Bìoball air-loidhne

Lumàns 12:8 - Ŋwàklù Fùyèn Kàn Mù Fê (Cameron)

⁸ Wùt hì khə hi tobhi ghɨta, wu hi tobhe kə yi tobhî; wùt hi khə hi fo a mwə̀lû hi gàmtè à ghɨ̂t, wu hi fo ghə̂kà wi. We a wù tihe ghɨta kəta hi tè fèt kə nì təm a wuna à jɨ̀m, we a wù tòknè nì ghɨta wu fêtà kə nì saŋlînì.

Faic an caibideil Dèan lethbhreac

dol air ais ⬆

Lumàns 12:8
57 Iomraidhean Croise

2 Kòlitiyàns 9:7

Nâbi nde shihi fô, wu fo kə shyə ghe a wù lèma a wun yi kwàktì na yi nè folò. Kə wùt nè fo ni te ghɨ chintelò wûn. Kə wùt nè shihi fô wu hi kwohe kɨ̀n beka Yènfù kòŋàlò wùt we a wù fo nì saŋlînì.

Faic an caibideil

1 Timotì 5:17

Ghɨ kəta hi tè ngumlî, fê lâkà kunte chəh se a su fate nê fêt yi ghɨna, fê fate lâkà yomte ghe a ghɨ fôktè tum yì jùŋ nâ hanɨ̂ŋ, yike à ghɨ̂t,

Faic an caibideil

1 Kòlitiyàns 12:28

A mô a ndâ Fùyèn ma Yènfù ti jyâhì ghɨta lem tu fêt a tu nkì a tu a nkì. Fu ti lem ghɨta ashyə̂, a mô ghɨt a tuma, a kûmtè, a sù fòktì. Yi bàm atɨ̂n lem chichàsu, fî lem kəbi ghɨt ghe a ghɨ nê gha a kanana, fî lem ghɨ le na ghɨ hi chwuka ghɨta, nì ghe a ghɨ gâmtè ale. Fu ti lem ghɨta na ghɨ hi tihe ghɨta, lem ghɨ le na ghɨ hi khə jîs tu letu, teka wùt yiki ghɨna.

Faic an caibideil

Hibùlùs 13:17

Ghàn hi ywo ghɨt ghe a ghɨ tihe ghàn, kə ghàn hi ta nì tu ha ghɨna. Ghɨna kine yi kina ghàn, mô hi bè tòkà fòktì ha Yènfù kum fêt mi yîn. Ghàn shìki ywo ha ghɨna, ma ghɨna hi nê fêt yi tɨni nì saŋlînì, ghàn shìki ta nì tu, ma ghɨna nê hi saŋle wi biyani ma yi nê tè gàmtè jə̀ ghàn.

Faic an caibideil

Fêt 15:32

Judàs ghê Silàs te ghɨna ndùku boŋa mô kəbi sù fòktì lyi yu dâ fôktì kwok nì tum à Fùyèn hi nì na ghɨt ghɨ̂n hi kəta təm a ta nì bimi ta.

Faic an caibideil

Fêt 13:15

Ghɨ taŋ a gha a Musìs a ŋwàklù yi sak nì ŋwàklù su fòktìsù chiksu, ghɨt ghe a ghɨ tihe gha a ndâ chìnti kaha jis ha ghɨna na, “Wana nê, ghàn hì kəta gha hi jìs hi gàmtè ghɨt ghɨ̂n, ghàn jis lò.”

Faic an caibideil

Hibùlùs 13:24

Ghàn toŋti ghɨt ghana ghɨ tihena nì ghɨt a Fùyènà nâ à jɨ̀m. Ghɨt a bimena ghe a ghɨ chyə yi lak yi Italì chinhe toŋtînì ha ghàn.

Faic an caibideil

Hibùlùs 13:22

Mu chyate na ghàn fate khɨti gha ghɨ̂n a mu jìsà ni a wana noma. Mu tà nyak jə gha hi dù.

