Lumàns 2:8 - Ŋwàklù Fùyèn Kàn Mù Fê (Cameron)

⁸ Fu bè saka lò ghɨt ghe a ghɨ khə kə gha yi ghɨna yi ngɨŋi, ywo wi gha ye a yi mô hamok biyani kôŋà kə yi fə̂m. Fu bè saka ghɨna hi chwùtì lâ wunu baŋanu ha ghɨna.

Lumàns 2:8 Iomraidhean Croise

Lumàns 1:18

Yènfù ti chwûtì lâ wunu baŋanu ha ghɨt ghe ghɨ chyə a chyə̂, khə wi wûn, nê yê kə nì be, be mi yìna tâmtè na kə ghɨta hi khə gha ye a yi mô hamok kum Fùyèn.

Lumàns 10:16

Biyani, à wijə ghɨt à jɨ̀m te ghɨ ywo tum yì jùŋ mi yìna ghɨ lem a to atɨ̂n. Yi mô kə yi ghəl te fòkti Ìsayà tì jìsa buf na, “Ghɨt ghe a ghɨ ywo tum ye a ghàh fòktè bimelò mò nâ nde ghɨ̂n a Bâba?”

Lumàns 15:18

Mu wi hi mòm hi jìs yi ghâ a bu kə ye a Klistù ne tohne ha mu. Wù ti nî mu ti lyi yen nì tumu a Yènfù ashyə̂, ghɨna ghɨ hì ywo wûn, a mô kum gha ghe a mu jìsà nì ghe a mu nè.

Lumàns 6:17

Ghàhnà kəta hi tè fo àyòŋnà ha Yènfù beka à ndùku mô wu tuk wule, ghàn mô wu kwôs ha be biyani ghàn yu yi yikî ye a ghɨ yike ha ghàn, ghàn bimî nì təm a ghana à jɨ̀m.

Lumàns 9:22

Yi ni mô kəbi yi ghəl te Yènfù tì ne. Fu tì kôŋ hi chwùtì na fu bàŋhè lò lâ, fî kôŋ hi chwùtè jyak ghe a fu kəta ha ghɨta. A ni gha ye a fu ndùku hì wunhe kə yi wunhî tê fo ngə̂k ha ghɨt ghe fu ndùku bâŋhè lâ ha ghɨna, ghɨna kpene kə na fu bobhi yi bobhî ghɨna.

1 Kòlitiyàns 11:16

À khɨŋa nâbi nde hi tè gùfnà gha mi yina, a mu jìsà, ghàh fè kəta wi lum wule hi tè fate nè gha mɨ ghɨ̂n atɨ̂n, nâbi ndâ Fùyèn yìlè kəta wi.

2 Kòlitiyàns 12:20

Mu fànà na mu nè bênà, ghàn bu te mu khɨŋa na ghàn hi mô, ma ghàn boŋà yen mu, mu bu te ghàn khɨŋa na mu hi mô. Mu làhi shihi bèn, mu yu njaŋi a ghàn a fùtɨ̂n, nì ghə̀k, nì là mù bàŋamù, nì mu, nì jîs yi be, nì kowòŋ nì ghaŋhi yi wùni, ma mu fê yen ghàn buma chyə kə yi chyə̂.

Gàlesiyà 5:20

ngumle mosòmù, fiŋa sù njwòk, bânà à ghɨ̂t, nô, kəta ghə̀k, nyâŋhì bâŋhè wu lâ, kwâktè kə kum ngɨŋsu ghɨna su, bênà nì nôhìnì nì jyàhènà,

Fìlibiyàns 1:17

Ghɨt ghe a ghɨ fôktè gha Klistù, kəta kwâktì yi be kwàktè kə ngɨŋsu ghɨna su. Ghɨna khɨŋa hi kpenhe ngə̂k à mì a ndâ chyâk afân.

