Lumàns 2:5 - Ŋwàklù Fùyèn Kàn Mù Fê (Cameron)

⁵ Wo bɨlà nê na lâ Fùyènù hi bâŋà yê kə ashyə̂ beka wò chile, ma wò ti ta nì to kôŋà wi hi kwunâ. Yènfù bè chwùtè lò na fu ti bâŋhì lâ ha wò a wun wu tuk wu saku ma wù sak wò kə nâ chilichili.

Lumàns 2:5 Iomraidhean Croise

Lumàns 1:18

Yènfù ti chwûtì lâ wunu baŋanu ha ghɨt ghe ghɨ chyə a chyə̂, khə wi wûn, nê yê kə nì be, be mi yìna tâmtè na kə ghɨta hi khə gha ye a yi mô hamok kum Fùyèn.

Lumàns 11:25

Gha yi leteni yile làwû a mu khɨŋa na ghàn hi khə a wana noma shyəma ghàn nê hi fè ghaŋhe wi wunu. Gha tɨni mô na ghɨt a Isalì ale mò chin, ta nì tû biyani mò hi bê kwunâ hi bimî wu yu afa tum we a Yènfù chwokte ti bimi mihì.

Lumàns 9:22

Yi ni mô kəbi yi ghəl te Yènfù tì ne. Fu tì kôŋ hi chwùtì na fu bàŋhè lò lâ, fî kôŋ hi chwùtè jyak ghe a fu kəta ha ghɨta. A ni gha ye a fu ndùku hì wunhe kə yi wunhî tê fo ngə̂k ha ghɨt ghe fu ndùku bâŋhè lâ ha ghɨna, ghɨna kpene kə na fu bobhi yi bobhî ghɨna.

2 Kòlitiyàns 5:10

Yi mô ni njwo nâ ghàhnà à jɨ̀m bè timelò a Klistù ashyə̂, ma wù sak ghàhnà. Wù bè lâkà nâbi nde kə gha afa a wù chehì nê a mbyî, makə à chehì mô gha a be, makə à chehì mô a jûŋà.

2 Tèsàloniyàns 1:5

Wunhî yani yina chwùtè a ndan na Yènfù saka lò ghɨta kə nâ chilichili, mô hi nì na ghàn hi kpenê hi tè mò wu lùk wu fə̀n wù Fùyènù afa a ghàn yena ngə̂k kum wunu.

Hibùlùs 3:13

Ghàn hi bɨlà gâmtè tobhe ngɨŋ sanisu kə mu tuk mù jɨ̀m hi tàn te Yènfù baha jîsà ha ghàn, shyəma be nê tê lehe jə̀ ghàn hi nì na ghàn hi ta nì to.

Hibùlùs 3:15

Yi mô kə te ghɨ nyaka a ŋwàklù Fùyèn na: “Ghàn ki ywo jyə̂ Fùyèn lân, kə ghàn tahi təm ghana te bì ghana tì tahe wu tuk afa ghɨna ndùku mô a yi lak yi sùsi.”

Hibùlùs 4:7

Yènfù ki lêm à kpenhe wu tuk wule hi bè lyè ghɨta a wun wu lùk wu yutenu, hì toŋte wu tuk mu we na, “Iân.” À ndùku mô te Yènfù jìsa ha wan a Isalì, a yi bàm wu lɨ̀m, fu fî jis tohne a Defìt, kə yi ghəl te ghàn hì mô ma ghàn ti yu na: “Ghàn ki yu jyə̂ Fùyèn lân, kə ghàn nè tahi təma”

Jêms 5:3

Ka mânù mê ghɨ fate nì gûl nì silfà ni, bè bâŋàlò. Ka mu wûn bè bâŋàlò ma wu chwùtè mihi sah yani wu tuk afa Yènfù bè saka ghàn beka wu bè bâŋà ni ma wu fê kahè hi kuta njà sanisu wùnsu ni te wu wus. Yì ni chwùtè na ka munâ a ghàn tuka lêmà a mu tuk mu gòkhemù afân bè bɨlà bê lô nì ngə̂k ha ghàn.

2 Bità 2:9

Yi ni chwùtè na Bâba khəlò lum we a fu mô hi bònhè ghɨt a wuna atɨ̂n a ghɨna sù ngə̂k, khə kəbi lum we a fu mô hi khɨte lèm a ghɨt a be atɨ̂n hi tàn wu tuk wu saku.

2 Bità 3:7

Nyə̂ ghe a ghɨ mô chîn nì chyə ni mò, ma wù behi yi behî shyəma yu bê kpen ma wù bobhi nì wusu. Wù behi shyəma yu bê kpen ma wù sak à bobhi ghɨt ghe a ghɨ ywo wi ha wûn.

Jûd 1:6

Ghàn yɨŋti anjèlsu Fùyèn se a Yènfù tì ne, ghɨ kwut ghɨna nì chyaksu kə amok atɨ̂n à bɨn a finana beka su tì de luk we a Yènfù tì fo ha ghɨna hì khɨŋa luk wu ngaŋtenu. Yènfù nî, ghɨ kwut ghɨna, ghɨna mô hi faŋ kə a sù chyak nâ shyəma tuk wu saku bê kpen.

Gokhini 2:21

Mu fo yu na wù kahi təm yi wuni ma wù de besu wunsu biyani wù tunhî na yi wi hi dè.

Gokhini 6:17

Yi mô kə nâ hamok na tuk wu chiku we a ghɨna chwùtè lâ wu baŋanu atɨ̂n ti kpên, nâ wùt wù mòk bu hi têt.”