Lumàns 2:6 - Ŋwàklù Fùyèn Kàn Mù Fê (Cameron)

⁶ Fu bè folò nâbi maktu nde kə a wun a yì fèt.

Lumàns 2:6 Iomraidhean Croise

Matiyò 16:27

Mu jìsà ni beka Wâ Wùt nè motè kə ni ma wù bè kahà ben atɨ̂n à ban yi chiki Bè wuni ghê anjèlsù wunsu a yu afû ma wù fo nâbi maktu nde kə yi ghəl te wù ndùku fêtà.

Lumàns 14:22

Ghàn hì kəta nâbi yi bimî yì ghə kum gha mɨ ghɨ̂n, ghàn de, ma à hi khə kə ghàn à Yènfù. Jùŋ mò ha wùt we a wù nè gha, kante wi yi kantî.

1 Kòlitiyàns 3:8

Wùt we a wù yome nì wùt we a wù sùhà mòlû mò kə yi ghəl, nâbi nde mô hi bè khɨte maktu wunu kə te wù chehì fêtà.

1 Kòlitiyàns 4:5

Kum ni, kə ghàn kat sak a wùt lè tû teka yu tɨnu kpen. Ghàn yuti ma Bâba ben. Wù bênà hi chwùtè banhe gha a letena ghe a ghɨ nyamte nê a bɨn a finana, a fôktè kwâk te a ghɨta lètà a ghɨna təm, ma Yènfù ki bəmhe nâbi nde a wun yi fèt.

2 Kòlitiyàns 11:15

Yi ni chwùtè na ghàn kəta wi hi tè mò nì kani na ghɨt a fetana a Satàn boŋa kama chwûtèlò kəbi na ghɨna mò kə nâ ghɨt a fetana a Fùyènà ghɨ jûŋà. Ngək ye a Yènfù bè fo ha ghɨna a gòkhi bè kpenelò a ghɨna yi fèt afân.

2 Kòlitiyàns 5:10

Yi mô ni njwo nâ ghàhnà à jɨ̀m bè timelò a Klistù ashyə̂, ma wù sak ghàhnà. Wù bè lâkà nâbi nde kə gha afa a wù chehì nê a mbyî, makə à chehì mô gha a be, makə à chehì mô a jûŋà.

2 Timotì 4:14

Àlèksandà we wù twe mwə̀lû yâ che mom gha ha mu, yi bəma kə ni. Bâba nè folò ngə̂k ha wûn kum gha mi yê.

Gokhini 2:23

Mu nè ywitelò wana wuna, ma chìntisu ghɨt a bimenasu nâ sù jɨ̀m hi khə na à mò mu we a mu khə kwâktì tù ghɨ̂t tù, khə gha ghe ghɨ mô a ghɨna təm. Mu nè lâkà ghàn kə yi ghəl te nâbi nde chehì fêtà.

Gokhini 20:12

Mu fî yen ghɨta ma ghɨ ti kputî, ghɨ le mô ghɨt a ta, ghɨ le mô ghɨt a bota, ghɨna mô ashyə̂ wù kpòk afû. Ghɨ bəh ŋwàklù sù, fî bəh ŋwàklù yìlè, a mô ŋwàklù yì bòn ghɨ hì ke ŋwàklù àtɨ̂n, saka kə ghɨna a gha afa ghɨna ndùku nê.

Gokhini 22:12

Jisòs jis na, “Ghàn yuti, mu bè kə chîn nì maktu ha ghàn, mô hi fo nâbi ha nde kə yi ghəl te wù chehì fêtà.