Bìoball air-loidhne

Lumàns 12:3 - Ŋwàklù Fùyèn Kàn Mù Fê (Cameron)

³ Yènfù ti khɨti təm a jûŋà ha mu fo fêt yi wuni na mu hi nê, mu wu hì jîsà ha ghàn nâ à jɨ̀m na, kə ghàn hi lyê ngɨŋ sanisu a shyə̀, kpene wi. Ghàn chwohi kwâktì tanitu ma ghàn lyi ngɨŋ sanisu kə nâ te ghàn mò. Ghàn hi ke ngɨŋ sanisu tohne yi bimî afa a fu fo ha ghàn.

Faic an caibideil Dèan lethbhreac

dol air ais ⬆

Lumàns 12:3
47 Iomraidhean Croise

Lûk 18:11

Wùt à Falàsî we yen timi hanɨ̂ŋ hì jə̂mà, jyana, ‘Mu fo àyòŋnà ha Yènfù beka mu wijə ni te ghɨt ale ghe ghɨna nyâŋhè fye mwə̀ mù ghɨt halô, bu te ghê ghɨna khɨma saki, jûmtè wijə ywen a ghɨ̂tà. Mu wijə ni te wùt wunâ wù kàtà ŋwàklànà ni.

Faic an caibideil

Ŋwàklù à Jon 3:34

Wùt mu wuna Yènfù tuma ni fòktè kə gha Fùyènì beka fu ti fo Yohnà wuna ha wûn fo mihì kə yi mihì.

Faic an caibideil

Lumàns 1:5

Yènfù khɨti təm a jûŋà ha mu lem mu ha wut à tum na mu hi gbê fôktè tum yì jùŋ kokhe Klistù shyəma ghɨta yu ma ghɨ bimi kə tu lak tù jɨ̀m, fu ni ni tohne a Jisòs Klistù.

Faic an caibideil

Lumàns 11:20

Yi mô kə nâ hamok na ghɨ tì khɨmti mâkà ghɨna, a mô kum te ghɨna faŋa hi bimî, de ghàn, a mô beka ghàn bime biyani, ghàn kəta wi hi tè ghaŋhe wu wun. Ghàn hi tôknè,

Faic an caibideil

Lumàns 11:25

Gha yi leteni yile làwû a mu khɨŋa na ghàn hi khə a wana noma shyəma ghàn nê hi fè ghaŋhe wi wunu. Gha tɨni mô na ghɨt a Isalì ale mò chin, ta nì tû biyani mò hi bê kwunâ hi bimî wu yu afa tum we a Yènfù chwokte ti bimi mihì.

Faic an caibideil

Lumàns 12:16

Ghàn hi chyə kə ha shyə̀ à mòk. Kə ghàn hi ghaŋhe wunu. Ghàn hi bɨlà chîntè ghàn à ghɨt a bota. Kə ghàn hi lyê na ghàn khəlò gha à jɨ̀m.

Faic an caibideil

1 Kòlitiyàns 15:10

Biyani kum təm a jûŋà a Fùyènà, mu wu hì mô shyə ghe a mu mò ghɨna chîn. Təm a jûŋà mɨ ghɨ̂n tà ləhà jə halô. Mu ti bɨlì fêt nâ haŋaŋ, fêtà chyâ nâbi nde atɨ̂n à ghɨt a tuma nâbi te à chehì laha bu fêt yi mi, à chehì fêtà təm a jûŋà a Fùyènà mu ghe a mu wùn.

Faic an caibideil

1 Kòlitiyàns 3:10

Mu ti lyi fo ye a Yènfù fo ha mu lem a chyə a nda te wut we wù fate khə ba, ghɨt ale hi ba a tô àtɨ̂n. Nâbi nde hi tôknè wu lum afa wù ba atɨ̂n.

Faic an caibideil

1 Kòlitiyàns 7:17

Yi ni mò na nâbi nde kəta kə hi tè chyə kə a wu lum afa a Bâba lèma na wù hi chyə̂, fê chyə kə te wù ndùku chyə wu tuk afa Yènfù toŋa wûn. À mò gha ye a mu yike ha ndasu Fùyènsu sù jɨ̀m.

