Lumàns 14:9 - Ŋwàklù Fùyèn Kàn Mù Fê (Cameron)

⁹ Yi mô ni beka Klistù tì kpû kaha lôtì a yi kpû hi tè mò Bâba ha ghɨt ghe a ghɨ chyə nì ghe a ghɨ tì kpute.

Lumàns 14:9 Iomraidhean Croise

Matiyò 28:18

Jisòs yen kûmhì ha ghɨna ki jîs na, “Yènfù ti fo jyaka ha mu a nyə̂ fî fo a chyə̂ na mu nê hi saka nâ gha à jɨ̀m.

Lûk 24:26

Klistù we, yê hì kəta wi hi yen a ngə̂k ni, shyəma wù lye a wun a wù lùk wu koknenu agha?”

Ŋwàklù à Jon 12:24

Mu jìsà ha ghàn kə nâ hamok na, ghɨ ki faŋ hi tumhe a yi se ngwìk a chyə̂ ma yi faŋ à kə ha ngwìk. Biyani ma ghɨ ki tumhî, yì kpû ma yì mu saŋa ghɨ dô kə ni.

Fêt 10:36

Ghàn ti yu tum ye Yènfù che tuma ha Isalì a mô tum yì jùŋ ye yì bènà nì yutìnì tohne a Jisòs Klistù. Jisòs mu wunâ mò Bâba ha ghɨt à jɨ̀m.

Fêt 10:42

Wù fo te yi sâk na ghàh fokti tum yì jùŋ hi chwùtì hamok na wù mò kə nâ wùt we Yènfù chwoka lema na wù hi saka ghɨta ta nì ghɨ kputena.

Lumàns 10:9

Ghàh ni jìsà na nâbi nde ki jîs nì jwo yi wuni na Jisòs mò Bâba bime a wun a yi təm na Yènfù tî lôhì wûn a yi kpû, ma wù bê bon.

2 Kòlitiyàns 5:14

Ghàh nè fêt yîn ma ghàh wi hi faŋ beka Klistù kòŋàlò ghàh nâ haŋaŋ. Ghàh khə na wù tî kpû kə ha ghɨt à jɨ̀m, yi chwûtè na ghɨt à jɨ̀m ti kpû bakha ha wûn.

1 Tèsàloniyàns 4:14

Ghàhnà bimelò na Jisòs tî kpû kahi lôtì a yi kpû, fê bime na Yènfù bè nêlò ma Jisòs lyi ghɨt ghe a ghɨ tì shihi kpû ma ghɨ ti bime ha wûn a mbyî, ma ghê ghɨna hi chîntè mô amok.

1 Tèsàloniyàns 5:10

Wù tî kpû kum ghàhnà shyəma ghàhnà nì wûn bê hi mô amok a wu yu afa wù kaha bena, makə ghàhnà mò wu tâ, makə ghɨ ti kpû.

2 Timotì 4:1

Klistù Jisòs bê bênà te fə̀n ma wù sak ghɨt à jɨ̀m, ghe a ghɨ baha chyə nì ghe a ghɨ tì kpute. Kum ni, mu wu hì jîsà ha wò nâ nì jyaka, a Yènfù ashyə̂ nì Klistù Jisòs na,

Hibùlùs 12:2

Ghàhnà hi ke yênà kə ha Jisòs. A mô wun we a wù yìme lumu bimenu ha ghàhnà, a fê mô kə wun a wù tihe bimî tɨni hi yê tàn a gòkhi. Wù tî bimi hi kpû a kàkfùtàfù tê lyè wumî ye a yi ndùku mô a yi nki yi kpû mi yîn ha yi gha yile, beka wù ndùku khəlò na à nè hi mô a yi bàm atɨ̂n, ma wù hi saŋlê. Wù mò chin, mô wu kpen wu wo ta, a ngwùŋ wu kpòk wu tu fə̀nù afa a Yènfù mò atɨ̂n.

1 Bità 1:21

A mô beka Klistù mu wûn a ghàn bime ha Yènfù a fu tì lòhe wûn a yi kpû, lem wûn a wu lùk wu ngaŋtenu, gha tɨni nî, ghàn ghɨ hì kəta bimînì fê ke yênà kə ha Yènfù.

1 Bità 4:5

Biyani, tuku kwoka bênàlò shyəma Yènfù sak kə ghɨt à jɨ̀m, saka ghɨt a ta saka ghɨt a kputena. Ghɨna bè taŋlelò jwo yi ghɨna ha wûn.

Gokhini 1:18

fê mô kəbi wûn we a wù chyə. Wù jis na yi tî kpû kahi hì chyə̂, mô hi tè mò kə yi mô a mu yu mù jɨ̀m. Wù fî jis na yi kəta a chwok a yi a wô, kəta jyak a kpo, fê kəta jyaka hi chwoka yi lak yi ghɨt a kpona.

Gokhini 2:8

Wù jis kəbi ha mu na, “Nyàk ha anjèl à Fùyèn ye a yì mò a chìntê ghɨt a bimena a Sɨminà na: Tum yina lo ha mu we a mu mò Yìmi fê mô kəbi Gòkhi, a mô mu we a mu tì kpo, kaha hì chyə̂.