Lumàns 1:16 - Ŋwàklù Fùyèn Kàn Mù Fê (Cameron)

¹⁶ Mu jala kum tum yì jùŋ mi yìna te yì chwùtè jyak ghe a Yènfù bònhè ghɨt a bimena atɨ̂n nâ à jɨ̀m. Fu bônhè ghɨt a bimena, yîmè nì ghɨt a Jûs, a kûmtè a wu tûm.

Lumàns 1:16 Iomraidhean Croise

Mâk 8:38

Nâbi nde hì wumê kum mu nì yiki mi a ghɨt a mbye ashyə̂ gha be afân ye yì fânà wi Yènfù ni, ma Wâ Wùt bê wumi kum wûn te wù bè kaha bênà atɨ̂n ban yi bè wuni yi chiki nì anjèlsu wunsu yulesu.

Lûk 9:26

Nâbi nde shìki wumî kum mu nì yiki mi, wu hi khə na Wâ Wùt bè boŋa wumelò kum wûn a yu afa Wâ Wùt bè kaha bênà atɨ̂n à ban yi chiki bè wûn nì anjèlsù wunsu yulesu.

Ŋwàklù à Jon 7:35

Ghɨt a Jûs ale hì bufa na, “Wùt wuna khɨŋa hi yèn afa na ghàhnà nê hi fê yena wi wûn agha? Wù boŋa khɨŋa hi yèn a yi lak yi tumi ye ghɨta ghàhnà teta yênà afû hi tè yike ghɨta tumu ghe ma?

Fêt 3:26

Yènfù ki chwoka wùt wù fèt à wûn ki yità tum ha ghàn na wù bê bonhi ghàn hi nì na nâbi nde a ghàn a fùtɨ̂n de lumtu wun tu betu ma wù khɨti yutì mi yîn.”

Lumàns 10:17

Yi ni chwùtè hamok na wùt ni bime kə wu yu afa wù ywo tum à Fùyèn, wùt ywo kə wu yu afa ghɨ fôktè tum kum Klistù ha wûn.

Lumàns 15:19

Wù ti nî, mu wu hì nê gha a kanana kə a tu nkì a tu nkì a Yohnà Yulena a jyak. Mu ti fôktì tum yì jùŋ kum Klistù kə tu lùk tù jɨ̀m, kə hi yìmì a Jèlusalèm hi yèn hi tàn a Ìlilikùm.

Lumàns 15:29

Mu khə na mu bènà hi jikte ghàn ma Klistù chîntè bonhi ghàhnà nâ haŋaŋ.

Lumàns 2:9

Nâbi nde te wù nè be bè yenalò ngə̂k yi bəma kə ni ma wù fê yu lùmchuŋ. Ngə̂k àtɨ̂n bè yîmè kə ha ghɨt a Jûs ashyə̂ a kûmtè wu tûm.

Lumàns 4:11

Ghɨ tì se nam a wuna kə ha chwena hi chwùtì na Yènfù ti lyi wûn ha wùt à chilichili. Fu lyi wun ha wùt à chilichili kum yi bimî ye a wu ndùku kəta. Yi gan ni shyəma wù hi mô bì ha ghɨt ghe a ghɨ bime, ma Yènfù boŋà lyi ghɨna ha ghɨt a chilichili kum yi bimî yi ghɨna teka ghɨ se nam a ghɨna.

1 Kòlitiyàns 15:2

A mô tum yì jùŋ mi yîn a ye yì bònhè ghàn, wu yu afa ghàn fate khɨte gha ye a mu tì fòkte ha ghàn, bu ya, ma bimî yani ləha kə halô.

1 Kòlitiyàns 2:2

Mu ndùku mô ma mu ti lem na mu fè khə wi gha yile, a bu kə hi tè jìs kum Jisòs Klistù, nì kpu yi wuni a tô kàkfùtàfù.

1 Kòlitiyàns 2:4

Mu ndùku jîsà fê fôktè tum yì jùŋ bu nì tofu ma wu lo ha wùt, à ndùku mô tof hi nì na wùt bimi gha, biyani mu ndùku fôktè, yi chwûtè jyaka Yohnà Yulena.

