Lumàns 11:7 - Ŋwàklù Fùyèn Kàn Mù Fê (Cameron)

⁷ Yi ni chwùtè na ghɨt a Isalì ghɨ dona ti gha shyə ghe a ghɨna à jɨ̀m ndùku khɨŋa nâ haŋaŋ hi khɨtî, à khɨti kə se ghɨ̂tà ni te Yènfù chwokte. Ghɨt a dona ti tahi təma hi yu ha Yènfù.

Lumàns 11:7 Iomraidhean Croise

Mâk 6:52

a mô kə beka ghɨna tà tì kwâktì jə gha kani ye yi tì gàna nì ban we ya, yi ye hì chwûtè na ghə agha, bukhi kə yi bukhî.

Lûk 13:24

“Ghàn momhi nì jyaka hi tohna yi jwô ndâ falani hi lye lùk wu fə̀n wù Fùyènù. Mu fòktè ha ghàn na ghɨt a dona bè khɨŋalò hi lye atɨ̂n, biyani ma yi tâ ghak ghɨna.”

Ŋwàklù à Jon 12:40

“Yènfù ti nî ghɨna ti fêf fî tahi a təm a ghɨna shyəma ghɨna nê hi ke kəbi yi kî yena wi, kwàktè kəbi gha khɨle wi, beka ghɨna shìki yên fè khɨle a ghâ ma ghɨna kahà ben ha Yènfù ma fu chwuk ghɨna.”

Lumàns 10:3

Ghɨna khə wi lum we a Yènfù lyè ghɨta ha ghɨt a chilichili atɨ̂n. A ni gha ye a ghɨna tunhe lum mu wûn bɨlà fate wu ghɨna.

Lumàns 11:25

Gha yi leteni yile làwû a mu khɨŋa na ghàn hi khə a wana noma shyəma ghàn nê hi fè ghaŋhe wi wunu. Gha tɨni mô na ghɨt a Isalì ale mò chin, ta nì tû biyani mò hi bê kwunâ hi bimî wu yu afa tum we a Yènfù chwokte ti bimi mihì.

Lumàns 11:5

Yi ni mò kəbi yi ghəl ha ghàhnà chîn. Yènfù ti chwûtì təm a wuna ghɨ jûŋà chwok fihi ghɨt ale nâbi te ghɨna tobte.

Lumàns 3:9

Ghɨ ni mò hi jìs à gòkhì na ghə, na ghàhnà ghɨt a Jûs chyàlò ghɨt ale ma? Yi wijə ni nâ hakoh. Yi mô kə te mu hì mô ma mu ti chwûtì banhi na ghɨt a Jûs nì tumu chìntè mô ghɨt a gha a be à jɨ̀m.

Lumàns 6:15

Ghàhnà mò hi jìs na ghə chin agha? A jis na ghàhnà faŋ ma ghɨ hi nê yênà kə nì be beka ghàhnà fè chyə̂ wi a yi sah à yi sak, chyə̂ kə kum təm a jûŋà a Fùyènà agha? Yi wi hi tè mò ni nâ hakoh!

Lumàns 9:18

Yi ni chwùtè na Yènfù kwohe lò seni nâbi ha nde te fu kôŋà hi kwohi seni ha wûn. Fu kôŋà hi nì na wùt hi chilê, fu ni kə yi nî nâbi ha nde.

Lumàns 9:23

Yènfù hì khɨŋa kəbi hi chwùtè jyak a wuna a kanana ha ghɨt ghe a fu kwohe seni ha ghɨna, a mô ghàhnà ghe a fu ndùku mô ma fu ti fati lem hi fo jyak mɨ ghɨ̂n ha ghàhnà.

1 Kòlitiyàns 10:19

A ghàn ywo khɨlelò nâbi gha ye a mu jìsà agha? Mu jìsà hi fwo na mwə̀ mù yə̂mù me a ghɨ fo ha mosòmù mò nâ shyə ale ma, nâ mosò mù tɨ̂n mò shyə ale agha?

2 Kòlitiyàns 3:14

Nâbi ha nkàn, ghɨna hì yena khɨle wi gha, à hì mô nâbi lân yi baha mò kə yâ. Ghɨna taŋa ŋwàklù mù kàn mù mwu, ywo khɨle wi. Yi mô ni beka shyə baha baŋalò tof wu ghɨna, a mô kə Klistù a wù mò hi chyàhè shyə atɨna.

2 Kòlitiyàns 4:4

Ghɨt mɨ ghɨ̂n ywo khɨle wi gha beka Satàn we wù saka mbyi yìna ti baŋ kwâktì yi ghɨna na kə ghɨna bimi. Wu nê ni na kə ghɨna yen ban ye a tum yì jùŋ à Klistù bènà nì yini. Ghɨna wi hi yena ban mi yîn a tum yì jùŋ bènà nì yini, yi chwûtè jyak a Klistù, Klistù mu wuna mô kə shyə à mòk ghê Yènfù.

Efisiyàns 1:4

Nâbi shyəma wù fati mbyî, ma wù ti chwokti ghàhnà tohne a Klistù, na ghàhnà bê hi mô ghɨt a yulena, kəta wi njahi a Yènfù ashyə̂.

Efisiyàns 4:18

Ghɨna ywo khɨle wi gha, khə wi gha yile kum chyəna Fùyènà beka ngwò a ghɨna, ma ghɨ ben beka a to tana ghe a ghɨna kəta.

Fìlibiyàns 1:18

Biyani ngə̂k wi! Ma wùt fòktè tum à Klistù kama nê nâbi yi nî, makə wù nè hamok, mu saŋlelò beka tum yì jùŋ yì Klistù ləma yênà kə ashyə̂.

Hibùlùs 12:17

Ba ghàn khəlò na à ndùku mô a yi bàm te wù fo ləmâ wunu mu we ha wâ nè wûn wù tetana, wu kahi hì khɨŋa nâ nì semù na bè wun bonhi wûn biyani wù tunhi beka lumu ndùku fê wijə na wù kaha kunhi gha ye a wù ndùku hì mô ma wù ti nî.

1 Bità 1:2

Yènfù, a Bì ndùku hì mô ma wù ti lem hi chwokte ghàn te ghɨt a wuna ghɨ yulena tohne yi fèt yi Yohnà Yulena. Fu ni ni shyəma ghàn hi ywo Jisòs Klistù, luŋ mù wûn sô ghàn. Yènfù chwuti təm a jûŋà ha ghàn nâ haŋaŋ ma wù fo yutìnì ha ghàn.