Bìoball air-loidhne

Lumàns 2:9 - Ŋwàklù Fùyèn Kàn Mù Fê (Cameron)

⁹ Nâbi nde te wù nè be bè yenalò ngə̂k yi bəma kə ni ma wù fê yu lùmchuŋ. Ngə̂k àtɨ̂n bè yîmè kə ha ghɨt a Jûs ashyə̂ a kûmtè wu tûm.

Faic an caibideil Dèan lethbhreac

dol air ais ⬆

Lumàns 2:9
35 Iomraidhean Croise

Matiyò 16:26

Wùt mò hi khɨti mbè ghə a wu yu afa wù khɨte nâ mbyi yì jɨ̀m lesì a yohnà wuna agha? Wùt ni mò hi yun nâ to wuna nì ghə?

Faic an caibideil

Lûk 24:47

ma ghɨ nê hi fê kəta hi yìmì a Jèlusalèm hi fòktì gha Fùyèn lak tù jɨ̀m a wun a yi yet, na ghɨta kahi təm a ghɨna ma Bâba Yènfù lehèfo besu ghɨna su.

Faic an caibideil

Fêt 11:18

À hì mô te ghɨt a Jûs ghɨ bimena ywo kwoka nì gha ye Bità jìsa, ghɨna tê fè jìs gha yile kum wûn, hì kokhe Yènfù jîsà na, “Ghàhnà ti yên na Yènfù ti boŋ fo lumu ha tumu na ghɨna kahi təm a ghɨna a ghɨna gha be ma ghɨna khɨti chyəna ghe ghɨ bè mê wi.”

Faic an caibideil

Fêt 13:26

“Wana noma, ghàn wana Ablàhâm nì ghàn tumu we wu mô afân ngumle kəbi Fùyèn, tum yì jùŋ yinâ yì bê nì bônì ha ghɨta ni mò ma ghɨ tum kə nâ ha ghàhnà.

Faic an caibideil

Fêt 20:21

Mu ti kɨ̂n ha ghɨt a Jûs nì ha tumu na ghɨna kahi təm a ghɨna a sùbe ma kahà ben ha Yènfù, ma ghɨ bimi ha Bâba ghàhnà Jisòs Klistù.

Faic an caibideil

Fêt 26:20

Mu tî yîmì hi yiki a Dàmaskùs nì a Jèlusalèm nì ghɨta yi lak yi Jùdiyà kə yì jɨ̀m, yiki kəbi tumu na ghɨna kəta hi bɨ̀nhè təm a ghɨna a ghɨna gha be hi bèn ha Yènfù hi tè nè gha ghe ghɨ chwûtè na ghɨna ti kahi təm a ghɨna.

Faic an caibideil

Fêt 28:17

Te tuk mù chya mù tât, Bôl toŋa wu tu we wu ndùku tihe ghɨt a Jûs na ghɨna bê yen wûn. Ghɨna bên, Bôl jis ha ghɨna na, “Wana noma, ghɨt a Jûs che kwo mu ni ghɨ fa mu a Jèlusalèm fî fo mu ha ghɨt a Lumà nâbi te mu chehì mô teka mu ni gha be yile ha ghɨt a ghàhnà, teka mu jîsà bobhi gha kum lum te be ghàhnà ndùku chyə atɨ̂n.

Faic an caibideil

Fêt 28:28

Bôl jis hi yè mihì jis na, “Yi ni chwùtè na ghàn kəta hi khɨli na tum yì jùŋ te Yènfù kəta hi bònhì à ghɨ̂t, ghɨ mò ma ghɨ ti tum ha tumu, ghɨna mô hi yû.”

Faic an caibideil

Fêt 3:26

Yènfù ki chwoka wùt wù fèt à wûn ki yità tum ha ghàn na wù bê bonhi ghàn hi nì na nâbi nde a ghàn a fùtɨ̂n de lumtu wun tu betu ma wù khɨti yutì mi yîn.”

Faic an caibideil

Lumàns 1:16

Mu jala kum tum yì jùŋ mi yìna te yì chwùtè jyak ghe a Yènfù bònhè ghɨt a bimena atɨ̂n nâ à jɨ̀m. Fu bônhè ghɨt a bimena, yîmè nì ghɨt a Jûs, a kûmtè a wu tûm.

Faic an caibideil

Lumàns 10:12

Bâba mò Bâba kə ha ghɨt à jɨ̀m. Hanɨ̂ŋ bu ha wùt à Jûs nì ha tumu. Wù fo yi yutì nâbi ha nde we a wù lona a gâmtìnì ha wûn.

Faic an caibideil

Lumàns 2:10

Yènfù bè nê ha ghɨna ni biyani ma wù fo ghaki nì kokhînì nì yutìnì nâbi ha nde we a wù chyə chyənà yì jùŋ, yîmè nì ghɨt a Jûs, a kûmtè wu tûm.

Faic an caibideil

Lumàns 8:35

À mò hi jyàhè nâ ghə ghàhnà a Klistù yì kòŋ agha? À ni mò hi jyàhè mù lɨ̀mchuŋ ma, ma a gha te ghɨ ta ma, ma wulu ghàhnà te ghɨ chwoka ma, ma a jiŋ te yì yafa ghàhnà ma, ma à fuf ma, ma yi kpû te yi ywite ghàhnà ma, ma à yi kpu ye yi mô hi bè bèn ha ghàhnà agha?

Faic an caibideil

Lumàns 9:24

Ghàhnà ni mò ni, a mô ghàhnà ghe a fu tì toŋa fihe atɨ̂n à ghɨt a Jûs fî toŋa fihi kəbi a tumu a fùtɨ̂n.

Faic an caibideil

Gàlesiyà 3:28

Hanɨ̂ŋ fè wijə ha wùt à Jûs ghê wùt à Gɨlìs. Hanɨ̂ŋ bu ha wùt we a wù mò a wun a ngɨŋ ghê wùt we a wù mò a kwôs, bu ha wùt wù lɨmà ghê wùt wù ywên beka ghàn à jɨ̀m hì chîntè mô kə a shyə̀ à mòk ghàn à Klistù Jisòs.

Faic an caibideil

Kòlosiyàns 3:11

Beka, hanɨ̂ŋ nè hi fê wijə ha wùt, makə à mô wut wù Jûs makə à mò wut wù Gɨlìs, makə ghɨ ti se nam a wuna makə ghɨ tà se jə̂, makə à mò wut à tûm makə à mò wut à ghə̀n. Hanɨ̂ŋ wi ha ghɨt ghe à mò wu kwôs nì ghɨt ghe a ghɨ mô a ghɨna ngɨŋ, biyani gha yi ta mò kə Klistù. Wu mô kə ghɨt a wuna fùtɨ̂n à jɨ̀m.

Faic an caibideil

2 Tèsàloniyàns 1:6

Yènfù bè folò ngə̂k ha ghɨt ghe a ghɨ chehì fo ngə̂k ha ghàn beka fu nê kə yi gha ye a yi mô chilichili.

Faic an caibideil

1 Bità 4:17

Yi mô ni beka yu ti kpên shyəma Yènfù sak mbyî, wu mô hi yìmì nì ghɨt a wuna, ma fu ki bɨlà yìmi hì saka ghàhnà ashyə̂, ma yi hi bəma nâ haŋaŋ ha ghɨt ghe a ghɨ bime wi tum yì jùŋ?

Faic an caibideil

Lean sinn:

Ceanglaichean taic

Sanasan

Sanasan