Lumàns 5:10 - Ŋwàklù Fùyèn Kàn Mù Fê (Cameron)

¹⁰ Yi mô ni beka a ndùku mô te ghàhnà baha mô bànàsu Fùyènsu, Wâ Fùyèn ben kpu hi nì na ghàhnà nì wûn kahà bakti chyəna. Yi ni chwùtè na chin te ghàhnà hì mô ma ghɨ ti kaha bakti chyəna ghàhnà nì Yènfù, Klistù bè nêlò ma ghàhnà fate bon à mihi hamok beka wù chyə.

Lumàns 5:10 Iomraidhean Croise

Ŋwàklù à Jon 14:19

Kə fu yulâ ni ghɨta mbye nè fè yena wi mu, biyani ghàn yenâ. Beka mu chyə, ma ghàn nê hi boŋa chyə̂.

Ŋwàklù à Jon 5:26

Yi mô ni beka Bom ti bimi na, Wan hi nê ghɨta chyə̂.

Ŋwàklù à Jon 6:40

Bom khɨŋa na nâ ghɨt à jɨ̀m te ghɨ yena mu bime ha mu, chyə̂ faŋ. Ma mu bê kahà lohi ghɨna a yi kpû a tuk wu gokhenu.”

Ŋwàklù à Jon 6:57

À ki yə nâbi nde wun wu mu, ma wù hi chyə kum mu, kə yi ghəl te mu chyə beka we wù tuma mu chyə.

Lumàns 11:28

Ghɨt a Jûs ti tunhi hi ywo tum yì jùŋ, yìna ni ghɨna, ghɨna hi mô bànàsu Fùyènsu. Gha mi yina ti ni Yènfù bônhì ghàn tumu, biyani lem na fu nè baha kôŋà kə yi kôŋ ghɨt a Jûs kum be be ghɨna.

Lumàns 5:11

Hi kpenhî, ghàhnà hi boŋa saŋle kum wùt we Yènfù ndùku mô wûn, ma à ni Bâba ghàhnà Jisòs Klistù na ghàhnà kahà hi mô sunsu ha Yènfù.

Lumàns 5:6

Ghàn khə na à ndùku mô te ghàhnà baha nê gha a be, lumu gha yile fê bana wi ha ghàhnà, Klistù ben kpu hi bònhè ghàhnà. Wù tì ben kə wu yu afa a Yènfù tì lèma.

Lumàns 8:32

Yènfù tà tì ghək jə hi fo Wâ wûn na ghɨ banti a kàkfùtàfù kum ghàhnà à jɨ̀m. Yi ni chwùtè na fu nè folò nâ mwə̀ mù jɨ̀m ha ghàhnà hi kpenhe Wâ wûn a tû.

Lumàns 8:34

À mò hi fè jìs a nde na ghɨna ti ni bobhi gha? À mò hi jìs Klistù Jisòs we a wù tì kpu ma? Wù wi hi jìs beka wù tì kpû kaha lôtì a yi kpû mô chin a Yènfù kpen wu wo ta, jə̂mà ha ghàhnà.

Lumàns 8:7

Wùt kòŋà gha a njyàsu wùnsu, yi ni na wù hi mô nì bànà ghê Yènfù, ywo wi sak yi wuni, ma wù wi hi khɨli nâbi hi yû.

2 Kòlitiyàns 5:20

A ni lum we, ghàh lyè luk wu Klistù, Yènfù jîsà tohne a ghàh. Ghàh chyate ghàn a Klistù yi yet na ghàn bakti chyənà sanisu ghàn à Yènfù.

2 Kòlitiyàns 5:21

Nâ Klistù a wun a ngɨŋ tà tì ni jə be biyani Yènfù lyi wun ha wut wù be shyəma ghàhnà tohna a wun ma ghɨ hi mô chilichili a Yènfù ashyə̂.

Efisiyàns 2:16

Kpu wuni mi ye a kàkfùtàfù tì nî bef yi ghàhnà mî, wu kahi lyi yen nì ghàhnà ha Yènfù ha shyə̀ à mòk.

Efisiyàns 2:3

Ghàhnà à jɨ̀m ndùku chyə kə te ghɨt a be mɨ ghɨ̂n ashyə̂, nê kə a gha a be ghe a njyàsu wùnsu ghàhnàsu kòŋà, a foma nâbi ghə, ghɨ nê kə yi nî. Chyəna jyà wùn mɨ ghɨ̂n chwûtè na ghàhnà kpene kə hi bè khɨtè ngə̂k yì chìk ha Yènfù te ghɨt ale.

Hibùlùs 2:17

A ni mò gha ye a yi tì ne wù kahi hì mô kəbi wut te wana nè wuna, shyəma wù fatè khɨli hi tè fèt te ngàŋ à ndâ Fùyèn yi ngaŋtena fê kwohe seni ha ghɨta, fêtà ha Yènfù hi nì na fu lehèfo besu ghɨ̂tsù.

Hibùlùs 7:25

A ni yi gha ye a wù mò nâbi wùni yu mô hi bònhè ghɨt ghe a ghɨ bênà ha Yènfù ma ghɨ tohne chya ha wûn beka wù mò, jə̂mà kə yi jə̂m, chyate Fùyèn kum ghɨna.

1 Jon 2:1

Mu nyak a gha ghɨ̂n ha ghàn a mwəlà mâmù shyəma ghàn hi fê nê wi gha a be. Biyani, a ni nâbi nde gha be, wu hì khə na ghàhnà kətalò wùt à chilichili, a mô Jisòs Klistù, wu chyate Bì a ghàhnà wù lùk.

1 Jon 4:10

Kàntè yì kòŋ mò yìna ni: Yi bu na ghàhnà ndùku kôŋàlò Yènfù, biyani fu koŋ ghàhnà tum Wâ wûn te yi fô na wù bê kpu shyəma fu nê hi fê bâŋhè wi lâ ha ghàhnà lehèfo besu ghàhnàsu.

Gokhini 1:18

fê mô kəbi wûn we a wù chyə. Wù jis na yi tî kpû kahi hì chyə̂, mô hi tè mò kə yi mô a mu yu mù jɨ̀m. Wù fî jis na yi kəta a chwok a yi a wô, kəta jyak a kpo, fê kəta jyaka hi chwoka yi lak yi ghɨt a kpona.