Lumàns 12:2 - Ŋwàklù Fùyèn Kàn Mù Fê (Cameron)

² Kə ghàn hi chyə te ghɨt a mbye afân. Ghàn bɨlà de ma Yènfù fo kwâktì yi fe ha ghàn ma fu kwuna təm ghana shyəma ghàn yen à khɨli gha ye Yènfù khɨŋa, a mô kə yi gha jwôfà mô chilichili Yènfù kôŋà.

Lumàns 12:2 Iomraidhean Croise

Matiyò 13:22

Ngwìk yìlè ye yì chəmle atɨ̂n à tù tùŋ yâ mô te wùt we wù ywo gha Fùyènì, fumhènà mbye nì kôŋ ye wù kòŋà ghaki lehi wûn gha ghɨ̂n tè mo jə̀ tamu a wun a chyənà.

Mâk 4:19

biyani fuma mbye nì kôŋ ye ghɨna kòŋà ghaki nì mwə̀ mù mbyî yi bên tàhì gha Fùyènì yi tê mo jə̀ tamu a ghɨna chyənà.

Ŋwàklù à Jon 14:30

Mu tê fê jîsà wi ha ghàn chin hadà beka fə̀n à mbyî wuna hì bènàlò. Wù kəta wi jyak ale a mu a tû,

Ŋwàklù à Jon 15:19

Ghàn yê hì mô ghɨt a mbye ma ghɨna kòŋàlò ghàn. Chin hì mô mu ti chwokti fihi ghàn a mbyî, ghàn fê bu ghɨt a mbye. À mò yi gha ye ghɨt a mbye bànà ghàn.

Ŋwàklù à Jon 17:14

Mu ti fôktì tum yâ ha ghɨna, ghɨta mbye ghɨ hì bânà ghɨna beka ghɨna wijə te ghɨt a mbye, kəbi yi ghəl te mu wijə wut à mbyî.

Ŋwàklù à Jon 7:7

Ghɨt a mbye bànà wi ghàn, biyani bânà mu beka mu chwùtè banhe gha ghɨna ghɨ be.

Lumàns 12:1

Wana noma, mu chyate ghàn, kum kwohi seni ye a Yènfù chwùte ha ghàn na ghàn fo ngɨŋ sanisu ha Yènfù ma ghɨ hi mô yi fo ye yi chyə, yulê, nê na fu hi saŋlê. A ni kàntè yi kokhi ye a ghàn kəta hi tè kokhe Fùyèn.

Lumàns 13:14

Ghàn bɨlà khɨtè kə chyənà yì fê ye a Bâba Jisòs Klistù tì fo ha ghàn ha mwə̀ mù yì wòŋ. Kə ghàhnà nè fo lumu na njyàsu wùnsu ghàhnàsu hi tihe ghàhnà, kwoti nâbi ghə te su kôŋà, yə̂.

Lumàns 7:12

Yi ni chwùtè na Sak yulelò, nâbi ghə te yi jîsà boŋa yulê, mô chilichili fê jwôfà.

Lumàns 7:14

Ghàhnà khə na Saki mò ma à fo Fùyèn, biyani mu mô kə wut te ghɨ bəkli ha kwòs ha be.

Lumàns 7:22

A mu atɨ̂n à təm mu kôŋà hi tè lèmà sak yi Fùyènì,

1 Kòlitiyàns 3:19

Wù kəta hi nì ni beka tof ye a ghɨt a mbye ghɨ̂n kəta mò kə nâ a ngwò ha Yènfù. Ghɨ ti nyak a ŋwàklù Fùyèn na, “Yènfù tama kwo ghɨt a tofana kə ghɨna yi tof.”

2 Kòlitiyàns 4:4

Ghɨt mɨ ghɨ̂n ywo khɨle wi gha beka Satàn we wù saka mbyi yìna ti baŋ kwâktì yi ghɨna na kə ghɨna bimi. Wu nê ni na kə ghɨna yen ban ye a tum yì jùŋ à Klistù bènà nì yini. Ghɨna wi hi yena ban mi yîn a tum yì jùŋ bènà nì yini, yi chwûtè jyak a Klistù, Klistù mu wuna mô kə shyə à mòk ghê Yènfù.

2 Kòlitiyàns 5:17

Wùt shìki mô ghê Klistù, wu hi mô wut wù fê, ma chyənà wun yi mwu ti chyâ, yì fe bên.

Gàlesiyà 1:4

Klistù tì fo ngɨŋ à wûn ha kpu kum besu ghàhnàsu bônhì ghàhnà a mbyî yì be afân, a mô kə yi gha ye a Yènfù, Bì ha ghàhnà ndùku khɨŋa.

Efisiyàns 1:18

Mu jə̂mà kəbi na Yènfù ni kwâktì yani yema, ma ghàn hi khə na ghàn bè khɨtelò mwə̀ mù jùŋ me a fu bakte ha ghàn nì ghak yi yulani ye a fu lema ha ghɨt a Fùyènà,

Efisiyàns 2:2

Ghàn ndùku chyə kə a sùbe afân te ghàn ndùku baha jûmtè gha a mbyî, ywo ha fə̀n we a wù saka yohnù wu be ghe a ghɨ fela chyâ a nyə̂, a mô yohnà ghe a ghɨ tihe ghɨt ghe a ghɨ ywo wi ha Yènfù.

Efisiyàns 5:17

Ghàn momhi lê hi te khə gha ye a Bâba khɨŋa na ghàn hi nê. Kə ghàn hi chyə te wù ngwò.

