Lumàns 15:3 - Ŋwàklù Fùyèn Kàn Mù Fê (Cameron)

³ Nâ Klistù tà tì ni jə gha hi tè saŋle kə ha wun a ngɨŋ. Ghɨ nyak a ŋwàklù Fùyèn na, “Ndi se a ghɨ sûlè wò atɨ̂n ti fen a mu a tû.”

Lumàns 15:3 Iomraidhean Croise

Matiyò 10:25

Yi kpenelò shyəma walà wù yikena yiki hi mô kəbi te chichà à wûn, fê kpene shyəma wùt wù fètana fet à kwok à kpene hi tè mò kəbi te bì yì fèt. Ghɨ hì mô hi tè toŋte bè ndâ yi yet yi be ni na Bèlsibùl, ghɨ toŋte nâ ghɨt a ndâ na ghə?

Matiyò 26:39

Wù jis ni, khɨŋti yen ashyə̂ kə fù jiti ni, tum kuhi kə̂k yi wuni a chyə̂ hì jə̂mà, jîsà na, “bâ mù, lumu hì mô wo fyi bòm à ngə̂k yinâ a mu wô. Biyani nì gha ye yi kpene ha wò kə wò ni yami.”

Matiyò 26:42

Wù fî kaha yen hì jə̂mà jîsà na, “Bôm, wò hi bu hi fye bòm à ngə̂k yina ha mu ma ya jyana mu kəta kə hi nyû, wò nì yi gan kə te wò khɨŋa.”

Matiyò 27:44

Nâbi nì ghɨt a chwoŋa ghe a ghɨ tì bante ghê wûn hì boŋa sûlè wûn.

Ŋwàklù à Jon 15:10

Ghàn ki lêmà sak tamtu, ma ghàn faŋ a mu yi kòŋ, kəbi yi ghəl te mu faŋa a Bom yi kòŋ beka mu lèmà saktu wun tu.

Ŋwàklù à Jon 15:24

À ndùku mô na mu faŋ hi nè yi ghâ a ghɨna fùtɨ̂n, teka wùt timè ni, ma yi chwûtè wijə na ghɨna ti nî be te yi chwûtè chîn. Chin mò ma ghɨna ti yen gha kanana ghɨ̂n biyani fî ban kə yi bân mu bakha kə nì Bôm.

Ŋwàklù à Jon 4:34

Jisòs ki jîs ha ghɨna na, “Shyə yəna ma mò kə hi nè yi fêt yi we wù tuma mu nì kôŋì, hi nè mihè yi fêt yi tɨni.

Ŋwàklù à Jon 5:30

Gha yile wijə ye a mu mò hi nì a mu a jyak. Mu saka kə wu lum afa Yènfù jìsa na mu hi saka atɨ̂n. Yi ni chwùtè na mu saka kə yi ghəl beka mu nè wi gha ye mu kòŋà, biyani nê kə ye wùt we wù tuma mu khɨŋa na mu ni.

Ŋwàklù à Jon 6:38

beka mu lo a nyə̂ chwo ben a chyə̂ hi nè gha ye we wù tuma mu khɨŋa. A bu gha ye mu khɨŋa a mu ngɨŋ.

Ŋwàklù à Jon 8:29

We wù tuma mu wù mò ghàh à wûn. Wù tà de jə mù nɨ̂ŋ beka mu nè kə gha ye wù kòŋà.”

2 Kòlitiyàns 8:9

Ghàn khəlò kôŋ yi kanani ye a Bâba ghàhnà Jisòs Klistù tì kôŋà ghàhnà. Wu ndùku mô wut wù chìk, wù kahi fuflò kum ghàn shyəma fuf a wuna ni, ma ghàn khɨti ghak yi Fùyènì.

Fìlibiyàns 2:5

Ghàn hi kəta kə chyənà ye a Klistù Jisòs ndùku kəta:

Fìlibiyàns 2:8

Wù fî lyi mihì ngɨŋ à wûn a chyə̂ ywo ha Yènfù bimi na ghɨ banti wûn a kàkfùtàfù, wù kpû te wut we a wù befa gokhe.