Lumàns 5:9 - Ŋwàklù Fùyèn Kàn Mù Fê (Cameron)

⁹ Chin te luŋ mù wûn ti nî ghàhnà na ghɨ hi mô chilichili a Yènfù ashyə̂, yi ni chwùtè na wù bè bònhè lò ghàhnà a ngək afa a Yènfù ndùku mô hi bè fo ha ghàhnà.

Lumàns 5:9 Iomraidhean Croise

Ŋwàklù à Jon 5:24

“Mu jìsà ha ghàn hamok na, nâbi nde we wù ywo gha ye mu jìsà, bimi ha we wù tuma mu ma wù hi kəta chyə ye yi bè mê wi, ma ghɨ bê tè fè saka wùt mu wunâ. Yi chwûtè na wù ti tohna chya yi kpû hì chyə̂.”

Lumàns 1:18

Yènfù ti chwûtì lâ wunu baŋanu ha ghɨt ghe ghɨ chyə a chyə̂, khə wi wûn, nê yê kə nì be, be mi yìna tâmtè na kə ghɨta hi khə gha ye a yi mô hamok kum Fùyèn.

Lumàns 5:1

Te Yènfù ti lyi ghàhnà ha ghɨt a chilichili kum yi bimî yi ghàhnà, ghàhnà nì wûn hì chyə kə nâ nì yutìnì chîn atɨ̂n à jyak afa a Bâba ghàhnà Jisòs Klistù fo.

Lumàns 5:10

Yi mô ni beka a ndùku mô te ghàhnà baha mô bànàsu Fùyènsu, Wâ Fùyèn ben kpu hi nì na ghàhnà nì wûn kahà bakti chyəna. Yi ni chwùtè na chin te ghàhnà hì mô ma ghɨ ti kaha bakti chyəna ghàhnà nì Yènfù, Klistù bè nêlò ma ghàhnà fate bon à mihi hamok beka wù chyə.

Lumàns 8:1

Yi ni chin chwùtè na ghɨt ghe a ghɨ ti bimî ha Klistù Jisòs hì mô ghɨt a wuna bu hi bè fè fen a sak a Yènfù ashyə̂.

Lumàns 8:30

Fu ti toŋa ghɨt ghe a fu ndùku hì mô ma fu ti chwoktî ha ghɨt a wuna fî lem ghɨt mɨ ghɨ̂n a fu toŋa ha ghɨt a chilichili. Fu lem ni boŋ jyâtì fo bân yi wuni yi chiki ha ghɨna.

Efisiyàns 2:13

Ghàn ndùku mô nâ ha ghaf, bakhe wi ha Yènfù, biyani chin hì mô ma ghàn ti ben bakhâ tohne a Klistù Jisòs, kum luŋ me a wù tì sùha a ghàn wu lùk te wù kpo.

Efisiyàns 2:3

Ghàhnà à jɨ̀m ndùku chyə kə te ghɨt a be mɨ ghɨ̂n ashyə̂, nê kə a gha a be ghe a njyàsu wùnsu ghàhnàsu kòŋà, a foma nâbi ghə, ghɨ nê kə yi nî. Chyəna jyà wùn mɨ ghɨ̂n chwûtè na ghàhnà kpene kə hi bè khɨtè ngə̂k yì chìk ha Yènfù te ghɨt ale.

1 Tèsàloniyàns 1:10

Ghɨna fî fôktì te ghàn yute na Wâ Fùyèn bè kaha bênàlò a nyə̂. Jisòs Wâ Fùyèn mu wùna ni mò ma wù tî nî wù lôtì a yi kpû. Wù ti bônhì ghàhnà na kə Yènfù bê fo ngə̂k ha ghàhnà wu tuk wu saku.

Hibùlùs 9:14

Luŋ mù sù nyâm shìki mô ma mù ndùku kətalò jyaka ni, ma mù Klistù nê hi kəta nâ yàni agha? Wù tì fo ngɨŋ à wûn ha Yènfù a yi fô, yi kəta wi njahi, ma à gàmti Yohnà ghe a ghɨ mô a yû mù jɨ̀m. Wu tì ni ni hi sò yuhe təm a ghàhnà shyəma ghàhnà hi kokhe Yèn fe a fu chyə, fê nê wi gha ghe a ghɨ bênà nì kpu.

Hibùlùs 9:22

À ndùku mô a wu tuk afa Saki ndùku tihe ghɨta, ghɨ nê nâbi ghə kə nì luŋû na ghɨ hi yulê, a bu kə mwə̀ mùlè. Yi mô kə nâ hamok na ghɨ ki faŋ hi suh à mu luŋ, ghɨ tê lehèfo jə̀ besu ghɨ̂tsù.

1 Jon 1:7

Biyani, ghàhnà shìki gbî a fùtɨ̂n à yi bân kəbi yi ghəl te Yènfù mò a fùtɨ̂n à yi bân, ma ghàhnà hi chîntè mô kə ha shyə̀ à mòk, ma luŋ mù Jisòs, a Wâ Fùyèn nê sô jihi ghàhnà a sùbe kə sù jɨ̀m.