Bìoball air-loidhne

Lumàns 11:2 - Ŋwàklù Fùyèn Kàn Mù Fê (Cameron)

² Yènfù tà mâkà jə ghɨt a wuna ghe fu tì lèma na fu bè bônhèlò ghɨna shyəma fu fati mbyî. Ba ghàn khəlò gha ye a ŋwàklù Fùyèn jìsà kum Ìlajà te wu ndùku chyate Yènfù na fu chwuti gha ye ghɨt a Isalì ne bobhe. Wù ndùku chyate jîsà na,

Faic an caibideil Dèan lethbhreac

dol air ais ⬆

Lumàns 11:2
24 Iomraidhean Croise

Mâk 12:26

Kum lôtì kpu, ba yi mô na ghàn tà taŋ jə luk wu ŋwàklù we Musìs tì nyàka kum kâk fe wusu tì bame atɨ̂n yâ? Yènfù tî jis ha Musìs afû na, ‘Mu mò Yèn fu Ablàhâm fù, mô Yèn fu Isìk fù, mô Yènfù Jakòb fù,’

Faic an caibideil

Lûk 4:1

Jisòs kahi fwu lo a jwô à Jodàn, ma wù ti lûn nì Yohnà Yulena, ghɨ lyi wûn yen nì wûn a yi lak yi Sùsi.

Faic an caibideil

Ŋwàklù à Jon 4:11

Wùt ywen àtɨ̂n buf ha wun na, “Wò nè lyê afa mòlû mù tɨ̂n hi fo ha mu a bèbɨn, kəta wi shyə hi tû atɨ̂n, be yi mòlû tɨni laha lye ni agha?

Faic an caibideil

Fêt 13:48

Tumu yu gha tɨni ni, hì saŋlê nâ haŋaŋ jis na, “Tum à Fùyèn yì jùŋ bəmalò!” Ghɨt a dona bimi ha Bâba Jisòs, a mô ghê Yènfù tite na ghɨ hi kəta chyəna ghe ghɨ bè mê wi.

Faic an caibideil

Fêt 15:18

Bâba tî nî na ghɨta hi khə gha mɨ ghɨ̂n nâ wu yu dâ.’

Faic an caibideil

Fêt 3:17

“Nì chîn a wana noma, mu khə na gha ye ghàn nì ghɨt ghe ghɨ tihe ghàn tì ne ha Jisòs tì gan ni beka ghàn ndùku khə wi wùt we Jisòs ndùku mô wunù.”

Faic an caibideil

Fêt 7:40

ki jîs ha Alòn na, ‘Fati yèn mùlè ha ghàhnà, shyəma mù nê hi yênà ashyə̂. Ghàh khə wi nâ à gan ghə ha Musìs we wù tì lye fwo nì ghàhnà yi lak yi Ijìb agha?’

Faic an caibideil

Lumàns 6:16

Ba ghàn khə na ghàn ki fo ngɨŋ sanisu ha wu kwòs ha wùt, ma ghàn hi kəta hi tè yû wùt àtɨ̂n? Ghàn ki fo ngɨŋ sanisu ha wu kwòs ha be, ma ghàn hi ywo ha be, gokhini tɨni mô a yi kpû. Ma ghàn ki fo ngɨŋ sanisu hi tè yu ha Yènfù ma ghɨ hi mô wu kwôs ha wûn, ma gokhini tɨna hi mô na fu lyi ghàn ha ghɨt a chilichili.

Faic an caibideil

Lumàns 9:23

Yènfù hì khɨŋa kəbi hi chwùtè jyak a wuna a kanana ha ghɨt ghe a fu kwohe seni ha ghɨna, a mô ghàhnà ghe a fu ndùku mô ma fu ti fati lem hi fo jyak mɨ ghɨ̂n ha ghàhnà.

Faic an caibideil

Lumàns 9:6

Mu jìsà wi na Yènfù nê fê nê wi gha ye a fu tì chwùne. Yi mô na, à wijə ghɨt a Isalì à jɨ̀m a Yènfù chwoka ha ghɨt a wuna.

Faic an caibideil

1 Kòlitiyàns 6:2

Ba yi ni mò na ghàn khə wi na à bè saka ghɨt a Fùyènà mbyî ma? À shìki tè mò hi bè saka ghàn mbyî, ghàn hi ma yàni hi tè sak a saklà mù bot a ghàn a fùtɨ̂n agha?

Faic an caibideil

1 Kòlitiyàns 8:3

Biyani ma wùt shìki kôŋà Fùyèn, ma Yènfù hi khə wûn.

Faic an caibideil

Fìlibiyàns 1:22

Yi ki kpên na mu faŋ à hi chyə̂ a chyak a wùna afân, ma mu kwoti lumu hi tòkà nè fêt yi jûŋì. Ma mu tê fè khɨlî na à jwôfà yìni ha mu agha, hi kpû ma hi tè chyə̂ agha.

Faic an caibideil

Hibùlùs 1:1

À ndùku mô a wu lɨ̀m wu chyalanu, Yènfù jis ha be ghàhnà tohne a fòktì su chiksu. Fu ndùku jîsà kə a tu lum a tu lûm, kə ghan a ghan.

Faic an caibideil

1 Bità 1:2

Yènfù, a Bì ndùku hì mô ma wù ti lem hi chwokte ghàn te ghɨt a wuna ghɨ yulena tohne yi fèt yi Yohnà Yulena. Fu ni ni shyəma ghàn hi ywo Jisòs Klistù, luŋ mù wûn sô ghàn. Yènfù chwuti təm a jûŋà ha ghàn nâ haŋaŋ ma wù fo yutìnì ha ghàn.

Faic an caibideil

Lean sinn:

Ceanglaichean taic

Sanasan

Sanasan