Lumàns 1:13 - Ŋwàklù Fùyèn Kàn Mù Fê (Cameron)

¹³ Mu khɨŋa na ghàn hi khə a wana noma na mu ti baktî hi bèn ha ghàn nâ ghan hidù, biyani bakte kəbi yini, gha yile ben yi tâhìlò. Mu khɨŋa hi bèn hi yike ghɨta na ghɨ hi jûmtè Jisòs kəbi yi ghəl te mu tì yike tum wule.

Lumàns 1:13 Iomraidhean Croise

Ŋwàklù à Jon 12:24

Mu jìsà ha ghàn kə nâ hamok na, ghɨ ki faŋ hi tumhe a yi se ngwìk a chyə̂ ma yi faŋ à kə ha ngwìk. Biyani ma ghɨ ki tumhî, yì kpû ma yì mu saŋa ghɨ dô kə ni.

Ŋwàklù à Jon 15:16

À tà ghàn mu chwôk, à che lo mu chwok ghàn tum na ghàn yê mu tam we wu bè mê wi. Ghàn ni ma Bom fo nâbi ghə ghe ghàn bufa ha wûn tohna a mu yi yet.

Ŋwàklù à Jon 4:36

Nâ chîn mò ni ma wùt wù kpèna hì kpêlò ghɨ lâkà wûn. Wù kpê ghɨt a bime ghe ghɨ khɨte chyənà ye yì bè mê wi shyəma wûn ghê wùt wu yomena chîntè hi saŋlê.

Fêt 1:15

À hì mô tuk lefu, ghɨta hì fê mô kəbi wu luk wù mòk, tanà ghɨt wu wə nì mbà, Bità lôtì timî hì jîsà ha ghɨna jyâna,

Fêt 14:27

À hì mô te ghɨna bèna a Antiyòk ghɨna yûŋtì nôn ghɨt a bimena afû fôktì kwok gha ye Yènfù gamte ghɨna ti nî nâ à jɨ̀m, fî fôktì kəbi te Yènfù fo lumu na tumu boŋà bimi Jisòs.

Fêt 15:12

Bità jis mihì ni, ghɨta à jɨ̀m china moŋ, Bôl ghê Bànabâs fôktì kwok nì chwesu gha kanana se a Yènfù tì gàmte ne tohne a ghɨna fùtɨ̂n ha tumu.

Fêt 19:21

À hì mô te gha mɨ ghɨ̂n gàna kwoka, Yohnà Yulena ni Bôl wù lem na yi nè yênàlò a bàh à yi lak afa ghɨ ndùku toŋte na Màsìdoniyà hi fê chyà yèn a Àkayà, hi yè tàn a Jèlusalèm. Wù lem na yi nè chyətelò afû ma yi chyâ yen a Lûm.

Fêt 21:19

Bôl toŋti ghɨna fòktì nâ gha à jɨ̀m ghe Yènfù ne ha tumu tohna a wun yi fèt.

Fêt 28:14

Te ghàh lye bena afû ni yen a ghɨt a bimena afû, ghɨna jis na ghàh à ghɨna chyə. Ghàh à ghɨna chyəti kwok afû metì ngàm yì fùblù ghàh ki chyâ yèn a Lûm.

Lumàns 1:12

Gha ye a mu jìsà mò na mu bènàlò, ma ghàhnà à jɨ̀m chinti. Mu bênà, ma mu shihi lùmhè ghàn a ghàn a yi bimî, ma ghàn boŋà lumhi mu atɨ̂n à yami.

Lumàns 11:25

Gha yi leteni yile làwû a mu khɨŋa na ghàn hi khə a wana noma shyəma ghàn nê hi fè ghaŋhe wi wunu. Gha tɨni mô na ghɨt a Isalì ale mò chin, ta nì tû biyani mò hi bê kwunâ hi bimî wu yu afa tum we a Yènfù chwokte ti bimi mihì.

Lumàns 7:1

Ghàn ywo khɨli gha ye a mu khɨŋa hi jìs chin a wana noma beka nâbi nde a ghàn a fùtɨ̂n khəlò te saki yi malâ mò. Ghàn khə na saki kəta kə jyaka a wùt a tû a wu yu afa wù baha chyə.

1 Kòlitiyàns 1:10

Mu chyate ghàn a wana noma a Bâba ghàhnà Jisòs Klistù yi yet na, ghàn hi mô kə jwo yì mòk a gha afa a ghɨ jîsà shyəma jyàhènà hi bu a ghàn a fùtɨ̂n. Ghàn kəta hi tè bɨlà mò kə à shyə̀ à mòk, kəta kə kwâktì yì mòk, fê ke gha kə wu lum wù mòk.

1 Kòlitiyàns 10:1

Mu khɨŋa a wana noma na ghàn fê yɨngti te be ghàhnà ndùku gbê a dèt yi sù mbàk a lak yi sùsi, su khɨ̂ŋtè ghɨna nâ à jɨ̀m, ghɨna gbî yen tan a jwô yì bàŋana, yì tenâ, ghɨna daŋ nâ à jɨ̀m.

1 Kòlitiyàns 12:1

Wana noma, mu khɨŋa chin na ghàn hi khə gha kum fo te a Yohnà Yulena fo ha ghɨta.

