Lumàns 5:5 - Ŋwàklù Fùyèn Kàn Mù Fê (Cameron)

⁵ Ghàhnà wi hi bè gha a shyə ghe a ghɨ ke yênà nì ghɨna ni beka Yènfù ti fo Yohnà Yulena, ghe ghɨ chwûtè kôŋ yi wuni ha ghàhnà.

Lumàns 5:5 Iomraidhean Croise

Fêt 10:45

Ghɨt a bimena Jûs ghe Bità tì bèna ghê ghɨna a Jobà amok hì mô nì kani te Yènfù fo Yohnà Yulena ha tumu,

Fêt 2:17

‘À mò gha ye mu bè nê a mu tuk mù gòkhemù. Mu bè folò Yohnà ma nâ ha ghɨt à jɨ̀m, ma mu bê fo gha ma ha wan ghana ghɨ lɨmànà nì ghɨ ywena ma ghɨna bê hi fôktè gha ma ha ghɨta. Mu bè nêlò ma gha hi fwo a kpuŋtu yi kə̀k ni te ghɨ fwo a jem, jemsu chyə a ghɨt a lɨmànà a junana.

Fêt 2:33

Yènfù ti lyi wun kokhi wun a wun a bàh à kpen wu wo ta. Jisòs ti fyî a Yohnà Yulena ghe Bè Wûn Yènfù tì chwùne suh ha ghàh chîn, à mò yi gha tɨni te ghàn yena chîn fê ywô.

Lumàns 1:7

Mu nyak ŋwàklù yìna ha ghàn ghɨt a kòŋà a Fùyèn ghe a ghɨ chyə a yi tèk yi Lûm nâ à jɨ̀m. Yènfù ti toŋa fihe ghàn na ghàn hi mô ghɨt a wuna. Yènfù, Bì ha ghàhnà ghê Bâba Jisòs Klistù chwuti təm a jûŋà ha ghàn, ma wù fo yutìnì ha ghàn.

Lumàns 8:28

Ghàhnà khə na à gan nâbi ghə, Yènfù fate kə a jùŋ ha ghɨt a ghe a ghɨ kôŋà wûn, a mô ghɨt ghe a wù toŋa na ghɨna hi nê te wù bakte lema.

Lumàns 9:33

kə yi ghəl te ghɨ tì nyak na: “Ghàn yen! Mu ti lem ti a yi tèk yi Sayòn, ghɨta mô hi tê damta atɨ̂n. A mô yi wo, mô hi nì na ghɨta hi fentê, biyani ma à bime nâbi nde ha wûn, ma wù bê tê wumî.”

1 Kòlitiyàns 8:3

Biyani ma wùt shìki kôŋà Fùyèn, ma Yènfù hi khə wûn.

2 Kòlitiyàns 1:22

Fu ti tihe ghàhnà wu lum na fu ti fo Yohnà wuna ghɨ Yulena ha ghàhnà a təm hi chwùtì hamok na fu bè fo mihèlò mwə̀ me a fu chwune ha ghàhnà.

2 Kòlitiyàns 13:14

Bâba Jisòs Klistù chwuti təm a jûŋà ha ghàn, ma Yènfù chwuti kôŋì ha ghàn, ma Yohnà Yulena faŋ ha ghàn à jɨ̀m.

2 Kòlitiyàns 3:18

Ghàhnà ghe a ghɨ bime ha Klistù baŋa wi kə̂kì nì shyə. Kum ni, ghɨ yena jyak a Bâba ghàhnà wu wùn kə yû mù jɨ̀m, ghɨ nê na ghàhnà hi kpenê te Bâba, chwûtè kpenhe yênà kə yi yên nì jyak a wun mu ghê. À mò fêt yi Bâba we a wù mò a Yohnà.

2 Kòlitiyàns 4:6

Yènfù tì fati mbyî jis na, “Bani ben atɨ̂n à bɨn a finana.” Yèn fûn ti ni na bani ben a ghàhnà a təm, ma wù ya chwùti ban yi wuni ha ghàhnà, a mô ye a ghàhnà yena kə̂k yi Klistù.

Gàlesiyà 4:6

Te ghàn hì mô wana ha Yènfù, fu ti fo Yohnà Wâ wuna ha ghàhnà a təm, ghɨ nê ghàhnà toŋte Yènfù na, “Bàba, Bàba mù.”

Gàlesiyà 5:22

Biyani Yohnà Yulena mo tam wu jûŋù nê na ghɨta hi kôŋà ghɨ le, saŋlê, kəta yi yutì, wunhê, tôknè fê nê jùŋ ha ghɨta, kəta yi bimî,

Efisiyàns 1:13

Yènfù ti fyî kəbi ghàn ghɨt a Efisùs bônhì ghàn tohne a Klistù te ghàn ywo tûm yì jùŋ ye a yì mò hamok, ghàn bimî. À ndùku mô te ghàn bime, fu chwe ghàn nì Yohnà Yulena ghe a fu tì chwùne,

Efisiyàns 4:30

Kə ghàn hi nê Yohnà Yulena a Fùyènà ghe ghɨ tì chwe ghàn nì ghɨna na wù hi saŋle wi. Ghɨ tì chwe ghàn nì ghɨna hi chwùtì na tuku bè bênàlò, ma Yènfù yun à mihi tu wanu.

Fìlibiyàns 1:20

Nâ gha yi chik ye a mu kwâktè mò kə na kə mu bè nê gha yi wumeni. Mu khɨŋa hi tè nè fêt yi Klistù nì təm a ta kə te mu chehì nê, khɨŋa na chyəna ma hi bênà kə nì kokhînì ha wûn, kə mu kpulô, makə mu faŋ hi tè chyə̂.

1 Tèsàloniyàns 4:8

À shìki tunhe nâbi nde gha ye a ghàh yike, ma wù hi tunhe Yènfù te fu fo Yohnà a Yulena ha ghàn, tunhe wi wùt.

2 Tèsàloniyàns 2:16

Bâba ghàhnà Jisòs Klistù nâ nì ngɨŋ à wûn ghê Bè ghàhnà Yèn fe a fu kôŋà ghàhnà ti ni na ghàhnà hi kəta təm a yutena kə yu mù jɨ̀m, fê khə hamok na ghɨ bè khɨte lò mwə̀ me a wù chwùne kum təm a jûŋà wuna.

2 Timotì 1:12

A ni gha ye a mu yena ngə̂k kum yì yîn, biyani wume wi beka mu khəlò wùt we a mu bime ha wûn khə na wù tòknèlò nì mu hi tàn wu tuk wu gokhenu.

1 Jon 4:19

Ghàhnà kəta kôŋì beka Yènfù tî yitì koŋ ghàhnà ashyə̂.