Kòlosiyàns 1:9

Gha mi yîn che nî na ghàh hi jə̂mà kə yi jə̂m ha ghàn kə wu tuk te ghàh ywo, lona na Yènfù fê fo tofu ma fu ni na ghàn hi ywo khɨle gha à jɨ̀m ghe a Yohnà Yulena nè na ghɨta khɨle shyəma ghàn khɨlè mihi gha ye a fu khɨŋa.

Kòlosiyàns 3:10

ghàn bɨlà khɨti chyənà yì fê. Yì ghɨt a Fùyènà mɨ ghɨ̂n ghe Yènfù bwəma hi nì na ghàn hi fune wûn a gha afa a ghàn nè shyəma ghàn hi tôkà khə wun nâ a jûŋ.

Kòlosiyàns 4:12

Èbafàlàs we a wù mò kəbi wut a ghàn a nòn, a fê mô wùt wù fètana ha Klistù Jisòs ti jis kəbi na mu toŋti ha ghàn. Wù shihi jə̀m nâbi yini, wu hi kwâktè ghàn a wun a yi jə̀m nâ a jûŋ, chyate na Yènfù ni ma ghàn faŋà kə ghàn atɨ̂n à yi bimî, ma ghàn ghəkna atɨ̂n, ghàn hi fate khə, fê nê a gha à jɨ̀m ghe a fu khɨŋa.

1 Tèsàloniyàns 4:3

Yènfù khɨŋa na ghàn hi chyə chyənà ye a fu khɨŋa, ma fu ni khɨŋa na, kə wùt ha ghàn nê chyə nì ywê wùt makə ghê lɨm à wùt nâ hakoh,

Taytùs 3:5

bônhì ghàhnà, a bu kum gha yi jûŋì yile te ghàhnà ne. Fu bonhi ghàhnà kum kwohi seni wuni tohne a Yohnà Yulena. Fu ti su təm a ghàhnà, fo chyənà yì fê ha ghàhnà.

Jêms 1:27

Bimî ye Bè ghàhnà Yènfù lyê na yi jwôfàlò kpenê, mò wu yu afa wùt wù bimena tòknè ha wana nkwô, nì ywena nkwô fê fihe ngɨŋ à wûn na kə gha mbye nê yok wûn nì fiŋtu.

Jêms 4:4

Ghɨt ghɨ̂n ghɨ kokhe mwə̀ mbyî ni! Ba yi ni mò na ghàn khə wi na ghàn hì kôŋà mwə̀ mù mbyî, ma à nê hi mô na ghàn bànàlò Yènfù. Ni, à kòŋà nâbi nde mwə̀ mù mbyî ma wù hi bânà Yènfù.

1 Bità 1:14

Ghàn hi ywo ha Yènfù te mwəlà mù wûn. Kə ghàn hi fê nê gha ghe a njyàsu wùnsu chehì khɨŋa na ghàn hi nê te ghàn baha mô khə wi Yènfù.

1 Bità 1:18

Ghàn khə na Yènfù ti yun fihi ghàn ha chyənà yì mwu afa a bì ghana ndùku chyə. Yènfù tà tì yun jə ghàn nì shyə ni te wu kâ wu mô hi bêf.

1 Bità 2:3

Ghàn kəta hi tè nì kə ni beka ghàn hì mô ma ghàn ti yen a ghàn a sù chyənà na Bâba tòknèlò.

1 Bità 4:2

Wù nè ni, ma wù bê tè fè chyə̂ te njyàsu wùnsu khɨŋa, ma wù hi chyə̂ kə te Yènfù khɨŋa.

2 Bità 1:4

A mô wu lum mu wuna a Yènfù tì lunhe chwuna te a fu tì chwùne na fu bè folò fo tu jûŋ tù kana tu, ma tu gamti ghàhnà na ghɨ tet à fwo a gha a be afa a njyàsu wùnsu bènà nì ghɨna a mbye afân, ghɨ bobhe à ghɨ̂t, ghàn hi chyə chyəna Fùyènà.

2 Bità 2:20

Ghɨta ki khɨle Bâba, Bònhì ghàhnà Jisòs Klistù tet fwo a gha a mbyî be fî kaha lye atɨ̂n, ghɨ hì fè tihe ghɨna, ma ghɨt atɨna hi befa chyâ te ghɨna ndùku mô ashyə̂.

1 Jon 3:13

Ghɨt a mbyî shìki bânà ghàn a wana noma, kə ghàn hi mô nì kani.

1 Jon 5:19

Ghàhnà khə na ghàhnà mò wana Fùyènà, mbyî yì jɨ̀m mô a deblì sah à yì sâk.

Gokhini 12:9

Ghɨ mak chwohi nyàm àtɨ̂n a chyə̂. A mô ni, a mô ywô ye a ghɨ toŋte na deblì yâ, a fê mô kəbi Satàn. A mô yì yîn ye yì ndùku lehe ghɨta a mbyî yì jɨ̀m. Ghɨ mak chwohi wûn a chyə̂ ghê anjèlsu wunsu kə sù jɨ̀m.

Gokhini 13:8

Nâ ghɨt à jɨ̀m ghe a ghɨ chyə a chyə̂ bê hì ngumle nyàm mi yê, a mô ghɨt ghe a ghɨ tà tì nyak jə yet a ghɨna shyəma mbyî yimi a ŋwàklù yì bòn yì Wâ Njyə̀ we a ghɨ tì ywe.