Lumàns 2:4 - Ŋwàklù Fùyèn Kàn Mù Fê (Cameron)

⁴ Yi ni mò na wò lyè wi tôknà yi kanani yi Fùyènì nì wunhî yi wuni, nì jùŋ ye a fu nê ha wò ha yi gha ma? Ba wò khəlò na Yènfù tòknà ni, khɨŋa na wò kahi təm ya a be?

Lumàns 2:4 Iomraidhean Croise

Lumàns 10:12

Bâba mò Bâba kə ha ghɨt à jɨ̀m. Hanɨ̂ŋ bu ha wùt à Jûs nì ha tumu. Wù fo yi yutì nâbi ha nde we a wù lona a gâmtìnì ha wûn.

Lumàns 11:22

Ghàn hi khə na Yènfù tòknè nì ghɨta biyani, sak yi wuni ta kəbi yâ. Sak yi wuni ta ha ghɨt ghe a ghɨ de lum wu chilichili, biyani wu tôknè nì ghàn kə wu yu afa ghàn ywo kə ha wûn, bu ni, ma wù maka ghàn.

Lumàns 11:33

Yi mô kə nâ hamok na Yènfù kətalò ghak yi kanani hi fo ha ghɨta, kəta kə tof wù jɨ̀m, khə a gha à jɨ̀m! Wùt bu hi fòktè gha ghe a fu kwâktè. Wùt bu hi khɨle lum we a fu nê gha atɨ̂n.

Lumàns 3:25

Yènfù tì fo wun na wù bê kpu shyəma luŋ mù wûn ni ma fu lèhèfo besu ghɨ̂t sù tohne a ghɨna yi bimî. Yìna ni mò hi chwûtè lum wu Fùyènù chilichili. Fu tà tì fo jə ngə̂k ha ghɨta ha ashyə̂ kum besu ghɨna su. Fu tî wunhî wu tuk afû,

Lumàns 6:1

Ghàhnà mò hi jìs na ghə, na ghɨ faŋ ma ghɨ hi nê kə be shyəma Yènfù faŋ à hi chwûtè kə təm a jûŋà ha ghàhnà ma?

Lumàns 6:15

Ghàhnà mò hi jìs na ghə chin agha? A jis na ghàhnà faŋ ma ghɨ hi nê yênà kə nì be beka ghàhnà fè chyə̂ wi a yi sah à yi sak, chyə̂ kə kum təm a jûŋà a Fùyènà agha? Yi wi hi tè mò ni nâ hakoh!

2 Kòlitiyàns 8:2

Ghɨna che yen ngə̂k nâ haŋaŋ kum mômhì yi kanani ye yi che bena ha ghɨna biyani ghɨna baha kəta kə yi saŋlînì chiki hi fo nâ hi dù hi tòk a yi fêt yi Fùyènì. Ghɨna ndùku fo nâbi ni laha fufa kə nâ yi fûf.

Efisiyàns 1:18

Mu jə̂mà kəbi na Yènfù ni kwâktì yani yema, ma ghàn hi khə na ghàn bè khɨtelò mwə̀ mù jùŋ me a fu bakte ha ghàn nì ghak yi yulani ye a fu lema ha ghɨt a Fùyènà,

Efisiyàns 1:7

Klistù tî yun tu ghàhnà nì luŋ mù wun me a wù tì sùha te wù kpo, Yènfù ki lêhèfo besu ghàhnàsu. Yìna ni chwùtè təm a jûŋà ghe a fu kəta ha ghàhnà.

Efisiyàns 2:4

Biyani, Yènfù kwohi seni ha ghɨta nâ ha haŋaŋ koŋ ghàhnà nâ haŋaŋ.

Efisiyàns 2:7

Wù tì ni ni shyəma à bê hì mô nâbi yini, ghɨta yena na tôknà wuni yi kanani kəta wi fêkà, a mô yê a wù kòŋà ghàhnà chwûtì tohne a Klistù Jisòs.

Efisiyàns 3:16

Yènfù kəta yi ghak nâ haŋaŋ. A ni gha ye a mu jə̀mà na fu fo jyaka a ghàn a təm tohne a wun a Yohnà,

Efisiyàns 3:8

Mu mô kə nâ wut we a wù tobte gokhe atɨ̂n à ghɨt a Fùyènà, biyani ma fu ti tôknà nì mu, ni mu na mu hi jîsà ha tumu, fôktè ghak yi kanani ye a ghɨt ghe a ghɨ bime ha Klistù kəta,

Fìlibiyàns 4:19

Yèn famfu kəta kə mwə̀ mù jɨ̀m. Fu nè folò nâbi ghə ghe a ghàn boŋa khɨŋa tohne yi gha afa a Klistù Jisòs tì ne ha ghàhnà.

