Lumàns 12:1 - Ŋwàklù Fùyèn Kàn Mù Fê (Cameron)

¹ Wana noma, mu chyate ghàn, kum kwohi seni ye a Yènfù chwùte ha ghàn na ghàn fo ngɨŋ sanisu ha Yènfù ma ghɨ hi mô yi fo ye yi chyə, yulê, nê na fu hi saŋlê. A ni kàntè yi kokhi ye a ghàn kəta hi tè kokhe Fùyèn.

Lumàns 12:1 Iomraidhean Croise

Lûk 7:47

Kum ni mu wu jîsà ha wò na, Koŋ yi chik ye wù chwùte ha mu chwùtè na Yènfù ti lehìfo gha wuna be nâ à jɨ̀m, biyani ghɨ lehèfo fùjiti boŋa chwûtè yi kôŋ fùjiti.”

Lumàns 12:2

Kə ghàn hi chyə te ghɨt a mbye afân. Ghàn bɨlà de ma Yènfù fo kwâktì yi fe ha ghàn ma fu kwuna təm ghana shyəma ghàn yen à khɨli gha ye Yènfù khɨŋa, a mô kə yi gha jwôfà mô chilichili Yènfù kôŋà.

Lumàns 15:16

Fu ni na mu hi mô wut wù fètana ha Klistù Jisòs, fêtà ha tumu. Mu fètà te ngàŋ à ndâ Fùyèn, fôktè tum yì jùŋ yì Yènfù shyəma tumu hi mô ni te yi fô ha Yènfù, Yohnà Yulena sô yuhe ghɨna, nê na Yènfù fyi fo tɨni nì saŋlînì.

Lumàns 15:30

Mu chyate ghàn a wana noma na ghàn hi jə̂mà ha mu nâ nì jyaka. Ghàn hi jə̂mà kə nâ njwo ghàhnà kəta kə yi bimî yì mòk ha Bâba ghàhnà Jisòs Klistù, Yohnà Yulena fê nê na ghàhnà hi kòŋà ngɨŋsu.

Lumàns 2:4

Yi ni mò na wò lyè wi tôknà yi kanani yi Fùyènì nì wunhî yi wuni, nì jùŋ ye a fu nê ha wò ha yi gha ma? Ba wò khəlò na Yènfù tòknà ni, khɨŋa na wò kahi təm ya a be?

Lumàns 6:13

Kə ghàn hi de bâh à wùna ghana nâ à mòk na ghɨ hi nê be. Kə ghàn de bâh ale na ghɨ hi mô a shyə a fètà ha gha a be. Ghàn bɨlà fo mihi ngɨŋ sanisu ha Yènfù te ghɨt ghe a ghɨ tì lòhe a yi kpû, ghɨ hì chyə̂. Ghàn fo mihi kə yi mihì wun wanu ha funfu, ghàn hi mô mwə̀ mù yì fèt mù chilichili.

Lumàns 6:16

Ba ghàn khə na ghàn ki fo ngɨŋ sanisu ha wu kwòs ha wùt, ma ghàn hi kəta hi tè yû wùt àtɨ̂n? Ghàn ki fo ngɨŋ sanisu ha wu kwòs ha be, ma ghàn hi ywo ha be, gokhini tɨni mô a yi kpû. Ma ghàn ki fo ngɨŋ sanisu hi tè yu ha Yènfù ma ghɨ hi mô wu kwôs ha wûn, ma gokhini tɨna hi mô na fu lyi ghàn ha ghɨt a chilichili.

Lumàns 6:19

Mu jìsà fəknà nì gha ghɨ mô kə nâ a ghàn a fùtɨ̂n, njwo tof yani baha lantelò a gha yòhnà. À ndùku mô wu tuk wule, ma ghàn ti fo ngɨŋ sanisu a wu kwòs ha be, hì nê yênà kə nì gha liŋa fê tòkà nê yênà kə nì gha a be ale. Mu wu hì jîsà chin na ghàn fo ngɨŋ sanisu ha wu kwòs hi tè tòkà nê yênà nì gha a chilichili shyəma chyənà sanisu hi yule a Yènfù ashyə̂.

Lumàns 9:23

Yènfù hì khɨŋa kəbi hi chwùtè jyak a wuna a kanana ha ghɨt ghe a fu kwohe seni ha ghɨna, a mô ghàhnà ghe a fu ndùku mô ma fu ti fati lem hi fo jyak mɨ ghɨ̂n ha ghàhnà.

1 Kòlitiyàns 1:10

Mu chyate ghàn a wana noma a Bâba ghàhnà Jisòs Klistù yi yet na, ghàn hi mô kə jwo yì mòk a gha afa a ghɨ jîsà shyəma jyàhènà hi bu a ghàn a fùtɨ̂n. Ghàn kəta hi tè bɨlà mò kə à shyə̀ à mòk, kəta kə kwâktì yì mòk, fê ke gha kə wu lum wù mòk.

2 Kòlitiyàns 10:1

À chyate kə nâ mu Bôl ghàn chîn. Mu khəlò na ghɨt ale jìsà na mu shihi nyàk yi gha, bu a ghàn a fùtɨ̂n, mu hi jîsà kə nâ nì təm a ta, biyani ben tan a ghàn ashyə̂, mu hi bone jîsà kə yi jîs. Mu wu hì chyate ghàn kə nâ a Klistù yi yet te wù tòknè fê bonê.

2 Kòlitiyàns 4:1

Te Yènfù ti kwohi seni ha ghàh fo fêt yina na ghàh hi nê, yi ni chwùtè na ghàh wi hi bot hi tè nì.

