Lumàns 2:10 - Ŋwàklù Fùyèn Kàn Mù Fê (Cameron)

¹⁰ Yènfù bè nê ha ghɨna ni biyani ma wù fo ghaki nì kokhînì nì yutìnì nâbi ha nde we a wù chyə chyənà yì jùŋ, yîmè nì ghɨt a Jûs, a kûmtè wu tûm.

Lumàns 2:10 Iomraidhean Croise

Matiyò 10:13

Ghɨt a nda mu ghe ki fye ghàn a jûŋ, ma yutì ye faŋ a ghɨna tû; ghɨna tê fye ghàn a jûŋ ma yutì yê kahà ben ha ghàn.

Lûk 1:79

Hi fo yi bân ha ghɨt ghe ghɨ mô a fùtɨ̂n à bɨn a finana, lîŋhè a yi kpo bakhe ha ghɨna, hì fè chwùtì lumu yutenu ha ghɨna.”

Lûk 12:37

Bì fèt ki kaha kolô ki yen ghɨt a fetana wuna kə̂kà ma saŋlînì hi mô ha ghɨna. Mu jìsà ha ghàn hamok na, ma wù nê ni ma ghɨna ndoko wu lùk wu yənu ma wù fati ngɨŋ à wûn ma wù chyahi mwə̀ mù yə̂mù ha ghɨna.

Lûk 19:42

jis na, “À nè nê nde na ghàn, ghɨt a Jèlusalèm khɨli yutì yê yi bênà ha ghàn lân, chîn mò ghàn bu hi yên!

Lûk 22:14

Yu kpên, Jisòs ben ndokò hi yə̂ ghê ghɨt a wuna ghɨ tuma

Lûk 9:48

jis ha ghɨna na “À tòkna nâbi nde nì wan wù teta wuna kum mu, ma à nê hi mô na wù ti tôknà nì mu. We wù tòkne nì mu, ma wù hi khə na wù tòknà ha we wù tuma mu. Ghàn hi khə na we wù tobte gokhè a ghàn a fùtɨ̂n mò we wù ngaŋte chya.”

Ŋwàklù à Jon 12:26

À fètà nâbi nde ha mu, ma wù nê hi kəta hi tè jùmtè mu, shyəma ghàh à wùt fètana mù nê hi mô wu luk wù mòk. Bom màktèlò wùt we wù fètà ha mu.”

Ŋwàklù à Jon 14:27

“Mu ti lo de yutì yi mi ha ghàn. Mu fo kə nâ yutì mi ha ghàn. Mu fo wi yutì mi yîn ha ghàn te mbyi fo. Kə ghàn de na təm ghana hi fo ngək ha ghàn, kə ghàn hi fânà.

Ŋwàklù à Jon 16:33

Mu fòktè a gha mɨ ghɨ̂n ha ghàn ni, shyəma ghàn faŋ ha mu ma ghɨ hi kəta yutìnì. Ghàn nè kwotelò ngə̂k a mbye afân. Biyani kə wùt nè bota! Mu ti ta chyâ mbyî.”

Fêt 10:35

Wò ki fwu nâbi yìni laki hì ngumle wûn fê nê gha ghe fu khɨŋa ma fu nê hi kôŋà wò.

Lumàns 14:17

Fə̂n wù Fùyènù mò ni, a bu a shyə a yəna, a bu yi gha yi nyoni, a mò yi gha hi tè chyə chyəna chilichili, kəta yi yutì nì saŋlînì, a mô gha ghe a Yohnà Yulena bènà nì ghɨna.

Lumàns 15:13

Yèn fe a fu nê ghɨta khə hamok na ghɨ bè khɨtelò shyə ghe a ghɨ ke yênà nì ghɨna, nè nêlò ma ghàn hi saŋlê nâ haŋaŋ ma wù fê fo yutìnì ha ghàn beka ghàn bime ha wûn. Fu nê ni shyəma ghàn hi khə hamok, baha kante wi yi kantî gha a ghàn a yi bimî ha wûn tohne a jyak afa a Yohnà Yulena fo ha ghàn.

Lumàns 2:7

Yènfù bè folò chyənà ye a yì be mê wi ha ghɨt ghe a ghɨ wunhe atɨ̂n à yì fèt yi jûŋì, khɨŋa kə na fu fo ghaki ha ghɨna nì yet yi jûŋì. Ghɨt atɨna ke yê kə hi bè khɨte chyənà mi yìna.