Fìlibiyàns 2:3

Kə ghàn hi kwâktè kə ngɨŋ sanisu. Kə wùt hi nê gha hi chwùtè wu wun. Ghàn lyi ngɨŋ sanisu a chyə̂, ghàn lem na ghɨt ale kokne chyâlò ghàn.

2 Tèsàloniyàns 1:8

À bè hì mô te wù chwo bênà ghê anjèlsu wun mu sê, ma chwûlù wu wùsu hi bame, ma wù kaha lak ghɨt ghe a ghɨ tì mana Yènfù fî tunhi na ghɨ ywo wi gha ye a tum yì jùŋ kum Bâba ghàhnà Jisòs ndùku jîsà.

Taytùs 3:9

Kə wò lye a gùfna, yi kəta wi tofu, hi taŋa kwok nì yet a be ghàhnà ghɨ shyə. Kə wò lyi yi njâŋ nì nô kum yi sâk. Gha mɨ ghɨ̂n mò a gha ngwòna gâmtè wi wùt yi gha yile.

Hibùlùs 10:27

Wùt hi chyə nì fânì, yute tuk wu Fùyèn wu saku nì wusu wu bəmanu we a wù bè nyôkà bànàsu wunsu.

Hibùlùs 11:8

Ablàhâm bimi ha Yènfù, à hì mô te fu toŋa wun, wù lo yen a yi lak afa a fu fo ha wûn. Wù hì yênà baha mô teka wù khɨli lak yi tɨni.

Hibùlùs 5:9

À ndùku mô te wù kpene mihe te Yènfù ndùku khɨŋa na wù hi mô, fu lem wûn ha Bònhì ha ghɨt ghe a ghɨ ywo wun, na wù hi mô Bònhì a ghɨna kə hamok.

Jêms 3:14

Biyani yi shìki mô a dûtè kə ghə̀k nì təm a be a ghàn a fùtɨ̂n, nâbi nde kwâktè kə ngɨŋ à wûn, kə wùt ha ghàn hi wama fəmi kùn à ngàŋtù jîsà na yi tofalò.

Jêms 3:16

À yè mô a wu yu afa ghɨta ghə̀kà ghɨta, nâbi nde hi taŋa kə a to wuna, ghɨ hi chìnà chyə kə yi chyə̂, kwote nâbi yìni gha yi be nê kə yi nî.

1 Bità 3:1

Ghàn hi ngumle lɨm ghana a ywena. Ghàn nè ni, chyəna ghana jûŋà làhi nì ma lɨm ghana ghe a mô teka ghɨ bimi, kwuna təm a ghɨna ma ghɨ bimi ha Yènfù teka ghàn fê jis nâbi gha ha ghɨna,

1 Bità 4:17

Yi mô ni beka yu ti kpên shyəma Yènfù sak mbyî, wu mô hi yìmì nì ghɨt a wuna, ma fu ki bɨlà yìmi hì saka ghàhnà ashyə̂, ma yi hi bəma nâ haŋaŋ ha ghɨt ghe a ghɨ bime wi tum yì jùŋ?

Gokhini 14:10

nè yenalò lâ baŋanu wu Fùyènù. Wu mô ni te lùkû mù tâ teka ghɨ fwəh nì shyə ale. Nâbi nde we a wù ne gha mi yìna kəta ngə̂k wu wùs ma ghɨ ti lem nkànû atɨ̂n, wu hì bame anjèlsu Fùyènsu yulesu ashyə̂, anjèlsu tɨnsu mô ghê Wâ Njyə̀.

Gokhini 16:19

Ghɨ jyâtì Babilòn bâh wù tât, bobhi tèk tu chik tu nâ tù jɨ̀m kə tu lak tù jɨ̀m. A ni lum we a Yènfù tì kwàkte ghɨt a Babilòn atɨ̂n, ni ghɨna nyu shyə ghe a ghɨ ndùku chwûtè lâ baŋanu wunu a bòm afâ.