Lumàns 5:3 - Ŋwàklù Fùyèn Kàn Mù Fê (Cameron)

³ Ghàhnà saŋle atɨ̂n à ngə̂k afa a ghàhnà yena beka ghàhnà khə na wùt shìki yen a ngə̂k, wu khɨli hi tè wunhî.

Lumàns 5:3 Iomraidhean Croise

Lûk 21:19

Wunhî yani bè nêlò ma ghàn kwoti yohnà ghana.

Fêt 5:41

Ghɨt a tuma Jisòs lo afû saŋle kə ni beka Yènfù ti chwok na ghɨna kpenelò hi yen a ngək a wun a yi yet.

Lumàns 5:11

Hi kpenhî, ghàhnà hi boŋa saŋle kum wùt we Yènfù ndùku mô wûn, ma à ni Bâba ghàhnà Jisòs Klistù na ghàhnà kahà hi mô sunsu ha Yènfù.

Lumàns 8:23

À wijə kə mwə̀ muna a mù jyè. Nâbi ghàhnà ghe a ghɨ kəta Yohnà Yulena, a mô yi fo yi shyə ye a Yènfù fo ha ghàhnà boŋa jyê lò kə ghàhnà àtɨ̂n à təm, gbûtè na Yènfù lyi ghàhnà ni te à wan, ma wù yun à mihi tû wu ghàhnà.

Lumàns 9:10

Hi kpenhi, Lèbikà ndùku kəta wu maŋhà, a mô wan a lɨmànà, ma à bwɨ kə wùt wù mòk, a mô Isìk, bè bè ghàhnà.

2 Kòlitiyàns 4:17

Ngək se a ghàh yena chin ni buma bonelò, a mò kə afu yula ni. Ngək mi sîn fati ghàh a jùŋ yì chìk afa a yì bènà, bu hi bè mì, ma ghɨ wi hi fə̀knà ngək mi sîn nì jùŋ àtɨ̂n.

2 Kòlitiyàns 8:19

Hi kpenhi, wù mô ma à wun chwok ndasu Fùyènsu na ghàh à ghɨna hi gbê nê fêt yi jûŋ mi yîn, fo yi kokhî ha Yènfù fê chwûtè na ghàh kòŋàlò hi tè gàmtì.

Efisiyàns 3:13

A ni gha ye a mu jìsà ha ghàn na kə ghàn bot kum ngə̂k ye a ghàn ywo na mu yenalò beka mu fòktè tûm yì jùŋ ha ghàn tumu. Ghàn kəta hi tè khə na ngə̂k àtɨ̂n nè yênà kə ha ghàn a jùŋ.

Fìlibiyàns 1:29

Mu jìsà ni beka Yènfù ti chwûtì təm a jûŋà ha ghàn ni na ghàn bimi Klistù ma ghàn fê yen ngə̂k kum wûn.

Jêms 1:12

Jùŋ mò ha wùt we mômhìnì bènà ha wûn, wu hi wunhe kə yi wunhî beka wù ki ta chyà yi mômhì mi yê, ma wù bê hi kəta maktunu, a mô a chyəna ghe Yènfù chwùne lema ha ghɨt ghe ghɨna kòŋà wûn.

1 Bità 3:14

Biyani ghàn shìki yen a ngə̂k kum te ghàn nè gha a jûŋà, ma Yènfù bonhi ghàn. Ghɨ nyak a ŋwàklù Fùyèn na, “Kə ghàn hi fânà ghɨt ghe a ghɨ chwoka wulu wanu, kə lɨmalɨma hi bâtè ghàn.”