1 Kòlitiyàns 9:12

Ghɨt ale shìki kəta a jyak hi tè kî na ghàn fo mwə̀ mu yə̂mù ha ghɨna, ma ghàh hi kəta chyâ nâ yâ. Biyani ghàh shìki mô teka ghàh ni gha kum a jyak mɨ ghɨ̂n a ghàh kəta hi te fyi mwə̀lû ha ghàn. Ghàh bɨlà wunhe kə yi wunhî beka ghàh kòŋà wi hi nè gha shyəma yì tàhi tum yì jùŋ yì Klistù na kə yì ləma.

1 Kòlitiyàns 9:18

Maktu mu mò nâ ghə? Maktu mu ni mò kə na mu hi fôktè tum yì jùŋ, bufa wi shyə, tòkà lye yênà wi a jyak afa a mu kəta te wut we wù fòktè tum yì jùŋ.

2 Kòlitiyàns 2:12

À ndùku mô te mu be tana a Tɨ̀luwàs hi fòktè tum yì jùŋ yì Klistù, mu yen na Yènfù hì mô ma fu ti lem na mu fokti,

2 Kòlitiyàns 4:4

Ghɨt mɨ ghɨ̂n ywo khɨle wi gha beka Satàn we wù saka mbyi yìna ti baŋ kwâktì yi ghɨna na kə ghɨna bimi. Wu nê ni na kə ghɨna yen ban ye a tum yì jùŋ à Klistù bènà nì yini. Ghɨna wi hi yena ban mi yîn a tum yì jùŋ bènà nì yini, yi chwûtè jyak a Klistù, Klistù mu wuna mô kə shyə à mòk ghê Yènfù.

2 Kòlitiyàns 9:13

Fêt mi yin a ghàn nè ni chwùtè təm a jûŋà ghe a ghàn kəta ha ghɨta fê chwûtè mihè na ghàn ywolò tum yì jùŋ yì Klistù ye a ghàh gbè nì yinì. Gha tɨni nê, na ghɨta hi kokhe Yènfù, dô kə ni.

Gàlesiyà 1:7

Mu jìsà wijə na yìna mò tum yì jùŋ. Mu jìsà na ghɨt ale bɨlà nê yi tof yani bu a jûŋ, mômhè hi fwəkte tum yì jùŋ yì Klistù.

1 Tèsàloniyàns 2:13

Ghàh fo àyòŋnà ha Yènfù kə yû mù jɨ̀m beka à ndùku mô te ghàh bèna hi fòktì tum ye a Yènfù jìsà na ghàh bê fokti ha ghàn, ghàn yû bimilò, na à mò tum ma yì lo kə nâ ha Yènfù, a bu ha wùt. Tum mi yìna ndùku fêtà a ghàn a fùtɨ̂n ghɨt a bimena.

1 Timotì 1:11

Gha mɨ ghɨ̂n mò atɨ̂n à tum yì jùŋ afa a Yènfù fo na mu fokti. A mô Yènfù kana fe a ghɨta kokhe.

2 Timotì 1:12

A ni gha ye a mu yena ngə̂k kum yì yîn, biyani wume wi beka mu khəlò wùt we a mu bime ha wûn khə na wù tòknèlò nì mu hi tàn wu tuk wu gokhenu.

2 Timotì 1:16

Mu jə̀mà na Bâba chwuti seni kwolani ha ghɨt a Ònesfolùs yi sah yi nda beka wù che ni mu hì saŋle kə ni. Wù chehì wume wi na mu mò wut à ndâ chyâk.

2 Timotì 1:8

Yi ni chwùtè na wò kəta wi hi tè wumî hi fòktì kum Bâba ghàhnà makə hi chwùtì na wò khəlò mu te mu mò a ndâ chyâk beka mu bime ha Klistù. Mu jîsà na wò bɨlà lyi jyak ghe a Yènfù fo ha wò, ma wò hi mô nì fati wùni hi yena ngə̂k ye a mu mò atɨ̂n kum tum yì jùŋ.

Hibùlùs 4:12

Gha yi Fùyènì mò ni kəta yi chyə̂, kəta a jyak, fê tofa chyâ nâbi yìni fâ yi gbɨ̀liŋi. Yi gbet wùt, yi lyi tan a wun a yi təm yi yen kum a yohnà a wuna, yi fî tohna kəbi a wun a sù yùŋ nì wufu. Gha yi Fùyènì chwûtè banhe kwâktì yi wûtì.

1 Bità 4:16

Biyani, wùt ha ghàn hì yena ngə̂k beka wù jùmtè Klistù, kə wù hi wumê, wù hi bɨlà kokhe kə Fùyèn beka wù ti bime a Klistù yì yet.