Lumàns 10:7 - Ŋwàklù Fùyèn Kàn Mù Fê (Cameron)

⁷ “Kə wò buf nâ, a nè chwo nde a yi lak yi ghɨt a chyə agha?” Ma wò nè bufa na, à nè chwo nde hi lòhè Klistù a yi kpû agha?

Lumàns 10:7 Iomraidhean Croise

Lûk 8:31

Yohnù be tɨnu chyati Jisòs na kə wù jum à fihi wunu hi tum a lihi yi be afa yi lye gokhe wi yâ.

Lumàns 4:25

Yènfù tî fo wûn na ghɨ ywi kum besu ghàhnà sù, kahi lôhì wûn a yi kpû hi nì na ghàhnà hi mô chilichili a wun ashyə̂.

Hibùlùs 13:20

Mu jə̀mà na Yènfù fo yutìnì ha ghɨta, ma fu fo nâbi ghə ghɨ jûŋà ha ghàn shyəma ghàn khɨli hi nè nâbi ghə ghe a fu khɨŋa. A mô wûn a Wu tì lòhe Bâba ghàhnà Jisòs a yi kpû, Jisòs mu wuna ndùku mô Chìn à sù bwû yì chìk, chin kum mu kân me a mù tì faŋa a yu mù jɨ̀m. Wù tì baŋ kàn muna nì luŋ mù wûn. Mu jə̀mà na Yènfù ni gha ye a yi kpene ha wûn a ghàn à wu wùn tohne a Jisòs Klistù. Kokhînì yen ha wûn ha yu mù jɨ̀m. Àmèn.

1 Bità 3:18

Yi jwôfàlò hi tè yena ngə̂k wu lum afân njwo nâ Klistù ha wun a ngɨŋ tì yen ngə̂k kpu lò kum besu ghàhnàsu mihì fêt yi wuni kə wu yu wù mòk. Wù ndùku mô wut à chilichili biyani wù kpû hi bònhè ghɨt a gha a be hi nì na ghàhnà ben ha Yènfù. Ghɨta tî ywi wûn, biyani à kpu kə chyak a wuna ghɨ wùna, Yènfù nî yohnà a wuna faŋ hì chyə̂ kə yi chyə̂.

1 Bità 3:22

Wù tì lôtì a yi kpû kahi yen a nyə̂, chin wù hì mô a Yènfù kpen wu wo ta, saka anjèlsu Fùyènsu kə sù jɨ̀m, fê saka yohnù nì jyaka nâ wù jɨ̀m.

Gokhini 1:18

fê mô kəbi wûn we a wù chyə. Wù jis na yi tî kpû kahi hì chyə̂, mô hi tè mò kə yi mô a mu yu mù jɨ̀m. Wù fî jis na yi kəta a chwok a yi a wô, kəta jyak a kpo, fê kəta jyaka hi chwoka yi lak yi ghɨt a kpona.