Faic an caibideil

2 Kòlitiyàns 10:13

Ghàh wi hi tè jâl kum gha ghàh bu hi nì. Ghàh ni jala kə yi gha afa a Yènfù fo ha ghàh na ghɨ hi nê, fêt ye a ghàh nè a ghàn a fùtɨ̂n yi bakhe kəbi atɨ̂n.

Faic an caibideil

2 Kòlitiyàns 12:13

À mò yìni gha yi jûŋì a mu che ne ha nôn a ghɨt a bimena ale faŋ hi nì ha ghàn agha? Gha ye a mu che faŋa hi nì ha ghàn chehì mô kə na mu tà tì fo jə ngək ha ghàn. A hì mô yi gha yi be te mu che ne, ghàn lehìfo mu!

Faic an caibideil

2 Kòlitiyàns 12:7

Yènfù tà che koŋ jə na mu hi jala chyâhè kum gha a kanana ghe a fu chwute ha mu, ghɨ dô kə ni. A ni gha ye a fu tì de yafi yi ben lye a mu wu wùn hì fo ngək ha mu nâ haŋaŋ. Yaf yi tɨni tì fwo kə nâ ha wùt wù tum te Satàn tuma na wù bê hi fo ngə̂k ha mu, kə mu hi ghaŋhe chyâhè wunu.

Faic an caibideil

Gàlesiyà 6:3

À shìki kwâktè nâbi nde na yi mò a shyə, biyani bu, ma wù hi lehe kə ngɨŋ à wûn.

Faic an caibideil

Efisiyàns 3:2

Mu khə na ghàn ti yû te Yènfù chwùtè təm a jûŋà ha mu fo fêt mi yîn na mu hi nê ha ghàn.

Faic an caibideil

Efisiyàns 3:4

Ghàn taŋ gha mɨ ghɨ̂n nâbi wùni yu, ghàn yen khɨli na mu khə a gha a letana mɨ ghe a Yènfù bakte kum Klistù.

Faic an caibideil

Efisiyàns 4:16

Wu nê bâh wù wùnu wù jɨ̀m mô kə ha shyə̀ à mòk, nâbi yìni yùŋ à wù wùn gâmtè hi khɨte kə wun wù jɨ̀m. Nâbi ghɨ̀ni bâhà shìki fêt te ghɨ kəta hi tè fèt, ma wun wù jɨ̀m nê fate ləmà ta beka bâh wù tɨnu kòŋà ngɨŋsu.

Faic an caibideil

Fìlibiyàns 2:13

beka à mò kə nâ wûn we wù fêtà a ghàn a fùtɨ̂n, fo a jyak na ghàn hi kôŋà hi tè nè gha ye a wù khɨŋa na ghàn hi nê.

Faic an caibideil

Kòlosiyàns 1:29

A mô kum gha mɨ ghɨ̂n a mu ghàŋnè, fêtà nì jyak ghe a wù fo ha mu nâ à jɨ̀m.

Faic an caibideil

Kòlosiyàns 2:13

À ndùku mô ashyə̂, ghàn mô ma ghàn ti kputî a ghàn a sùbe, fê mô teka ma ghɨ fihi təm a be afa a ghàn ndùku kəta. Yènfù nî ghàn à Klistù kahi lôtì hì chyə̂. Fu ti lehìfo gha ghàhnà ghɨ be kə à jɨ̀m,

Faic an caibideil

1 Timotì 1:14

Bâba ghàhnà chwûtì təm a wuna ghɨ jûŋà ha mu nâ haŋaŋ, ni na mu bimi ha wûn hi tè fê kôŋà ghɨt à jɨ̀m. A ni gha ghe a ghɨ kəta hi tè gàn a wu yu afa ghàhnà nì Klistù Jisòs mò amok.

Faic an caibideil

1 Timotì 2:15

Biyani Yènfù bônhì nâbi wùni wùt wù ywên te wù bwɨ mwəlà, a wu yu afa wù kwuta təmi faŋ hì ta a wun a yi bimî, fê kôŋà ghɨt ale, fê chyə̂ chyənà ye a yì kəta wi njahi. Wù kəta hi tè nè gha mɨ ghɨ̂n nì tofu.

Faic an caibideil

1 Timotì 2:9

Mu khɨŋa kəbi na ywena hi fate lafâ, a bu yi laf ye a yi mô hi fo ngək a ghɨta. Kə ghɨna hi fate chyâhè tu, tuŋa chyâhè chyaksu makə fwatu njentetu. Kə ghɨna hi labhe ngɨŋsu ghɨna su nì nju se su ta chyâhè wu kâ.

