gha a jûŋà gan a ghàn a fùtɨ̂n, yi boŋa ləma yê kə ashyə̂. Tum àtɨ̂n ni nè fêt mi yîn a ghàn a fùtɨ̂n kə hi yìmi wu tuk afa a ghàn tì ywo khɨle hamok kum təm a jûŋà ghɨ Fùyènà.

Kòlosiyàns 2:14

fî chikhi fô ye a ghàhnà chehì kəta hi làk. À ndùku mô te ghàhnà khɨma saki, yi hì mô na ghàhnà kəta yi fô hi làk. Chin hì mô ma Yènfù ti lyi fôlì tɨni banti a kàkfùtàfù.

Kòlosiyàns 2:20

Ghàn hì mô kə ni te ghàn à Klistù ti kpû amok kum yohnù we a wu saka mbyî. Yi ni mò ni, ghàn hi baha lêmà kə saktu ghɨta mbyî tu kum ghə? Njwo ghə te ghàn lèmà sak te a ghɨta jìsà na ghàn hi lêmà agha?

Hibùlùs 10:10

Te Jisòs Klistù hì mô ma wù ti fo wun wu wunu kə hamok ni gha ye a Yènfù ndùku khɨŋa na wù ni, yi ti ni na ghàhnà hi yule kpene a wun ashyə̂.

1 Bità 2:24

Wù ti bêkà besu ghàhnàsu kə nâ a wun wu wùn, a tô kàkfùtàfù. Wù tì ni ni shyəma ghàhnà hi bɨlà chyə̂ chyəna su chilichili su, be fê kəta wi gha hi nì a ghàhnà sù chyənà. À mò lemtu we a wù tì khɨte na ghàn ta,

Gokhini 19:7

Ghàhnà hi saŋle nâ haŋaŋ fê fo kokhînì ha funfu beka yu ti kpên shyəma Wâ Njyə̀ malâ. Ywê wûn hì mô ma wù ti bakti ngɨŋ à wûn.

Gokhini 21:9

Anjèl à Fùyèn yìlè atɨ̂n à anjèlsu Fùyèn se sàmba a su ndùku kəta kaŋ we sàmba ma ghɨ ti lunhi nì ngəksu gokhe se atɨ̂n sàmba ni, ben jis ha mu na “Bî, ma mu chwuti ywê Wâ Njyə̀ ha wò.”