Lumàns 10:12 - Ŋwàklù Fùyèn Kàn Mù Fê (Cameron)

¹² Bâba mò Bâba kə ha ghɨt à jɨ̀m. Hanɨ̂ŋ bu ha wùt à Jûs nì ha tumu. Wù fo yi yutì nâbi ha nde we a wù lona a gâmtìnì ha wûn.

Lumàns 10:12 Iomraidhean Croise

Fêt 7:59

Ghɨna faŋ hì tumle kə yi tumlî Sìtifèn wù hì jə̂mà jîsà na, “Bâba Jisòs lyi yohnà ma.”

Fêt 9:14

Nâ chîn te wù bèna a Dàmaskùs mò ma ngàŋsu ndâ Fùyènsu chiksu ti fo jyaka ha wûn na wù kwoti nâ ghɨt à jɨ̀m ghe ghɨna jə̀mà toŋte yet ya.”

Lumàns 14:9

Yi mô ni beka Klistù tì kpû kaha lôtì a yi kpû hi tè mò Bâba ha ghɨt ghe a ghɨ chyə nì ghe a ghɨ tì kpute.

Lumàns 15:12

Fòktì Ìsayà tî jîs kəbi na: “Wùt bè fwolò a Jesì yi tê ma wù hi saka tumu, ma ghɨna bè lem kə kwâktì yi ghɨna ha wûn bime na wù mò hi bònhè ghɨna.”

Lumàns 2:4

Yi ni mò na wò lyè wi tôknà yi kanani yi Fùyènì nì wunhî yi wuni, nì jùŋ ye a fu nê ha wò ha yi gha ma? Ba wò khəlò na Yènfù tòknà ni, khɨŋa na wò kahi təm ya a be?

Lumàns 3:22

Yènfù ni lyè nâbi nde ha wùt à chilichili tohne kə a wun a yi bimî ha Jisòs Klistù, hanɨ̂ŋ fê bu ha wùt wùlè,

1 Kòlitiyàns 1:2

Mu nyak ŋwàklù yìna ha nôn à ghɨt a bimena a Fùyènà ghe a ghɨ mô a yi tèk yi Kolèn, a ghe Yènfù chwoka, ni na ghɨna hi yulê, ha ghɨt a wuna tohne a Klistù Jisòs. Mu nyak ha ghàn, fî nyak kəbi ha ghɨt à jɨ̀m nâbi afa te ghɨna mò, toŋte yi yet yi Bâba ghàhnà Jisòs Klistù. Wù mô Bâba ha ghɨna, fê mô Bâba ghàhnà.

1 Kòlitiyàns 15:47

Wùt ashyə ndùku mô ma wù fwu a chyə̂ ma ghɨ fati nì bûtù, kùmti hì mô, ma wù lo a nyə̂.

2 Kòlitiyàns 8:9

Ghàn khəlò kôŋ yi kanani ye a Bâba ghàhnà Jisòs Klistù tì kôŋà ghàhnà. Wu ndùku mô wut wù chìk, wù kahi fuflò kum ghàn shyəma fuf a wuna ni, ma ghàn khɨti ghak yi Fùyènì.

Gàlesiyà 3:28

Hanɨ̂ŋ fè wijə ha wùt à Jûs ghê wùt à Gɨlìs. Hanɨ̂ŋ bu ha wùt we a wù mò a wun a ngɨŋ ghê wùt we a wù mò a kwôs, bu ha wùt wù lɨmà ghê wùt wù ywên beka ghàn à jɨ̀m hì chîntè mô kə a shyə̀ à mòk ghàn à Klistù Jisòs.

Efisiyàns 1:7

Klistù tî yun tu ghàhnà nì luŋ mù wun me a wù tì sùha te wù kpo, Yènfù ki lêhèfo besu ghàhnàsu. Yìna ni chwùtè təm a jûŋà ghe a fu kəta ha ghàhnà.

