Lumàns 1:6 - Ŋwàklù Fùyèn Kàn Mù Fê (Cameron)

⁶ Ghɨ ti boŋ toŋa kəbi ghàn ghe ghàn mò a Lûm na ghàn fwo ben ma ghɨ hi mô à ghɨ̂t ha Jisòs Klistù.

Lumàns 1:6 Iomraidhean Croise

Lumàns 9:24

Ghàhnà ni mò ni, a mô ghàhnà ghe a fu tì toŋa fihe atɨ̂n à ghɨt a Jûs fî toŋa fihi kəbi a tumu a fùtɨ̂n.

1 Kòlitiyàns 1:9

Yènfù chwùnè nâbi ghə, nê kə yâ. A mô wûn a wù toŋa ghàn na ghàn hi mô ghàn à Wâ wûn amok, a Bâba ghàhnà Jisòs Klistù.

Gàlesiyà 1:6

Mu mò nì kani na ghàn ti nyâŋhì kahi kə ni a yi bàm yi wùt we a wu tì toŋa ghàn kum təm a jûŋà Klistù, hì jûmtè yê nì tum yì lò.

Efisiyàns 1:11

Fu ti chwok ghàhnà na ghàhnà hi mô ghɨt a wuna tohne a Jisòs Klistù kə yi ghəl te fu tì bakte lema shyəma fu fati mbyî. Nâbi ghə gânà kə wu lum afa a Yènfù khɨŋa na yi gan atɨ̂n.

Kòlosiyàns 1:21

Hi jìs yi gha kum yi baktî yi chyənà, ghàn khə na à ndùku mô ashyə̂, ghàn mô kə ha dà ghàn à Yènfù, bânà wûn, kəta yi kwâktì yi be, fê nê a gha a be,

Kòlosiyàns 1:6

Tum yì jùŋ mi yîn ləma yê kə luk tù jɨ̀m a mbyî, nê na gha a jûŋà hi gânà a ghɨta su chyənà, ghɨna fê ləmâ yê kə shyə̂. Tum yì jùŋ mi yîn ti boŋ ben tan ha ghàn ni na gha a jûŋà gan a ghàn a fùtɨ̂n, yi boŋa ləma yê kə ashyə̂. Tum àtɨ̂n ni nè fêt mi yîn a ghàn a fùtɨ̂n kə hi yìmi wu tuk afa a ghàn tì ywo khɨle hamok kum təm a jûŋà ghɨ Fùyènà.

1 Tèsàloniyàns 2:12

chyate ghàn na ghàn hi kəta təm a ta, chyə chyənà ye a Yènfù kòŋà. Wù toŋa ghàn na ghàn bê chìnti wu lùk wu wunu wu fə̀nù ma boŋà khɨti ban yi chiki.

2 Tèsàloniyàns 2:14

Yènfù tî toŋa ghàn tohne a tum yì jùŋ afa a ghàh tì fòkte ha ghàn shyəma ghàn ben ma ghɨ hi boŋa kəta ghak ye a Bâba ghàhnà Jisòs Klistù kəta.

2 Timotì 1:9

Yènfù ti bônhì ghàhnà ni na ghàhnà hi mô a ghɨt a wuna. Fu tà tì ni ni beka ghàhnà nè gha yi jûŋì yile ha wûn. Fu tì ni kə ha wun a ngɨŋ kum təm a jûŋà. Fu ti lêm nâ shyəma mbyî yimi, na wù nè nêlò gha mɨ ghɨ̂n tohne a Klistù Jisòs hi chwùtì təm a wuna ghɨ jûŋà.

Hibùlùs 3:1

Yi mô a wan noma ghɨ yulena na ghàn kəta hi fate lèm a yi kwâktì yani ha Jisòs a ghàn ghe Yènfù boŋa toŋa na ghàn hi mô ghɨt a wuna. Wù mò wut wù Fùyèn wù tum ha ghàhnà fê mô ngàŋ à ndâ Fùyèn yì ngaŋtena ye a yì naŋha gha kum yi bimî ye a ghàhnà kəta.

1 Bità 2:21

A mò luk wanu hi tè yena ngə̂k mi yina beka Klistù tì yen kəbi ngə̂k kum ghàn chwûtì chwena ha ghàn na ghàn hi yena kə ngə̂k te wûn.

1 Bità 2:9

Biyani, a mô ha ghàn, ghàn mò ghɨta te Yènfù chwoka. Ghàn mô ngàŋsu ndâ Fùyènsù, fêtà ha Fə̀n. Ghàn mô ghɨt a yulena ma Yènfù ti lyi ghàn ha ghɨt a wuna shyəma ghàn hi fôktè gha a kanana ghe a fu ne. Fu ti toŋa fihi ghàn atɨ̂n à yì fîn lihi ghàn a wun a yi ban yi kanani.

2 Bità 1:10

A ni gha ye a mu chyate ghàn, a wana ne, na ghàn tòkà khɨti gha mɨ ghɨ̂n, ma ghɨ ta, hi chwùtì na Yènfù ti chwokte ghàn toŋa fihi na ghàn hi mô ghɨt a wuna. Ghàn nè ni, ma ghàn bê tè fên a ghàn a yi bimî,

Jûd 1:1

À nyak mu Jûd ŋwàklù yina ha ghàn. Mô wut wù fètana ha Jisòs Klistù, a wâ nè Jêms. Mu nyak ŋwàklù yina ha ghàn wana ne a jûŋà ghe a ghɨ toŋa fihe, ghàn na ghɨ hi chyə a Yènfù atɨ̂n à yì kòŋ, à mô Bì, Jisòs Klistù kine ghàn.

Gokhini 17:14

Ghɨna chîntì shik yi nô ha Wâ Njyə̀, ma Wâ Njyə̀ nô yə ghɨna beka wù mò Bâba ha Bâba sù jɨ̀m, fê mô fə̀n ha fə̂ntù kə tù jɨ̀m, kəta ghɨt a wuna te wù tì toŋa nì ghe a wù chwokte na ghɨna hi ywo ha wûn.”