Lumàns 1:14 - Ŋwàklù Fùyèn Kàn Mù Fê (Cameron)

¹⁴ Mu mò wùt wù fètana ha Yènfù, kəta wi gha mi yi ngɨŋi. Mu kəta hi tè fòktì tum yì jùŋ ha ghɨt ghe a ghɨ fate chyə nì ghê a ghɨ chînà chyə. Mu fètà ha ghɨt ghe a ghɨ yena na à mò ghɨt a tofana, fêtà kəbi ha ngwònu.

Lumàns 1:14 Iomraidhean Croise

Matiyò 11:25

Jisòs tî jəm ha Bè wûn kəbi a yu mefû jis na, “Bâba we wù saka nyə nì chyə, mu fo àyòŋnà ha wò beka wò ti letì gha ghɨ̂n ha ghɨt ghe ghɨna kwàktè na ghɨna tofalò chwûtì ha ngwònu.

Lûk 10:21

À hì mô kə yu afû, yohnà yulena ni Jisòs hì saŋle nâ haŋaŋ ki jə̂m na, “Bâ mù, Bâba we wù saka nyə nì chyə, mu fô àyòŋnà ha wò beka wò ti let gha ghɨ̂n ha ghɨt ghe ghɨna kwàktè na ghɨna tofalò. Chwûtì ha ngwònu hamok a Bâ, à kòŋà kə wò hi nì ni.”

Fêt 22:21

Bâba fî jis ha mu na, ‘Lô beka mu nè tumalò wò nâ hadà ha tumu.’

Fêt 28:2

Ghɨt atɨ̂na tî gâmtì ghàh nâ jûŋ fati wu wus ha ghàh beka à ndùku mô ya ma wuli ti yîmì hi tè nà tònènà hì mô a bɨn nâ haŋaŋ.

Fêt 28:4

Ghɨta yi lak afû yen fwə atɨ̂na te ghɨ lɨma wo wuna jis na, “Wùt wunâ làhi tè mò ni ywe à ghɨ̂t. Nâbi te wù teta fwo a jwô biyani lòn mô a wuna tû, wu mô kə hi kpû.”

Fêt 9:15

Biyani, Bâba jis ha Ànàniyàs na, “Ndù kolô beka mu ti chwok wûn na wù fet ha mu hi nì na tumu nì fə̂ntù ghɨna tu, nâ kəbi nì ghɨt a Isalì khɨli mu,

Lumàns 1:22

Ghɨna kwàktè kə na ghɨna tofalò biyani ma ghɨna ti kahi a wu ngwò.

Lumàns 11:25

Gha yi leteni yile làwû a mu khɨŋa na ghàn hi khə a wana noma shyəma ghàn nê hi fè ghaŋhe wi wunu. Gha tɨni mô na ghɨt a Isalì ale mò chin, ta nì tû biyani mò hi bê kwunâ hi bimî wu yu afa tum we a Yènfù chwokte ti bimi mihì.

Lumàns 12:16

Ghàn hi chyə kə ha shyə̀ à mòk. Kə ghàn hi ghaŋhe wunu. Ghàn hi bɨlà chîntè ghàn à ghɨt a bota. Kə ghàn hi lyê na ghàn khəlò gha à jɨ̀m.

Lumàns 13:8

Kə wùt bè hì kəta fôlì wûtù, a bu kə yi kôŋ shyəma wù hi kôŋà wûn, faŋa wi tuk wule. À kòŋà nâbi nde wâ nè wûn, ma yi hi chwûtè na wù ywolò Saki.

Lumàns 16:19

Nâbi nde ti yu lum we a ghàn ywo tum yì jùŋ atɨ̂n, nâ mu saŋle nâ a jûŋ kum ghàn. Mu khɨŋa na ghàn hi tofâ khə gha ghe a ghɨ jwôfà, khə wi be.

Lumàns 8:12

Yi ni chwùtè a wana noma na, ghàhnà kəta gha hi nì, gha tɨni bu na ghàhnà hi chyə te njyàsu wùnsu ghàhnàsu khɨŋa.

1 Kòlitiyàns 14:11

Mu shìki ywo khɨle wi jîs yi wûtì, ma mu hi mô wut à tûm ha wùt mu we, wu mô wut à tûm ha mu.

1 Kòlitiyàns 14:16

Ghàn shìki jə̂m fo àyòŋnà, a jə̂mà kə a yohnà, wùt we a wù tà yikî jə̂, nê gbi yàni hi tòkà gha tɨni hi jìs na, “Àmèn” teka wù ywo khɨli gha ghe a ghàn ye hì jə̂mà, fo àyòŋnà atɨ̂n agha?

1 Kòlitiyàns 2:13

Yi ni mò na ghàh shihi yikî, ghàh hi yike wi gha nì tofu ma wu lo ha ghɨta. Ghàh yike gha a chwûtè Yohnà Fùyènà. Ghàh yike banhi gha yòhnà ha ghɨt ghe a ghɨna kəta Yohnà mɨ ghɨ̂n.

1 Kòlitiyàns 3:18

Kə wùt lehi ngɨŋ à wûn. Wùt shìki mô a ghàn a fùtɨ̂n kwâktè na yi tofalò wu lum afa a ghɨt a mbye afân ke atɨ̂n, wu bɨlì kahi ha ngwò shyəma wù khɨti kàntè yì tof.

2 Kòlitiyàns 10:12

Ghàh jìsà wi na ghàh mò atɨ̂n à ghɨt ghe a ghɨ jîsà kum ngɨŋsu ghɨna su. Ghàh jìsà na, ghɨna lem fə̂kà kə a ghɨna sù ngɨŋ ma hi fə̂kà ngɨŋsu ghɨna su atɨ̂n. Ghɨna nè yi gha yi kəta wi tofu.

2 Kòlitiyàns 11:19

Ba ghàn jìsà na ghàn tofalò nâ a jûŋ, ghàn yen wù ngwò, ghàn nyamti de na wu hi jîsà ha ghàn!

Kòlosiyàns 3:11

Beka, hanɨ̂ŋ nè hi fê wijə ha wùt, makə à mô wut wù Jûs makə à mò wut wù Gɨlìs, makə ghɨ ti se nam a wuna makə ghɨ tà se jə̂, makə à mò wut à tûm makə à mò wut à ghə̀n. Hanɨ̂ŋ wi ha ghɨt ghe à mò wu kwôs nì ghɨt ghe a ghɨ mô a ghɨna ngɨŋ, biyani gha yi ta mò kə Klistù. Wu mô kə ghɨt a wuna fùtɨ̂n à jɨ̀m.

2 Timotì 2:10

À mò kum gha mɨ ghɨ̂n a mu kəta hi tè kwut a təm kə a gha à jɨ̀m kum ghɨt ghe a Yènfù chwokte shyəma ghɨna bê khɨti bônì tohne a Klistù Jisòs hi khɨte kokhînì a yû mù jɨ̀m.

Taytùs 3:3

Yi mô ni beka nâbi ghàhnà ndùku boŋa jɨ̂ŋtèlò, ta nì tu, ghɨta lehe ghàhnà, ghàhnà mô wu kwôs a nki a gha a mbye à jɨ̀m nì fom ye a yi mô atɨ̂n. Ghàhnà chyə atɨ̂n à be, ghə̂kà à ghɨ̂t, ghɨta ke ghàhnà, ghɨ befa a ghɨna yi kə̀k, ghàhnà bânà à ghɨ̂t.