Efisiyàns 2:4

Biyani, Yènfù kwohi seni ha ghɨta nâ ha haŋaŋ koŋ ghàhnà nâ haŋaŋ.

Efisiyàns 2:7

Wù tì ni ni shyəma à bê hì mô nâbi yini, ghɨta yena na tôknà wuni yi kanani kəta wi fêkà, a mô yê a wù kòŋà ghàhnà chwûtì tohne a Klistù Jisòs.

Efisiyàns 3:16

Yènfù kəta yi ghak nâ haŋaŋ. A ni gha ye a mu jə̀mà na fu fo jyaka a ghàn a təm tohne a wun a Yohnà,

Efisiyàns 3:6

Gha yi kanani mi ye a ghɨ tì khə wi ashyə̂ mò na, tumu we wu bime tum yì jùŋ bè chîntè yə fə̂n wù Fùyènù ghê ghɨt a Isalì ma fê chintê hi mô a bâh atɨ̂n à wùn wù mòk, fê mô hi bè chìntè khɨte bôn ye a Yènfù tì chwùne tohne a Klistù Jisòs.

Efisiyàns 3:8

Mu mô kə nâ wut we a wù tobte gokhe atɨ̂n à ghɨt a Fùyènà, biyani ma fu ti tôknà nì mu, ni mu na mu hi jîsà ha tumu, fôktè ghak yi kanani ye a ghɨt ghe a ghɨ bime ha Klistù kəta,

Fìlibiyàns 2:11

ma nâbi nde jis a ndan na Jisòs Klistù mô Bâba, wù shihi jìs ni, wu hi kokhe yê nì Yèn fe a fu mô Bì.

Fìlibiyàns 4:19

Yèn famfu kəta kə mwə̀ mù jɨ̀m. Fu nè folò nâbi ghə ghe a ghàn boŋa khɨŋa tohne yi gha afa a Klistù Jisòs tì ne ha ghàhnà.

Kòlosiyàns 1:27

Yènfù ndùku khɨŋa na ghɨt mɨ ghɨ̂n hi khə nâ gha yi leteni ye a fu bakte lema a mô yi gha yi kanani, a mô yi gha hi gàmtè kə ghɨt a tu lak tu mbyî tu kə tù jɨ̀m. Gha mi yîn mô na Klistù mò kə nâ a ghàn a təm, yi chwûtè na ghàn khə hamok na ghàn bè chyə lò ghàn a wûn a wun atɨ̂n à yi ghak.

Kòlosiyàns 3:11

Beka, hanɨ̂ŋ nè hi fê wijə ha wùt, makə à mô wut wù Jûs makə à mò wut wù Gɨlìs, makə ghɨ ti se nam a wuna makə ghɨ tà se jə̂, makə à mò wut à tûm makə à mò wut à ghə̀n. Hanɨ̂ŋ wi ha ghɨt ghe à mò wu kwôs nì ghɨt ghe a ghɨ mô a ghɨna ngɨŋ, biyani gha yi ta mò kə Klistù. Wu mô kə ghɨt a wuna fùtɨ̂n à jɨ̀m.

1 Timotì 2:5

Yi mô ni beka Yènfù mò kə fù mòk, wùt fê mô kə wù mòk a ghɨta tohne a wûn yênà ha Yènfù. Wùt wunâ mô Klistù Jisòs, a mô kəbi wut te ghàhnà.

Gokhini 17:14

Ghɨna chîntì shik yi nô ha Wâ Njyə̀, ma Wâ Njyə̀ nô yə ghɨna beka wù mò Bâba ha Bâba sù jɨ̀m, fê mô fə̀n ha fə̂ntù kə tù jɨ̀m, kəta ghɨt a wuna te wù tì toŋa nì ghe a wù chwokte na ghɨna hi ywo ha wûn.”

Gokhini 19:16

Nju se a wù tì màka su ndùku mô ma ghɨ ti nyak yet yile atɨ̂n fî chwo nyak a wûn a bì na, “Fə̀n ha fə̂ntù nì Bâba ha bâba su.”