Lumàns 4:2 - Ŋwàklù Fùyèn Kàn Mù Fê (Cameron)

² À ndùku mô na Yènfù lyi Ablàhâm ha wùt à chilichili kum yi fêt te wù ne, ma wù hi kəta lumu hi kùn à ngàŋtù atɨ̂n. Biyani wù wi hi tè kùn à ngàŋtù a yi gha yile a Yènfù ashyə̂.

Lumàns 4:2 Iomraidhean Croise

Lumàns 15:17

Ghàh à Klistù Jisòs mò kə amok, a ni gha ye a yi ne na mu hi jala kum yi fêt ye a mu nè ha Yènfù.

1 Kòlitiyàns 1:29

shyəma wùt hi kəta wi gha hi ghaŋhe wu wun atɨ̂n a Yènfù ashyə̂.

1 Kòlitiyàns 1:31

A ni gha ye a yi mô kə yi ghəl te ghɨ tì nyàka a ŋwàklù Fùyèn na, “À hì jala nâbi nde, wu hi jala kə kum gha ye a Bâba ne.”

1 Kòlitiyàns 4:7

À jis nde ha wò na wò chyàlò ghɨt ale agha? Wò kəta nâ ghə teka ghɨ fo yi fô agha? Wò shìki kəta a shyə ma ghɨ fo yi fô, wo hi ghaŋhe wunu te ghɨ tà fo jə yi fô njwô ghə?

1 Kòlitiyàns 9:16

Mu kəta wi hi tè ghaŋhe wu wun kum te mu fòktè tum yì jùŋ. A hì mô yi fêt ma ghɨ ti lem na mu hi nê, ma mu faŋ hi nì, ma ngə̂k yi kanana hi mô a mu a tû!

2 Kòlitiyàns 11:12

Mu nè faŋa kə ni ma mu hi nê kə gha ye a mu nè chîn, ma mu baŋ jwo ghɨt ghe a ghɨ jîsà na ghɨna mò ghɨt a tuma a Klistù yâ, kə ghɨna hi ghaŋhe wunu jîsà na ghàh à ghɨna fètà kə lum wù mòk.

2 Kòlitiyàns 11:30

Mu shìki mô hi tè ghaŋhe wu wun, ma mu hi ghaŋhe kum gha ghe a ghɨ chwûtè na mu botalò.

2 Kòlitiyàns 5:12

Kə ghàn hi kwâktè na ghàh khɨŋa hi chwùtì ha fê na ghàh kpenelò hi tè mò ghɨt a tuma. Ghàh khɨŋa na ghàn hi khə gha ye a ghàn kəta hi tè saŋle kum ghàh shyəma ghàn khɨli hi tè fìsè ghɨt ghe a ghɨ kûnà ngàŋtànà kə kum lum we a ghɨ yena wùt atɨ̂n, khə wi nâbi təm a wuna.

Gàlesiyà 3:22

Biyani ŋwàklù Fùyèn jis na nâ ghɨt à jɨ̀m a mbyî fètà a kwôs ha be. Yi gan ni shyəma Yènfù fo chwuna we a fu tì chwùna ha ghɨt ghe a ghɨ bime ha Jisòs Klistù.

Fìlibiyàns 3:9

Mu khɨŋa na ghàh à wûn hi chîntè mô kə ha shyə̀ à mòk, mu mô chilichili a Yènfù ashyə̂, a bu kum jyak a ma a ngɨŋa. Mu fè lêmà wi Saki hi tê mô chilichili, mu hì mô wut à chilichili chin kum yi bimî mi ha Klistù. A ni lum we a Yènfù lyè ghàhnà atɨ̂n ha ghɨt a chilichili.