Lumàns 1:9 - Ŋwàklù Fùyèn Kàn Mù Fê (Cameron)

⁹ Mu jə̂mà ha ghàn kə yû mù jɨ̀m, nâ Yèn fe a mu fètà ha funfu kə nì təm a ma à jɨ̀m, fôktè tum yì jùŋ kum Wâ wûn khəlò.

Lumàns 1:9 Iomraidhean Croise

Mâk 1:1

Yin mò yi yimi tum yì jùŋ à Jisòs we ghɨ tì chwoka lema, Wâ Fùyèn.

Lûk 18:1

Jisòs tî fî ma kəbi ngàn yìlè ha jùmtìbàmsù wunsu yike ghɨna na ghɨna kəta hi tè jə̀m yu mù jɨ̀m bota wi.

Fêt 12:5

Ghɨ lem Bità a ndâ à chyâk, ghɨt a bimena faŋ hì chyate ha Yènfù nì təm a ghɨna à jɨ̀m.

Fêt 19:21

À hì mô te gha mɨ ghɨ̂n gàna kwoka, Yohnà Yulena ni Bôl wù lem na yi nè yênàlò a bàh à yi lak afa ghɨ ndùku toŋte na Màsìdoniyà hi fê chyà yèn a Àkayà, hi yè tàn a Jèlusalèm. Wù lem na yi nè chyətelò afû ma yi chyâ yen a Lûm.

Fêt 24:14

Gha yì mòk ye mu mò hi bimi mò kə na, mu kokhe Fùyèn, jùmtè Lum te Bâba khɨŋa na ghɨ hi chyə atɨ̂n nâbi nì te ghɨna jîsà na à mò lumtu fəm tu. Yèn mu fîn a mu kokhe à mò Yèn fe be ghaha ghɨ shyə ndùku kokhe. Mu bime kə nâ gha ghe ghɨ nyaka a ŋwàklù yì sak à Musìs nâ à jɨ̀m nì ghê ghɨ nyaka a ŋwàklù sù fòktìsù chiksu.

Fêt 27:23

Mu jîsà ni beka à chehì mô ntuksu lân, anjèl à Fùyèn fê fu kəta mu a fe mu kokhe che ben ha mu,

Fêt 3:26

Yènfù ki chwoka wùt wù fèt à wûn ki yità tum ha ghàn na wù bê bonhi ghàn hi nì na nâbi nde a ghàn a fùtɨ̂n de lumtu wun tu betu ma wù khɨti yutì mi yîn.”

Lumàns 9:1

Mu jìsà yi gha yi mô kə nâ hamok, fwo kə nâ a mu yi təm, ma à chwùti Yohnà Yulena. Mu jìsà kə hamok beka mu mò ghàh à Klistù.

2 Kòlitiyàns 1:23

Mu che faŋ hi fè bèn a Kòlitiyàns beka mu chehì kôŋà wi hi bèn hi khɨte ghàn a yi ghâ. Yènfù khəlò təm a ma khə na mu jìsà kə hamok.

2 Kòlitiyàns 11:31

Bè Bâba Jisòs, Yèn fe a fu kəta kokhînì a yu mù jɨ̀m khəlò na mu wama wi.

Gàlesiyà 1:20

Gha yin a mu nyàkà ha ghàn ni mò kə nâ hamok. Yènfù khəlò na mu wama wijə fəmi!

Efisiyàns 6:18

Ghàn shihi ne gha mɨ ghɨ̂n, ghàn hi jə̂mà ha Yènfù kə a yû mù jɨ̀m, bufa nâbi ghə kə yi ghəl te Yohnà a wuna tihe ghàn. Ghàn shihi jə̀m ghàn hi jə̂mà ha ghɨt a Fùyènà nâ à jɨ̀m. Ghàn hi tôknè, kə wùt lè bè yità hi jə̀m.

Fìlibiyàns 1:3

Mu fo àyòŋnà ha Yèn famfu nâbi wùni yu te mu kwàktè ghàn,

Fìlibiyàns 1:4

jə̂mà na Yènfù gàmti ghàn nâ à jɨ̀m nâbi wùni yu, mu hì jə̂mà nì saŋlînì.

Fìlibiyàns 2:22

Nâ ghàn khəlò fêt yi Timotì. Wù ti fêt ghàh à wûn hi nì na ghɨta bimi tum yì jùŋ kə nâ te wan nè wu hi fêtà ha bì.

Fìlibiyàns 3:3

A mô ghàhnà ghɨt ghe a Yènfù tì se nam a ghàhnà kə nâ wu lum afa a ghɨ kəta hi se atɨ̂n, a bu ghɨna. A mô ghàhnà a Yohnà Fùyènà gàmte na ghàhnà hi kokhe wûn, a fê mô kə ghàhnà ghɨt ghe a ghɨ jala te ghàhnà nì Klistù Jisòs mò amok, lêmà wi təm a ghàhnà a gha njyàsu wùnsu.

1 Tèsàloniyàns 1:2

Ghàh fo àyòŋnà ha Yènfù kə yû mù jɨ̀m fê jə̂mà toŋte a yet ghana.

1 Tèsàloniyàns 3:10

Ghàh lona ha funfu nâ yû mù jɨ̀m nì təm ghaha à jɨ̀m na fu ni ghàh à wûn yena kə nâ ghàn ma ghàh fo gha ye a ghàn baha khɨŋa hi khɨlî a ghàn a yi bimî ha Klistù.

1 Tèsàloniyàns 5:17

jə̂mà ha Yènfù kə yû mù jɨ̀m.

1 Timotì 2:7

Ghɨ tì chwok mu ha wùt à wûn wù tum kum gha mi yîn na mu fokti gha Fùyènì ma mu fê yiki tumu nì gha ye a yi mô hamok. Gha yîn a mu jìsà ni mò kə nâ hamok. Mu wama wi.

2 Timotì 1:3

Mu fo àyòŋnà ha Yènfù njwo wò fêtà ha wûn nì kwâktì yi yuleni kə te bom ghɨ̂n ndùku fêtà. Mu jə̂mà ha wò kə yû mù jɨ̀m, yità wi hi toŋte yi yet ya ha Yènfù a mu yi tɨ̂nà yì jə̀m.

Filemùn 1:4

Filemùn, mu shihi jə̀m nâbi wùni yu mu hi toŋte yet ya, fo àyòŋnà ha Yèn fe a mu kokhe.