Lumàns 5:2 - Ŋwàklù Fùyèn Kàn Mù Fê (Cameron)

² À ni wûn na ghàhnà khɨti təm a jûŋà nì Yènfù kum yi bimî yi ghàhnà. Ghàhnà mò kə a tô təm a jûŋà mɨ ghɨ̂n fê jala khə hamok na Yènfù bè boŋa folò ghàhnà nì ban ye a fu kəta.

Lumàns 5:2 Iomraidhean Croise

Matiyò 25:21

Bì yi fèt à wûn we jis ha wun na, ‘Wò ti ni kə nâ a jûŋ. Wò mò kə nâ wùt wù fèt wù jùŋ, fê tôknè. Wò che tôknà nì mwə̀ mù tetamù. Mu nè lêmàlò wò chin ma wò hi tôknè nì mwə̀ mù do mù. Bî, ma ghàn à bì fèt wâ hi dɨ̂ŋhè.’

Ŋwàklù à Jon 10:7

Jisòs fî jis kpenhi na, “Mu jìsà ha ghàn kə nâ hamok na, mu mò jwo mbàn ye njyə̀su kəta hi tè tohna atɨ̂n.”

Ŋwàklù à Jon 10:9

Mu mò yi jwô yi mbànì, ma a tohna nâbi nde atɨ̂n, ma wù bon ma wù hi chyə̂. Lyê, fê chyâ fwô kəta wù kòŋà, fê kəta mwə̀ mù yə̂mù hi tê yə̂.

Ŋwàklù à Jon 14:6

Jisòs jis ha wun na, “Mu mò wu lûm, mô hamok fê mô a chyəna ghe ghɨ bè mê wi, wùt wi hi yèn ha Bì, a bu na wù tohna a mu wùn.

Ŋwàklù à Jon 5:24

“Mu jìsà ha ghàn hamok na, nâbi nde we wù ywo gha ye mu jìsà, bimi ha we wù tuma mu ma wù hi kəta chyə ye yi bè mê wi, ma ghɨ bê tè fè saka wùt mu wunâ. Yi chwûtè na wù ti tohna chya yi kpû hì chyə̂.”

Fêt 14:27

À hì mô te ghɨna bèna a Antiyòk ghɨna yûŋtì nôn ghɨt a bimena afû fôktì kwok gha ye Yènfù gamte ghɨna ti nî nâ à jɨ̀m, fî fôktì kəbi te Yènfù fo lumu na tumu boŋà bimi Jisòs.

Lumàns 11:20

Yi mô kə nâ hamok na ghɨ tì khɨmti mâkà ghɨna, a mô kum te ghɨna faŋa hi bimî, de ghàn, a mô beka ghàn bime biyani, ghàn kəta wi hi tè ghaŋhe wu wun. Ghàn hi tôknè,

Lumàns 12:12

Ghàn hi saŋle kum a gha ghe a ghàn khə na ghɨ mô hi bè gàn. Ngəksu ben ha ghàn, ghàn hi wunhe kə yi wunhî fê jə̂mà kə yû mù jɨ̀m.

Lumàns 14:4

Wò mò nâ nde hi tè saka wùt wù fètana wù wùt wùlò? À kəta kə Bì yi fèt à wûn hi kî na wù nè a jûŋ ma a be, biyani wu bu hi fên beka Bâba kətalò jyaka hi tòk à wûn.

Lumàns 15:13

Yèn fe a fu nê ghɨta khə hamok na ghɨ bè khɨtelò shyə ghe a ghɨ ke yênà nì ghɨna, nè nêlò ma ghàn hi saŋlê nâ haŋaŋ ma wù fê fo yutìnì ha ghàn beka ghàn bime ha wûn. Fu nê ni shyəma ghàn hi khə hamok, baha kante wi yi kantî gha a ghàn a yi bimî ha wûn tohne a jyak afa a Yohnà Yulena fo ha ghàn.

Lumàns 2:7

Yènfù bè folò chyənà ye a yì be mê wi ha ghɨt ghe a ghɨ wunhe atɨ̂n à yì fèt yi jûŋì, khɨŋa kə na fu fo ghaki ha ghɨna nì yet yi jûŋì. Ghɨt atɨna ke yê kə hi bè khɨte chyənà mi yìna.

Lumàns 3:23

Beka ghɨt à jɨ̀m hì mô ma ghɨ ti ni be, ban yi Fùyènì fê bu ha ghɨna.

Lumàns 5:5

Ghàhnà wi hi bè gha a shyə ghe a ghɨ ke yênà nì ghɨna ni beka Yènfù ti fo Yohnà Yulena, ghe ghɨ chwûtè kôŋ yi wuni ha ghàhnà.

Lumàns 8:1

Yi ni chin chwùtè na ghɨt ghe a ghɨ ti bimî ha Klistù Jisòs hì mô ghɨt a wuna bu hi bè fè fen a sak a Yènfù ashyə̂.

Lumàns 8:24

Yènfù ti bônhì ghàhnà, ghàhnà ghɨ hì ke yênà kə nì tuk we a ghàhnà bè fwo mihè a ngə̂k. Wùt hì kəta shyə a wô, ma wù hi fê ke yênà wijə nì ghɨna. À mò nde a ghàhnà fùtɨ̂n a wù mò hi jìs na yi ke yênà nì shyə ma ghɨ hì mô a wô agha?

