Lumàns 6:9 - Ŋwàklù Fùyèn Kàn Mù Fê (Cameron)

⁹ Ghàhnà khə na kpu fè kəta wi jyaka a Klistù a tû. Wù ti kpû, Yènfù lôhè wûn a yi kpû, wù fê bu hi bè kpû.

Lumàns 6:9 Iomraidhean Croise

Lumàns 5:14

Yi ni mò kəbi ni, kpu hì mô a mbyî, kə hi yìmì a Adàm mu tuk hi kwok a tàn a Musìs a mu tuk, nâbi te ghɨt ale ndùku mô teka ghɨ ni nki yi be yì Adàm hi tunhe Fùyèn. Adàm ndùku mô kəbi te wut we a wù ndùku mô hi bè bèn yi bàm, a mô a Klistù.

Lumàns 6:10

Wu hì mô ma wù ti kpû, yi kpu yi wuni bobhi jyak a be kə hamok, wù ti hì chyə chîn, chyə yi wuni nê na ghɨ hi kokhe Yènfù.

Lumàns 6:14

Ghàn nè ni shyəma be hi fê kəta wi jyaka a ghàn a tû beka Yènfù hì mô ma fu ti chwûtì təm a jûŋà ha ghàn, ghàn tê hì fê chyə wi a sah à yi sak.

Lumàns 6:4

Yi ni chwùtè na ghàhnà tì shihi fye mòlû à hì mô ni te ghɨ kpu yi kpû, ghɨ gûmà ghàhnà bakhi nì wûn. Yi ndùku mô ni shyəma Bì ni ma ghàhnà hi chyə chyənà yì fê kəbi yi ghəl te wù tì ne Klistù kahi lôtì a yi kpû. Wù tì ni, nì jyak a kanana.

Hibùlùs 7:16

Ghɨ tà lem jə wûn a ngàŋ à ndâ Fùyèn yi ngaŋtena a yi sak yì ghɨ̂tì makə kum sah yi wuni yi nda. Ghɨ tì lem njwo wù mò kə a yu mù jɨ̀m, chyəna wuna kəta a jyak.

Hibùlùs 7:25

A ni yi gha ye a wù mò nâbi wùni yu mô hi bònhè ghɨt ghe a ghɨ bênà ha Yènfù ma ghɨ tohne chya ha wûn beka wù mò, jə̂mà kə yi jə̂m, chyate Fùyèn kum ghɨna.

Gokhini 1:18

fê mô kəbi wûn we a wù chyə. Wù jis na yi tî kpû kahi hì chyə̂, mô hi tè mò kə yi mô a mu yu mù jɨ̀m. Wù fî jis na yi kəta a chwok a yi a wô, kəta jyak a kpo, fê kəta jyaka hi chwoka yi lak yi ghɨt a kpona.