Lumàns 3:8 - Ŋwàklù Fùyèn Kàn Mù Fê (Cameron)

⁸ Ghɨt mɨ ghɨ̂n ki jîs ni, ma yi hi chwûtè na ghɨna jìsà na yi jwôfàlò na ghàhnà hi nê kə gha a be shyəma jùŋ hi fwo atɨ̂n. Ghɨt ale bobhi yet ghaha jîsà na a mò gha ghe a ghàh gbè yike. Ghɨna hi khə na Yènfù kəta kə hi bè sak hi bobhi ghɨna.

Lumàns 3:8 Iomraidhean Croise

Matiyò 5:11

“Jùŋ mô ha ghàn a wu yu afa ghɨta sùlè ghàn, chwoka wulu wanu, fê wama tu nki tu fəm tu tù jɨ̀m kum ghàn beka ghàn mò ghɨt a ma.”

Lumàns 5:20

Yènfù tì fo Saki shyəma ghɨ yen à mihi jyak a be, biyani be shihi dù, təm a jûŋà Yènfù boŋ dû yen kə ashyə̂.

Lumàns 6:1

Ghàhnà mò hi jìs na ghə, na ghɨ faŋ ma ghɨ hi nê kə be shyəma Yènfù faŋ à hi chwûtè kə təm a jûŋà ha ghàhnà ma?

Lumàns 6:15

Ghàhnà mò hi jìs na ghə chin agha? A jis na ghàhnà faŋ ma ghɨ hi nê yênà kə nì be beka ghàhnà fè chyə̂ wi a yi sah à yi sak, chyə̂ kə kum təm a jûŋà a Fùyènà agha? Yi wi hi tè mò ni nâ hakoh!

Lumàns 7:7

Gha yina ni chwùtè na ghə? Yi ni mò na Saki mò a shyə a be ma? Yi wijə ni nâ hakoh beka a ndùku bu ha Saki ma mu khə wi gha ghe a be mò ghɨna. Saki ndùku faŋa hi jìs na, “Kə se ghana hi fwo a ghɨta a mwə̀,” ma mu khə wi gha mi yîn.

2 Kòlitiyàns 11:15

Yi ni chwùtè na ghàn kəta wi hi tè mò nì kani na ghɨt a fetana a Satàn boŋa kama chwûtèlò kəbi na ghɨna mò kə nâ ghɨt a fetana a Fùyènà ghɨ jûŋà. Ngək ye a Yènfù bè fo ha ghɨna a gòkhi bè kpenelò a ghɨna yi fèt afân.

2 Kòlitiyàns 6:8

Ghɨt ale ngumle ghàh, ghɨ le jîsà gha a be kum ghàh. Ghɨ le bəmhe ghàh, ghɨ le sûlè. Ghàh jìsà kə hamok nâbi te ghɨ lyê ghàh ha ghɨt a fəma.

Jûd 1:4

Mu jìsà ni beka ghɨt ale ti nyamti lyi a ghàhnà a fùtɨ̂n, a mô à ghɨ̂t ma ghɨ ti fwək tum a yì kòŋ yì Fùyèn a ghàhnà kokhe lyi hì nê gha a tu liŋa a ghɨna atɨ̂n. Ghɨt mɨ ghɨ̂n khə wi Yènfù, tunhi Chichà ghàhnà wù mòk we a ghàhnà kəta, a mô Bâba Jisòs Klistù. Ŋwàklù Fùyèn hì mô ma yì tî jîs kum nki ghɨt mɨ ghɨ̂n fôktì na Yènfù bè saka bobhelò ghɨna.