Bìoball air-loidhne

Lumàns 1:3 - Ŋwàklù Fùyèn Kàn Mù Fê (Cameron)

³ Tum yì jùŋ mi yìna jìsà kum Wâ Fùyèn, Bâba ghàhnà Jisòs Klistù. Wù tì shihi bèn a mbyî ha wût, ghɨ bwɨ wun a Defìt yi sah yi nda.

Faic an caibideil Dèan lethbhreac

« Roimhe

dol air ais ⬆

Air adhart »

Lumàns 1:3
66 Iomraidhean Croise

Matiyò 1:1

Yet a sah yi nda bè Jisòs Klistù mò ni, a wan yi sah yi nda Defìt we bè wûn ndùku mô Ablàhâm.

Faic an caibideil

Matiyò 1:16

Jakòb mô bè Josèf we wù tì lye Mèli ha ywi, Mèli bwɨ Klistù we ghɨ toŋte na wùt wù chwoka lemana.

Faic an caibideil

Matiyò 1:6

Jesì mô bè fə̀n Defìt. Defìt mô bè Sòlomùn ma wù tì bwɨ wun ghê wùt ywen we wù ndùku yità mô ywê Yùlayà,

Faic an caibideil

Matiyò 12:23

Nâ ghɨt à jɨ̀m ghe ghɨ ndùku mô afû hì mô nì kani buf na “Ghɨ ni jìsà na wùna mò kə nâ wâ fə̀n Defìt agha?”

Faic an caibideil

Wùt ywên yi lak yi Kanàn wùlè te wù ndùku chyə afû ben ha Jisòs hì bwata jyê jîsà na, “Kwohi seni ha mù a bâ, Wâ fə̀n Defìt! Wâ mù wù ywên yena ngə̂k nâ haŋaŋ beka wù kəta yohnà be.”

Faic an caibideil

Matiyò 26:63

Biyani, Jisòs china kə moŋ. Ngàŋ à ndâ Fùyèn yì ngaŋtena mi yê ki jîs ha wun na, “Mu jìsà ha wò, jìs kə hamok a Yènfù yi yet fe fu chyə. Fokti ha ghàh na wò mò kə nâ we ghɨ chwoka lema Wâ Fùyèn agha?”

Faic an caibideil

Matiyò 27:43

Wù mò ni yiktê kə Yènfù wùn, ghàhnà yen nâ Yènfù nè gàmtèlò wun chin agha, beka wù ndùku jîsà na yi mò kə nâ Wâ Fùyèn.”

Faic an caibideil

Matiyò 3:17

Kə ni, jyə̀ fwu ben a nyə̂ jis na, “Wùna mò Wâ mù wù kòŋ, mu saŋle kum wûn hanɨ̂ŋ.”

Faic an caibideil

Matiyò 9:27

Ni te Jisòs tì lo hì fwo yênà, ghɨt a fefana ale à bà lo hì yênà a wun a yi bàm toŋte jîsà na, “Wâ fə̀n Defìt kwohi seni ha ghàh!”

Faic an caibideil

Lûk 1:35

Anjèl à Fùyèn yê fîsì ha wun na, “Yohnà Yulena nè bê lò ha wò ma jyak a Yèn fe a fu ngaŋte kpene ma ghɨ nê ben ha wò, yi chwûtè na wan wunâ bè lô kə nâ ha Yènfù ma wù ben. Ghɨ bè hì toŋte wûn na Wâ Fùyèn.

Faic an caibideil

Lûk 1:69

Fu ti fî fo mbàŋ yì nòna ha ghàhnà ma yì fwo a Defìt yi sah yi nda a wùt à wûn wù fètana,

Faic an caibideil

Ŋwàklù à Jon 1:14

Tum mi yinâ tî kahi hì mô kəbi wût, ben chyəti a ghàhnà fùtɨ̂n. Ghàh tì yen jyak a wuna, a mô a jyak a Wâ Fùyèn wù mòk we fu ndùku kəta te wù lo a Bè wun à ngwùŋ ben ma wù ti lun nì kwohi seni fî lun nâ kəbi nì ghə ghe ghɨ mô hamok kum Fùyèn.

Faic an caibideil

Ŋwàklù à Jon 1:34

Mu ti yen te gha mi yin gàna, hì fôktè ha ghàn na wùt wunâ mò Wâ Fùyèn.”

Faic an caibideil

Ŋwàklù à Jon 1:49

Nàtanyèl ki jîs na, “Labi, wò mò Wâ Fùyèn, wò mò fə̀n à ghɨt a Isalì.”

Faic an caibideil

Ŋwàklù à Jon 10:30

Ghàh à Bôm mò kə ha wùt wù mòk.”

Faic an caibideil

Ŋwàklù à Jon 10:36

à nè fè kwuna nâ nde ma Bom ti chwok mu ha wùt à wûn, tum a mbye? Yi shìki mô ni ghàn hi fê ngane mu ha ghə na mu ti sûlì Yènfù, jîsà na mu mò Wâ wûn agha?