Lumàns 2:9

Nâbi nde te wù nè be bè yenalò ngə̂k yi bəma kə ni ma wù fê yu lùmchuŋ. Ngə̂k àtɨ̂n bè yîmè kə ha ghɨt a Jûs ashyə̂ a kûmtè wu tûm.

Lumàns 5:1

Te Yènfù ti lyi ghàhnà ha ghɨt a chilichili kum yi bimî yi ghàhnà, ghàhnà nì wûn hì chyə kə nâ nì yutìnì chîn atɨ̂n à jyak afa a Bâba ghàhnà Jisòs Klistù fo.

Lumàns 8:6

Wùt kòŋà gha a njyàsu wùnsu, yi ben nì kpu, biyani ma wù koŋ gha Yohnà, ma yi ni na wù khɨti chyənà ye a yì bè mê wi ma wù fê khɨti yutìnì.

Lumàns 9:21

Ba wùt we a wù bwəma khɨŋa koŋ ma wù lyi tuk a chyaka à mòk ma wù jyahi ma wù bwəm khɨŋa à bà atɨ̂n ma wù hi yə atɨ̂n à yile biyani nê gha chika nì yile?

Lumàns 9:23

Yènfù hì khɨŋa kəbi hi chwùtè jyak a wuna a kanana ha ghɨt ghe a fu kwohe seni ha ghɨna, a mô ghàhnà ghe a fu ndùku mô ma fu ti fati lem hi fo jyak mɨ ghɨ̂n ha ghàhnà.

Gàlesiyà 5:22

Biyani Yohnà Yulena mo tam wu jûŋù nê na ghɨta hi kôŋà ghɨ le, saŋlê, kəta yi yutì, wunhê, tôknè fê nê jùŋ ha ghɨta, kəta yi bimî,

Gàlesiyà 5:6

Yi mô ni beka ghàhnà shìki mô ghàhnà Klistù Jisòs, makə wùt ti se nama a wuna makə wù tà se jə̂, ma yin hi fêtà wijə gha yile. Gha yi ta ni mò kə na wùt hi chwûtè bimî yi wuni tohne a yì kòŋ.

Fìlibiyàns 4:7

Ghàn shìki nî ni, ma Yènfù ywi təm ghana nì kwâktì yani wu lum wule wùt bu hi khɨlî beka ghàn à Klistù Jisòs mò amok.

1 Timotì 1:17

Ghàh ni jə̀mà na ghɨ hi kokhe fə̀n we a wù saka a yu mù jɨ̀m, a mô kə wûn Yènfù, bu hi bè kpû, ghɨta yena wi wûn. Ghàh ni jə̀mà na ghɨta faŋ à hi ngumle kə wûn nâ a yû mù jɨ̀m. Àmèn.

Hibùlùs 2:7

Wò tì ni wun lem wun a fu yulà ni, wu hì ngaŋte kpene wi te anjèl, a yi bàm atɨ̂n wò ni na wù hi kəta ban yi chiki nì kokhînì.

Jêms 2:22

Yi ni chwùtè na bimî wuni nì fêt yi wuni ndùku mô kə a shyə̀ mòk. À tì ni yi fêt yi wuni na bimî yi wuni hi kpenê.

Jêms 3:13

Wùt shìki mô a ghàn a fùtɨ̂n tofa fè khə a ghâ, wu chwûtì a wun a chyəna jûŋà. Wù shìki mô, wu chwûtì atɨ̂n à gha afa wù nè nì ngumlînì nì tofu.

1 Bità 1:7

Mômhì tɨ̂n bènà ha ghàn, nê na ghɨta yen à khɨli na ghàn kətalò kə nâ kàntè yi bimî. Ghɨ boŋa mômà gûl nì wusu nâbi te a mò a shyə kokne chema wi te yi bimî, yi mô hi bêf. Yi ni chwùtè na, ghɨ kəta kəbi hi tè mòmà yi bimî yani beka à mò a shyə kokne chyâ gûl shyəma à bê hì mô wu tuk afa a Jisòs Klistù kaha bênà, ma Yènfù yen à khɨli ghàn, ma wù bəmhi ghàn ma wù fê fo ghak yi wuni ha ghàn.

1 Bità 5:4

Ghàn nè ni, ma wùt we a wù mò ni te a tû a chìn à sù njyə̀ bê kaha ben nâbi wùni tuku ma wù fo fot a tù fə̀nà te wu maktu ha ghàn, ghɨ njêntè kə ni, yê mwuhe wi.