1 Kòlitiyàns 15:1

Mu khɨŋa chin a wan a noma hi yɨ̀ŋtè tum yì jùŋ ye a mu tì fòkte ha ghàn, ghàn yû bimilò hì mô kə atɨ̂n.

2 Kòlitiyàns 3:18

Ghàhnà ghe a ghɨ bime ha Klistù baŋa wi kə̂kì nì shyə. Kum ni, ghɨ yena jyak a Bâba ghàhnà wu wùn kə yû mù jɨ̀m, ghɨ nê na ghàhnà hi kpenê te Bâba, chwûtè kpenhe yênà kə yi yên nì jyak a wun mu ghê. À mò fêt yi Bâba we a wù mò a Yohnà.

2 Kòlitiyàns 4:17

Ngək se a ghàh yena chin ni buma bonelò, a mò kə afu yula ni. Ngək mi sîn fati ghàh a jùŋ yì chìk afa a yì bènà, bu hi bè mì, ma ghɨ wi hi fə̀knà ngək mi sîn nì jùŋ àtɨ̂n.

Efisiyàns 2:18

À mò kə kum Klistù a ghàhnà à jɨ̀m kəta Yohnà à mòk a ghɨ mô hi yèn a Bì ashyə̂, kə à jɨ̀m.

Efisiyàns 3:12

Bimî ghàhnà nì chîntì ye a ghàhnà kəta nì Klistù ti nî na ghàhnà hi mô hi yèn ha Yènfù fânà wi shyə ale, khə hamok na fu nè fyelò ghàhnà.

Efisiyàns 6:13

Ghàn lyi lê mwə̀ mù wòŋ mù Fùyèn nâ mù jɨ̀m shyəma tuku be bê shihi kwok a bèn ma ghàn tum à yə deblì, ma à hi mô a gòkhi, ghàn baha ta kə yi tâ.

2 Tèsàloniyàns 2:16

Bâba ghàhnà Jisòs Klistù nâ nì ngɨŋ à wûn ghê Bè ghàhnà Yèn fe a fu kôŋà ghàhnà ti ni na ghàhnà hi kəta təm a yutena kə yu mù jɨ̀m, fê khə hamok na ghɨ bè khɨte lò mwə̀ me a wù chwùne kum təm a jûŋà wuna.

Hibùlùs 3:6

Biyani, ha Klistù, wu fêtà kə nâ a jûŋ te Wâ Fùyèn, nâbi ghə a Bè wun a ndâ mô kə a wun a wô. Ghàhnà ki khɨte kə yi bimî yi ghàhnà hì saŋlê kum shyə ghe a ghàhnà ke yênà nì ghɨna, ma ghàhnà hi mô ghɨt a wuna, a mô ndâ wun mi yê.

Hibùlùs 6:18

shyəma ghàhnà yen gha mɨ ghɨ̂n a bà na fu wi hi wam a yi fə̂m kum ghɨna ni, a ghɨ lûmhè ghàhnà ghe a ghɨ teta yê lêtè a Yènfù ngwùŋ, ghɨ nê na ghàhnà hi tâ, khə hamok na ghɨ bè kwotelò shyə ghe a ghɨ ke yênà nì ghɨna.

1 Bità 3:18

Yi jwôfàlò hi tè yena ngə̂k wu lum afân njwo nâ Klistù ha wun a ngɨŋ tì yen ngə̂k kpu lò kum besu ghàhnàsu mihì fêt yi wuni kə wu yu wù mòk. Wù ndùku mô wut à chilichili biyani wù kpû hi bònhè ghɨt a gha a be hi nì na ghàhnà ben ha Yènfù. Ghɨta tî ywi wûn, biyani à kpu kə chyak a wuna ghɨ wùna, Yènfù nî yohnà a wuna faŋ hì chyə̂ kə yi chyə̂.

Gokhini 21:11

Tèk mi yina ndùku kəta ban yi chiki yi Fùyènì. Tèk yi tɨni ndùku bana njêntè jwôfà, nyɨ̂mà kəta ti yile ghɨ toŋte na jasbà, fê bana tohne kə te mìjô.

Gokhini 21:23

Tèk mi yina khɨŋa wi na chwì makə njoŋ hi bana atɨ̂n beka bân yi Fùyènì mò atɨ̂n, Wâ Njyə̀ fê mô lâm atɨ̂n.

Gokhini 21:3

Mu fî yu jyə̀ yì tâ yìlè te yì fwo bênà wù kpòk wu tù fə̀nù afû, yì jis ha mu na, “Yên, Yènfù hì chyə ghê ghɨta chîn. Fu hi mô ghê ghɨna, ghɨna mô ghɨt a Wuna. Yènfù nâ a Wun a ngɨŋ hì mô ghê ghɨna.

Gokhini 3:21

À no yə nâ nâbi nde be, ma mu ni ma wù ben ma ghàh à wûn ndokò a mu lùk wu fə̀nù. Kəbi yi ghəl te mu hì mô ma mu ti no yə̂ hì mô ghàh à Bôm a wun wu lùk wu fə̀nù.