Faic an caibideil

Ŋwàklù à Jon 20:28

Tomòs toŋti wûn jis na, “Bâba mù, Yèn famfu!”

Faic an caibideil

Ŋwàklù à Jon 20:31

Ghɨ nyak ghɨ̂n ni shyəma ghàn yu, ma ghɨ bimi na Jisòs mò kə nâ Klistù a Wâ Fùyèn, ma bimî mi yîn ni na ghàn khɨti chyəna ghe ghɨ bè mê wi.

Faic an caibideil

Ŋwàklù à Jon 5:25

Mu jìsà ha ghàn hamok na, tuku hì bakhe bênàlò mu jìsà ni ma wu shyə bakhâ na ghɨt ghe ghɨ mô te ghɨt a kputena yu jyə̀ Wâ Fùyèn. À yu nâbi nde ni te wù khɨŋa ma wù nê hi chyə̂.

Faic an caibideil

Ŋwàklù à Jon 7:42

Ba ŋwàklù Fùyèn jis na Klistù bè fwo a fə̀n Defìt yi sah yi nda, ma ghɨ bwɨ wûn a Betùlùhêm a Defìt yì tèk agha?”

Faic an caibideil

Fêt 2:30

Defìt ndùku mô fòktì Fùyèn wù chìk fê khə na Yènfù tî yə kànû ghê wûn na yi bè chwokalò wùt a wun yi sah yi nda ma yi lem te fə̀n.

Faic an caibideil

Fêt 3:13

Ghàn khəlò Yènfù be ghàhnà ghɨ shyə, a mô Ablàhâm nì Isìk nì Jakòb. À ni Fùyèn fe ghɨna ndùku kokhe gha mi yîn. Fu ni ni shyəma wùt à wûn wù fètana Jisòs, hi kəta kokhînì chiki. Ghàn tî khɨti wûn fo ha ghɨta yi saka fî mana wûn a Balèt ashyə̂. Ghàn ni gha mi yina nâbi te Balèt ndùku mô ma wù ti lem na ye nè bònhèlò Jisòs.

Faic an caibideil

Fêt 8:36

Ghɨna hì gbê yênà yen tan wu lùk wule, yen fu chɨmlâ, wùt wu fètana we jis ha Filîb na, “Yen ke chɨm a mòla, a mò hi tàhè ghə chin na kə mu fi mòlû agha?”

Faic an caibideil

Fêt 9:20

lo chem yen kə ndasu chintesu wu lùk mefû yîmì hì tè fòktè tum yì jùŋ kum Jisòs jîsà na, “Wù mò Wâ Fùyèn.”

Faic an caibideil

Lumàns 1:9

Mu jə̂mà ha ghàn kə yû mù jɨ̀m, nâ Yèn fe a mu fètà ha funfu kə nì təm a ma à jɨ̀m, fôktè tum yì jùŋ kum Wâ wûn khəlò.

Faic an caibideil

Lumàns 4:1

Ghàhnà mò hi jìs na ghə chîn kum Ablàhâm bè à ghàhnà agha?

Faic an caibideil

Lumàns 9:3

Mu làhi tè kòŋ na Yènfù sùli mu, mu nè hì fè kəta wi gha yile hi nì ghàh à Klistù kum wana noma. Mu jìsà wana noma, a mô ghɨt ghaha ghɨ laka. Mu laha kôŋàlò hi ləhà nâbi ghə a wu yu afa yi mô hi gàmtì na ghɨna bon.

Faic an caibideil

Lumàns 9:5

Be be ghɨna ndùku mô ghɨt a Fùyènà. Klistù nâ nì ngɨŋ à wûn tì ben a mbyî te wut à ghɨna wù lak. Yènfù mô kə a tû a mwə̀ mù jɨ̀m, ghɨta kəta hi tè kokhe wûn a yu mù jɨ̀m. Àmèn.

Faic an caibideil

1 Kòlitiyàns 1:9

Yènfù chwùnè nâbi ghə, nê kə yâ. A mô wûn a wù toŋa ghàn na ghàn hi mô ghàn à Wâ wûn amok, a Bâba ghàhnà Jisòs Klistù.

Faic an caibideil

1 Kòlitiyàns 10:18

Ghàn yen lê ghɨt a Isalì! Ghɨna jyàtè a shyə ghe a ghɨ fo a tô a baŋ a yi fo ghɨ yə̂, yi hi chwûtè na ghɨna ti chîntì ghê Yènfù

Faic an caibideil

Gàlesiyà 4:4

Yu ben kwok kpên, Yènfù tum Wâ wûn na ghɨ bwɨ te wût, wù ləma kwôk a ghɨt a Jûs yi dèt yi Sak,

Faic an caibideil

1 Tèsàloniyàns 1:10

Ghɨna fî fôktì te ghàn yute na Wâ Fùyèn bè kaha bênàlò a nyə̂. Jisòs Wâ Fùyèn mu wùna ni mò ma wù tî nî wù lôtì a yi kpû. Wù ti bônhì ghàhnà na kə Yènfù bê fo ngə̂k ha ghàhnà wu tuk wu saku.