2 Kòlitiyàns 4:16

A ni gha ye a ghàh bota wi hi tè nè fêt mi yîn. Nâbi te njyàsu wùnsu sahisu bota yênà, Yènfù nè folò jyaka a ghàh a təm kə yu mù jɨ̀m.

2 Kòlitiyàns 5:20

A ni lum we, ghàh lyè luk wu Klistù, Yènfù jîsà tohne a ghàh. Ghàh chyate ghàn a Klistù yi yet na ghàn bakti chyənà sanisu ghàn à Yènfù.

2 Kòlitiyàns 6:1

Ghàh fêtà ghàh à Yènfù amok hì chyate ghàn te Yènfù ti kwohi seni ha ghàn ni na kə ghàn nè nê kwohi sen mi yîn ləha halô.

Efisiyàns 4:1

Mu wu hì chyate ghàn kum fêt mi yin a Bâba ne ha ghàhnà na, ghàn hi chyə̂ chyənà, yi kpene wu lum afa Yènfù khɨŋa na ghàn hi chyə̂ atɨ̂n wu tuk afa fu tì toŋa fihi ghàn. Ghàn khə na mu mò ni, mô a wùt à ndâ chyâk kum fêt ye a mu nè ha Bâba.

Efisiyàns 5:10

Ghàn momhê yiki hi tè khə fê nê a gha ghe a Yènfù kòŋà.

Fìlibiyàns 1:20

Nâ gha yi chik ye a mu kwâktè mò kə na kə mu bè nê gha yi wumeni. Mu khɨŋa hi tè nè fêt yi Klistù nì təm a ta kə te mu chehì nê, khɨŋa na chyəna ma hi bênà kə nì kokhînì ha wûn, kə mu kpulô, makə mu faŋ hi tè chyə̂.

Fìlibiyàns 2:17

Ghàn ti fo bimî yani ha yi fô ha Yènfù. Ghɨ ki ywe nâbi yi ywî mu chîn, ma luŋ mâmù yen kə hi kpenhe yi fo yani mi yê. Yi shìki mô ni, ma mu hi kôŋà na ghàhnà hi chîntè saŋle kə yi saŋlî.

Fìlibiyàns 4:18

Mu jìsà ha ghàn chin na, mu hì kəta nâbi ghə te mu khɨŋa, kəta chyâ. Èbàfàlòditùs tì bên nâbi nì ghə ghe a ghàn tì fo na wù bê fo ha mu, mu fè gha wi shyə ale. Mwə̀ munâ mò yi fô ha Yènfù, lɨ̂mtè foma kə ni. Fu ti fyî hì saŋle kə ni.

1 Tèsàloniyàns 4:1

Wana ne, à ni faŋ ghɨn shyəma mu jis à mihi ha ghàn. Ghàh ti yiki ghàn, ghàn ghɨ hì khə lum we a ghàn kəta hi tè chyə atɨ̂n hi tè nì na Yènfù hi saŋlê, a mô a gha ma ghàn hì nêlò. Ghàh chyate ghàn chin nâ haŋaŋ, a Bâba Jisòs a jyak na ghàn fê nê chya nâ ni.

1 Tèsàloniyàns 4:10

Ghàn hì mô ma ghàn ti chwûtì kôŋ mi yina ha wana ne ghana à jɨ̀m a yi lak yi Màsìdoniyà, ghàh chyate ghàn a wana ne ghaha na, ghàn hi kôŋà chyâ nâ ni.

1 Tèsàloniyàns 5:12

Wana ne, ghàh chyate na, ghàn hi fate ngumle ghɨt ghe a ghɨ fêtà a ghàn a fùtɨ̂n ni te wu tû a nòn a ghɨt a bimena. Ghɨna tihe ghàn fê tôknà nì ghàn.

1 Timotì 2:3

Ghàn shìki jə̂m ha ghɨta ni, ma gha tɨni hi jwôfà fê nê na Yènfù, Bònhè ghàhnà hi saŋlê.

1 Timotì 5:4

Biyani, ywê nkwû shìki kəta mwəlà, makə wana wana, wu ni ghɨna yiki hi nè a gha ghe a ghɨt a bimena kəta hi tè nì yi sah yi nda ashyə̂. Yènfù kòŋàlò a wu yu afa ghɨna kahe lâkà be ghɨna makə ne ghɨna.

Filemùn 1:10

Mu chyate na wò gamti Ònesimùs te wù hì mô ha mu te wâ mù. Mu chehì mô a ndâ chyâk, wu bênà mu gâmtè wûn, hì mô te bì ha wun a yi bimî.

Filemùn 1:9

Mu bɨlà chyate wò beka mu khəlò na wò kòŋàlò ghɨt a Fùyènà. Mu jìsà na wò ni gha yîn chin ni, mô wut wù ləmâ fê mô a ndâ a chyâk beka mu fètà ha Klistù Jisòs.

Hibùlùs 13:22

Mu chyate na ghàn fate khɨti gha ghɨ̂n a mu jìsà ni a wana noma. Mu tà nyak jə gha hi dù.

1 Bità 2:20

Biyani, wùt shìki wunhî wu yu te ghɨ sama wûn ma wù ti bobhi gha, ma mbè àtɨ̂n hi mô nâ ghə? Wù shìki wunhî te wù yena ngə̂k ma wù bɨ̀li ni jùŋ, ma Yènfù bonhi wûn.

1 Bità 2:5

Ghàn hì boŋa mô kəbi te yi ti chyə̂. Yi ni chwùtè na ghɨ kəta hi lyè ghàn hi bâ ndâ Fùyèn atɨ̂n, na ghàn hi mô ngàŋsu ndâ Fùyènsu yulesu, fo tu fô tu yohnà tù ha Yènfù, tu kpenê, tohne a Jisòs Klistù.