1 Kòlitiyàns 14:20

Kə ghàn hi kwâktè ni te mwəlà, a wana noma, ghàn hi bɨlà mô kə mwəlà ha be biyani kwâktè gha te ghɨt a kpenana.

1 Kòlitiyàns 14:26

Ghàhnà mò hi jìs nâ na ghə a wana noma? Ghɨ làhi jìs na, ghàn yûŋtì nâbi wùni yu, wùt hì kəta njàŋ hi yêm, wùlè kəta yi gha hi yikî, wùlè kəta yi gha te Yènfù chwùte banhe ha wûn, wùlè kəta yi gha hi jìs yi jìs yi lô, wùlè mô hi fòktè gha ghe a ghɨ jîsà yi jìs afû. Ghàn hi nê gha mɨ ghɨ̂n à jɨ̀m kə hi gàmtè ghɨt a bimena.

1 Kòlitiyàns 9:2

Mu shìki bu wut wù tum ha ghɨt ale, ma mu hi mô wut wù tum ha ghàn, beka lum we a ghàn mò atɨ̂n ha Bâba chwûtèlò kə nâ fêt yi mi te wut wù tum.

2 Kòlitiyàns 1:8

Ghàh khɨŋa na ghàn hi khə ngək se a ghàh che yena a Esiyà a wana nì ghaha. Ghàh tì yen ngə̂k afû nâ haŋaŋ hì fânà nâ na ghàh nè kputelò.

2 Kòlitiyàns 2:14

Biyani, yòŋnà yênà ha Yènfù. Wu tihe ghàh kə yu mù jɨ̀m shyəma ghàh hi jûmtè wûn ma ghɨ ti shik tum yə̂, Klistù yênà a ghàh ashyə̂ ghàh bênà a wun a yi bàm. Fu nê, ghàh jyâtè tum à Klistù, ghɨta khɨle wûn, tum àtɨ̂n gbê yênà kə luktu jɨ̀m ni te lɨ̂mà yi leŋi jûŋì.

Gàlesiyà 3:15

Wana noma, mu fo chwena yi gha ha ghàn, yi gânà kə tuk mù jɨ̀m. Ghɨt à bà ki bime yi gha ki yə mu kân, wùt wi hi fè chwôk, makə hi kpenhe yi gha atɨ̂n.

Gàlesiyà 6:18

Bâba ghàhnà Jisòs Klistù chwuti təm a jûŋà wuna ha ghàn a wana noma. Àmèn.

Fìlibiyàns 1:22

Yi ki kpên na mu faŋ à hi chyə̂ a chyak a wùna afân, ma mu kwoti lumu hi tòkà nè fêt yi jûŋì. Ma mu tê fè khɨlî na à jwôfà yìni ha mu agha, hi kpû ma hi tè chyə̂ agha.

Fìlibiyàns 4:17

Mu jìsà wi ni na mu fè khɨŋa na ghàn fo shyə ale ha mu. Mu bɨlà khɨŋa kə na ghɨ kpenhi maktu wanu.

Kòlosiyàns 1:10

Ghàn kəta hi tè chyə̂ chyənà ye a Bâba khɨŋa, a mô yê a yì nè wu saŋlê kə lum tù jɨ̀m, ma chyənà mi yîn ni na ghàn hi nê nki tu fèt tu jûŋ tù kə tù jɨ̀m fê tòkà khə Fùyèn.

Kòlosiyàns 1:6

Tum yì jùŋ mi yîn ləma yê kə luk tù jɨ̀m a mbyî, nê na gha a jûŋà hi gânà a ghɨta su chyənà, ghɨna fê ləmâ yê kə shyə̂. Tum yì jùŋ mi yîn ti boŋ ben tan ha ghàn ni na gha a jûŋà gan a ghàn a fùtɨ̂n, yi boŋa ləma yê kə ashyə̂. Tum àtɨ̂n ni nè fêt mi yîn a ghàn a fùtɨ̂n kə hi yìmi wu tuk afa a ghàn tì ywo khɨle hamok kum təm a jûŋà ghɨ Fùyènà.

1 Tèsàloniyàns 2:18

Ghàh chehì kəta kə nâ hi kaha bèn hi yen a ghàn, nâ mu mômhì hi tân a ghan à bà biyani, Satàn tê dè na ghàh ben.

1 Tèsàloniyàns 4:13

Wana ne, ghàh khɨŋa na ghàn hi khə gha ye a yi mô hamok kum ghɨt ghe a ghɨ tì kpute. Ghàh ni khɨŋa na ghàn hi khə gha mi yina shyəma ghàn hi jyə̂ wi te ghɨt ale ghe a ghɨ kəta wi kwâktìnì na ghɨta bè lôtèlò a yi kpû.

2 Tèsàloniyàns 2:7

À mò nâ chin ni ghɨ nyamte fètà hi nì na ghɨta hi tunhe Yènfù. Gha ye a mu jìsà nè gânà mihè wijə a ndan, a bu kə na Yènfù ti chyâkhì wùt we a wù mò a wu lum chin tâhè na kə gha mɨ ghɨ̂n gan.

2 Timotì 4:17

Bâba tî time hi tòk à mu shyəma mu khɨti jyaka hi fòktè mihì tum yì jùŋ ha tumu wù jɨ̀m. Wù fî bônhì mu a yi kpû.