Kòlosiyàns 1:27

Yènfù ndùku khɨŋa na ghɨt mɨ ghɨ̂n hi khə nâ gha yi leteni ye a fu bakte lema a mô yi gha yi kanani, a mô yi gha hi gàmtè kə ghɨt a tu lak tu mbyî tu kə tù jɨ̀m. Gha mi yîn mô na Klistù mò kə nâ a ghàn a təm, yi chwûtè na ghàn khə hamok na ghàn bè chyə lò ghàn a wûn a wun atɨ̂n à yi ghak.

Kòlosiyàns 2:2

Mu nè ni shyəma ghàn à ghɨna hi kəta təm a ta, mô kə ha shyə̀ à mòk, kôŋà ngɨŋ sanisu. Mu khɨŋa na ghàn hi fate khə gha ghe a Yènfù tì lète shyəma ghàn tokâ khɨti gha mɨ ghɨ̂n ma ghàn hi kəta yutì chiki. Gha mɨ ghɨ̂n a Yènfù mò ma fu ti chwûtì banhi chin ha ghàhnà mò kum Klistù nì ngɨŋ à wûn.

1 Timotì 1:16

Yènfù tì chwûtì seni kwolani ha mu beka mu ndùku mô fə̀n a gha a be. Yi gan ni shyəma Klistù Jisòs chwûtè mihi wunhî yi wuni hi nì na mu hi mô te chwena ha ghɨt ale shyəma ghɨna yen gha ye a wù ne ha mu ma ghɨ bimi ha wûn ma ghɨ hi kəta chyə ye a yi bè mê wi.

1 Timotì 6:17

Chyàhi te yi sâk ha ghɨt ghe a ghɨ kəta ghak yi mwə̀ mù mbyî, na kə ghɨna hi jala makə lêmà kwâktì tu ghɨna tu a mwə̀ mù chyàlamù afân. Jìs na ghɨna hi bɨlà lêmà kwâktì yi ghɨna kə ha Yènfù a fe a fu fo nâ mwə̀ mù jùŋ mù jɨ̀m me a ghàhnà kəta.

1 Bità 3:20

ma a ni yohnù we a wu ndùku ywo wi Yènfù biyani fu wunhi kə yi wunhî hi tàn wu tuk afa a Nuwà tì ba baŋa atɨna. À ndùku mô wu tuk afû, ghɨta bôn atɨ̂n à baŋ afû a ghɨ ndùku mô a tû mòlû, tobte kə ni. Ghɨna ndùku mô kə fama.

2 Bità 1:11

ma Yènfù ni, ma lumu ban à mihi shyəma ghàn lyi wu lùk wu fə̀n wu Bâba, a Bònhì ghàhnà Jisòs Klistù, a mô fə̂nù ma wu ti faŋ kə hamok.

2 Bità 3:15

Ghàn hi khə na Bâba ghàhnà wunhe ni, fo wu lum ha ghàn shyəma ghàn bon. Wâ nè ghàhnà Bôl we a ghàhnà kòŋà yâ ti nyak kəbi gha mɨ ghɨ̂n ha ghàn nì tofu ma à fo Fùyèn ha wûn.

2 Bità 3:3

Nâ gha yi ta ye a mu khɨŋa na ghàn hi khə mò na, à bè hì mô a mu tuk mù gòkhemù ma ghɨta fwo ben, chînà chyə̂ kə yi chyə̂ ma ghɨ hi nyikhè ghàn,

2 Bità 3:9

Bâba ghale wi yi ghalî hi nè yi gha ye a wù chwùne te ghɨt ale kwàktè. Wù bɨlà fo kə wu yu ha ghàn beka wù khɨŋa na nâ ghɨt à jɨ̀m kahi təm a ghɨna a sùbe, kôŋà wijə na nâ wùt wù mòk bê ləha.

Gokhini 2:21

Mu fo yu na wù kahi təm yi wuni ma wù de besu wunsu biyani wù tunhî na yi wi hi dè.

Gokhini 3:20

Ghàn yen. Mu mò a yi jwô ndâ kûmtè, ma à yu nâbi nde jyə̀ mì jîmìlò, ma mu lyê ben, ma ghàh à wûn hi mô amok fê yə̂ amok.