Faic an caibideil

1 Timotì 2:5

Yi mô ni beka Yènfù mò kə fù mòk, wùt fê mô kə wù mòk a ghɨta tohne a wûn yênà ha Yènfù. Wùt wunâ mô Klistù Jisòs, a mô kəbi wut te ghàhnà.

Faic an caibideil

1 Timotì 3:16

Yi mô kə nâ hamok na bimî yi ghàhnà kətalò gha yi leteni te Yènfù chwùtè banhe, yi ghaka kə ni: Klistù ti ben lyi wu wun wu wûtù, Yohnà Yulena chwûtì na wù mô a jûŋ a Yènfù ashyə̂, Anjèlsu Fùyènsu yen wûn, ghɨ yiki a gha kum wûn lak tù jɨ̀m, ghɨta bimi ha wûn a mbyî, Yènfù lyi kwok nì wûn a nyə̂. Gha a letena a kanana mɨ ghɨ̂n a Klistù ndùku chwûtè ha ghàhnà kum ngɨŋ à wûn mô hamok, nâ wùt bu hi tunhî.

Faic an caibideil

2 Timotì 2:8

Wo kwâktè Jisòs Klistù te Yènfù tì lôhì wûn a yi kpu. Wu mô ma wù fwo a Defìt yi sah yi nda. Yìna mô tum yì jùŋ ye a mu fòktè.

Faic an caibideil

1 Jon 1:3

Ghàh ni jìsà a gha ha ghàn, a mô ghe a ghàh yena fî yu lò, shyəma ghàhnà chintê faŋ kə ha shyə̀ à mòk, nì Bì ghê Wâ wûn Jisòs Klistù.

Faic an caibideil

1 Jon 3:23

Sak yi Fùyènì mi yina mò na, ghàhnà bimi ha Wâ wûn Jisòs Klistù, ma ghɨ hi kôŋà ngɨŋsu ghàhnàsu te wù jìsà.

Faic an caibideil

1 Jon 3:8

À hì nê nâbi nde be ma wù hi mô wut à deblì beka deblì yisa nê kə a gha a be kə nâ a yìmi. Gha ye a Wâ Fùyèn tì bèna a mbyî mò hi bobhi fêt yi deblì.

Faic an caibideil

1 Jon 4:15

À bimi nâbi nde na Jisòs mò Wâ Fùyèn, ma wù hi mô ghê wûn, wu mô ghê Yènfù.

Faic an caibideil

1 Jon 5:1

Nâbi nde we a wù bime na Jisòs mò we a ghɨ chwoka lema, mò wâ Fùyèn. À kòŋà nâbi nde Bì, ma wù hi boŋa kôŋà kəbi wan we a Bì kəta.

Faic an caibideil

1 Jon 5:20

Ghàhnà khə kəbi na Wâ Fùyèn tì ben yiki ghàhnà shyəma ghɨ hi khə Yènfù, a fe fu mô hamok, ghàhnà chîntè mô kə ha shyə̀ à mòk ghàhnà nì funfu nì Wâ wûn Jisòs Klistù. Wu mô Fùyèn fe a fu mô hamok, fo chyə ye a yi bè mê wi.

Faic an caibideil

1 Jon 5:5

À mò hi tum a yə nde mbyî agha? À mò hi tum a yə kə we a wù bime na Jisòs mò Wâ Fùyèn.

Faic an caibideil

2 Jon 1:7

Ghɨt a fəma ti fwu hì gbê chyâlà a mbyî, dô kə ni, bime wi na Jisòs Klistù tì bên a mbyî wu wùn wu wûtù. Nâbi nde a fùtɨ̂n à ghɨt afân mò bànà Klistù, lehe à ghɨ̂t.

Faic an caibideil

Gokhini 2:18

Wù jis kəbi ha mu na, “Nyàk ha anjèl à Fùyèn ye a yì mò a chìntê a ghɨt a bimena a Tìyàtilà na: Ghɨ̀na mò a gha ma à jis Wâ Fùyèn we se wuna mwântè te chwûtù wùstu yâ, wulu wunu njêntè kə ni te kaha jûŋà te ghɨ bâŋhè wu wùs.

Faic an caibideil

Lean sinn:

Ceanglaichean taic

Sanasan

Lumàns 1:3 - Ŋwàklù Fùyèn Kàn Mù Fê (Cameron)

Lumàns 1:366 Iomraidhean Croise

Lumàns 1:3
66 Iomraidhean Croise