Faic an caibideil

Taytùs 2:12

A mô təm a Fùyènà ghɨ jûŋà mɨ ghɨ̂n a ghɨ yike na ghàhnà hi khɨte ngɨŋsu ghàhnàsu fê chyə̂ chyənà su chilichili wu lum afa Yènfù khɨŋa chîn a mbyî. Yi nê na ghàhnà hi nyɨŋa wi yi bàm yi mwə̀ mù mbyî, nê na kə ghàhnà hi chyə̂ chyənà ye a Yènfù kòŋà wi.

Faic an caibideil

Taytùs 2:2

Yiki lɨmànà ghɨ ləmanà na, ghɨna hi mô kə a ghɨna yi tof, kpenê shyəma ghɨ hi ngumle ghɨna, khə hi khɨte ngɨŋsu ghɨna su. Ghɨna kəta hi khɨte yi bimî yi ghɨna na yi hi ta, hi tè fate kôŋà ghɨta, fê wunhê.

Faic an caibideil

Taytùs 2:4

shyəma ywen ghe a ghɨ Kwukte mala ma ghɨna yiki ha ghɨna hi tè kòŋà lɨm a ghɨna fê kôŋà mwəlà.

Faic an caibideil

Taytùs 2:6

Jìs kəbi ha mwəlà mù tu kpuŋ nâ nì jyaka na ghɨna hi fate khɨte ngɨŋsu ghɨnasu.

Faic an caibideil

Jêms 4:6

Mwə̀ mù mbyî foma nâbi ha ghàhnà ni, Yènfù kəta kə təm a jûŋà ha ghàhnà. À ni gha ye ŋwàklù Fùyèn jìsà na, “Yènfù bànà ghɨt ghe ghɨ ghaŋhe wunu, biyani tôknà ha ghê ghɨ ngumle ngɨŋsu ghɨna su.”

Faic an caibideil

1 Bità 1:13

Ghàn fati lê ngɨŋ sanisu ma hi gbùtè hi nè yi fêt ye Yènfù khɨŋa. Ghàn hi fate khɨte ngɨŋ sanisu, lêmà kə kwâktì yani a yi yùtì afan a Yènfù mò hi bè fo ha ghàn wu tuk afa Jisòs Klistù kaha bena.

Faic an caibideil

1 Bità 4:11

Wùt hì fôktè gha yi Fùyènì, wu hi fôktè kə nâ gha ye a yi lo bena ha Yènfù. Wùt hì mô wut wù fètana, wu hi fêtà kə nì jyak ghe a Yènfù fo ha wûn. Ghàn hi nê kə ni shyəma ghɨta hi kokhe Yènfù tohne a Jisòs Klistù we a wù kəta kokhînì nì jyaka a yu mù jɨ̀m. Àmèn.

Faic an caibideil

1 Bità 4:7

Ghàn hi fate khɨte ngɨŋ sanisu, fê gbùtè hi tè jə̀m beka gokhi mbyî ti bakhâ.

Faic an caibideil

1 Bità 5:5

Ngwàk, ghàn hi boŋa ywo chəhsu ndâ Fùyènsu. Nâ ghàn à jɨ̀m mak ngumlînì a ghàn a wu wùn ha sù nju ma hi ngumle ngɨŋ sanisu. Ghàn khə na Yènfù bànàlò ghɨt ghe a ghɨ ghaŋhe wunu, biyani tôknè nì ghe a ghɨ ngumle ngɨŋsu ghɨna su.

Faic an caibideil

1 Bità 5:8

Ghàn hi mô yute fê khɨte ngɨŋ sanisu beka bànà yanì, ma a ni deblì ni dùmà chyàktè kata kə te bìkəm bufa, khɨŋa wut hi mɨ̀.

Faic an caibideil

3 Jon 1:9

Mu ti nyak ŋwàklù ha chìntê ghɨt a bimena, biyani Dàyotifìs we a wù kòŋà kə hi tê mò a tû, tunhi hi yute gha ye a mu jìsa atɨ̂n.

Faic an caibideil

Lean sinn:

Ceanglaichean taic

Sanasan

Sanasan