Faic an caibideil

Hibùlùs 13:7

Ghàn hi kwâktè ghɨt ghana ghɨ tihena ghe a ghɨ ndùku fôktè gha Fùyènì ha ghàn ha ashyə̂. Ghàn hi kwâktè chyəna ghe a ghɨna ndùku chyə nì lum we ghɨna tì kpo atɨ̂n. Ghàn sina chyəna ghɨna nì bimî yì ghɨna.

Faic an caibideil

Hibùlùs 10:25

Kə ghàhnà nè lye yi gha afa a wana ne ghɨ le nè ghɨna yità chîntì ye a ghàhnà kəta hi tè bè chìntè amok. Ghàhnà hi bɨlà tôktè ngɨŋsu ghàhnàsu beka ghàhnà yena lò kəbi ni na tuk we a Bâba nè kaha bênà hì bakhe bênàlò.

Faic an caibideil

2 Kòlitiyàns 8:12

njwo ghàn shihi fo a shyə ghàn hi saŋle hi fô ghe a ghàn kəta, ma Yènfù fyi fo tɨni, ma ghàn shìki kəta wi shyə ale, ma Yènfù hi ke wi na ghàn fo shyə ale.

Faic an caibideil

1 Kòlitiyàns 14:3

Biyani ha wùt we a wù fòktè gha ma ghɨ lo ha Yènfù, jìsà ha ghɨta gâmtè na ghɨna ghəkna, ma hi kəta təm a ta, fê kəta yi saŋlî.

Faic an caibideil

Fêt 20:28

Ghàn hi tôknè nì ngɨŋ sanisu nì ghɨt ghe Yohnà Yulena fo ha ghàn na ghàn hi tihe ghɨna. Ghàn hi tôknè nì nôn à ghɨt a bimena Fùyènà ghe Wâ wûn che kpo kum ghɨna hi nì na ghɨna hi mô ghɨt a wuna.

Faic an caibideil

Fêt 20:2

Wù tî gbê tohna tu lùk afû yike yênà ghɨta nì gha ghɨ dô kə ni hi nì na təm a ghɨna hi tâ, wù yen tan a Gɨlìs,

Faic an caibideil

1 Timotì 4:13

Wo mômhè, taŋa ŋwàklù Fùyèn ha ghɨta, fôktè tum yì jùŋ, fê yike à ghɨ̂t hi tàn shyəma mu bê ben.

Faic an caibideil

1 Tèsàloniyàns 2:8

Ghàh tì fòkti tum yì jùŋ ha ghàn ma à fo Fùyèn, kum yi kôŋ yi nè wani mi yina a ghàh ndùku kəta ha ghàn, fî mômhì nâ tu lum tù jɨ̀m hi gàmtè ghàn beka ghàh ndùku kôŋà nâ jûŋ.

Faic an caibideil

1 Tèsàloniyàns 2:3

Bên yahi mi yîn tà ləhà jə halô beka ghàh tà tì jah jə hi chyate na ghàn fyi tum yì jùŋ mi yìna. Ghàh tì chyati ghàn nì kwâktì yi jûŋì, mômhè wi hi lehe wût.

Faic an caibideil

Kòlosiyàns 3:22

Ghàn kwôsù, ghàn hi ywo ha bì ghana ghɨ fètà ghe a ghɨ mô a mbyî kə a gha à jɨ̀m. Kə ghàn hi nê kə a gha a wu yu afa ghàn khɨŋa na ghɨna yen ma ghɨ hi kôŋà ghàn. Ghàn hi fêtà nì təm ghana kə à jɨ̀m te ghɨt ghe a ghɨ fânà Bâba.

Faic an caibideil

Efisiyàns 6:5

Ghɨt a fetana, ghàn hi ywo ha be fèt ghana, fate ngumle ghɨna kə nì təm ghana à jɨ̀m. Ghàn hi fêtà kə te ghàn fètà ha Klistù.

