Lumàns 11:1 - Ŋwàklù Fùyèn Kàn Mù Fê (Cameron)

¹ Mu bufa kəbi nâ, yi ni mò ni chwûtè na Yènfù ti mâkà ghɨt a wuna ma? Fu tà mâkà jə ghɨna nâ hakoh! Nâ mu a mu ngɨŋ boŋa mò kəbi wut à Isalì ma mu fwo a Benjamìn yi sah yi nda, mô wut a Ablàhâm yi tê biyani teka fu maka mu.

Lumàns 11:1 Iomraidhean Croise

Lûk 20:16

Yi hì mô yâ, ma wu bê ywiti ghɨt a fetana ghê, ma wù kahà lyi fùk à tɨna ma wù fo ha ghɨt a lô.” Jisòs mihì ngàn mi yinâ ghɨt ghe yuti ni, jis na kə Yènfù bè bime na nki gha yîn bê gan ha ghàh ni.

Fêt 22:3

“Mu mò ni, mô wut à Jûs, ma ghɨ tì bwɨ mu a yi tèk yi Tasùs, a yi lak yi Sìlisiyà mu ləma kwok kə nâ yi tèk afân, yen a ndâ ŋwàklù, chichà mù hì mô Gàmàliyà. Wù tî chwûtì saktu shyətu bè ghàhnà tu ha mu nâ tù jɨ̀m. Gha Fùyènì hì lûmà a mu wùn kəbi te yi lûmà a ghàn a wu wùn lân.

Fêt 26:4

Ghɨt a Jûs à jɨ̀m khəlò te mu ndùku chyə ha walà khə te mu chyə kwoka a ghàh a yi lak fî chyə a Jèlusalèm,

Lumàns 11:11

Mu bufa kəbi nâ, ghɨt a Jûs tì damta fen mihì kə yi mihì ma? Yi wijə ni nâ hakoh! À ndùku mô te ghɨna ne be, Yènfù kwâktì tumu fo yi bôn ha ghɨna. Fu tì ni ni shyəma ghɨt a Jûs hi səmte tumu.

Lumàns 3:4

Yi wi hi tè mò ni! Yènfù yè jîsà kə hamok nâbi wu yu afa ghɨta chìnte kə mbyî yì jɨ̀m hi wama yi fə̂m, kə yi ghəl te ghɨ nyàka a ŋwàklù Fùyèn na: “Gha yi Fùyènì yè mô kə hamok, Yènfù yê saka yə kə yi yə̂ sak à wûn ghê ghɨta.”

Lumàns 9:3

Mu làhi tè kòŋ na Yènfù sùli mu, mu nè hì fè kəta wi gha yile hi nì ghàh à Klistù kum wana noma. Mu jìsà wana noma, a mô ghɨt ghaha ghɨ laka. Mu laha kôŋàlò hi ləhà nâbi ghə a wu yu afa yi mô hi gàmtì na ghɨna bon.

2 Kòlitiyàns 11:22

Ghɨna kokhe wu wun jîsà na ghɨna mò ghɨt a Hibùlùs. Mu mò kəbi wut à Hibùlùs. Ghɨna jìsà na ghɨna mò ghɨt a Isalì. Mu mô kəbi wut à Isalì. Ghɨna ghɨ le ni jîsà kəbi na ghɨna mò ghɨt a yi sah yi nda Ablàhâm. Mu mô kəbi wut a yi sah yi nda Ablàhâm.

Fìlibiyàns 3:5

Ghɨ tì bwɨ mu, à hì mô a mu tuk fama, ghɨ se nam a ma. Mu mô wut à Isalì ma mu fwo yi sah yi nda Benjamìn. Mu mô wut à Hibùlùs kə nâ yi bwɨ̂. Mu ndùku mô a nòn à ghɨt a Falàsî, lêmà kə nâ sak te a Musìs tì fo hanɨ̂ŋ.