Faic an caibideil

2 Kòlitiyàns 11:3

Mu jìsà ni fânà na ghɨta làhi bèn hi lehe ghàn ma ghàn hi fê ywo wi ha Klistù kə nì təm à jɨ̀m kəbi yi ghəl te Satàn tì bèna nì mùnàŋ mù wûn lehi Îf.

Faic an caibideil

2 Kòlitiyàns 9:13

Fêt mi yin a ghàn nè ni chwùtè təm a jûŋà ghe a ghàn kəta ha ghɨta fê chwûtè mihè na ghàn ywolò tum yì jùŋ yì Klistù ye a ghàh gbè nì yinì. Gha tɨni nê, na ghɨta hi kokhe Yènfù, dô kə ni.

Faic an caibideil

2 Kòlitiyàns 9:11

Yènfù nè bônhèlò ghàn ma wù fo nki tu mwə̀ tu ha ghàn kə tù jɨ̀m, ma ghàn hi gâmtè ghɨta atɨ̂n. Ghàn nè fo ha ghàh ma ghàh shihi fo ha ghɨta, ma ghɨna hi fo yòŋnà ha Yènfù,

Faic an caibideil

2 Kòlitiyàns 1:12

Ghàh jala nâ haŋaŋ beka təm ghaha fòktè ha ghàh na nâbi ghə te ghàh nè a mbyî mò ma ghɨ nê kə nì təm a jûŋà ghe a Yènfù fo, a bu kum gha yile. Yìna chwûtè a ndan wu lum afa a ghàhnà chyə atɨ̂n. Ghàh jala, biyani nê nâbi ghə, nê kə kum təm a jûŋà Fùyènà, a bu kum tof wu mbyi.

Faic an caibideil

Lumàns 13:6

A ni gha ye a ghàn kəta kəbi hi tè màkà ŋwàklànà beka ghɨt a sakana mò ma ghɨna ti fo ngɨŋsu ghɨna su hi tè nè fêt yina fêtà kə nâ ha Yènfù.

Faic an caibideil

Lumàns 12:13

Ghàn hi jyâtè mwə̀ mânù, fo ghɨt a bimena ghe a ghɨ kəta wi. Ghàn yiki hi tè fye ghɨt a benana a ghàn a sù ndâ.

Faic an caibideil

Matiyò 25:40

Ma fə̀n ki jîs na, ‘Mu jìsà ha ghàn hamok na, nâbi ghə a ghàn tì ne ha wù mòk we wù tobte gokhe a mu fùfɨ̂n à mwəlà afân ghàn tì ni ha mu.’

Faic an caibideil

Fêt 13:12

Wùt wù sakana mu we yu yi yikî kum Bâba fî yen gha ghe ghɨ gânà hì mô nì kani, bimi ha Jisòs.

Faic an caibideil

Fêt 4:36

Wùt yi lak yi Sibulùs wùlè boŋ fwu bên nì ka te wù bəkle fûk à wuna fo ka tɨnu ha ghɨt a Jisòs ghɨ tuma na ghɨna jyati ha ghɨt a bimena. Yet yi wùt àtɨ̂n ndùku mô Josèf, ghɨ toŋte kəbi wûn na Bànabâs ma ghɨ ya jìsà na “Lùmhè a təm.” Wù ndùku mô yâ a mô wùt yi sah yi nda Lefì.

Faic an caibideil

Fêt 11:23

Wù yen afû, yen te Yènfù chwùtè təm a jûŋà ha ghɨna, wù hì saŋlê nâ haŋaŋ, chyati ghɨna na kə ghɨna bè de hi jùmtè Yènfù nì təm a ghɨna à jɨ̀m.

Faic an caibideil

1 Timotì 6:18

Jìs na ghɨna hi nê gha a jûŋà, fê mô à ghɨ̂t kpenê, tohne a gha afa a ghɨna nè, mômhè fo fihe, fê jyâtè mwə̀ me a ghɨna kəta ghê ghɨt ale.

Faic an caibideil

Lean sinn:

Ceanglaichean taic

Sanasan

Sanasan