Lumàns 1:1 - Ŋwàklù Fùyèn Kàn Mù Fê (Cameron)

¹ À nyak mu Bôl ŋwàklù yina. Mu mô wut wù fètana ha Jisòs Klistù ma à chwok Fùyèn mu ha wut wù tum, lem na mu hi fôktè tum yì jùŋ à wûn.

Lumàns 1:1 Iomraidhean Croise

Mâk 1:14

À hì mô te ghɨ fa Jon a chyâk, Jisòs kaha lyi yen a Galìlî hì fôktè tum à Fùyèn yì jùŋ,

Ŋwàklù à Jon 12:26

À fètà nâbi nde ha mu, ma wù nê hi kəta hi tè jùmtè mu, shyəma ghàh à wùt fètana mù nê hi mô wu luk wù mòk. Bom màktèlò wùt we wù fètà ha mu.”

Ŋwàklù à Jon 15:15

Mu fè toŋte wi ghàn chin na ghɨt a fetana beka wùt wù fètana wi hi tè khə gha ye bì yi fèt à wûn nè. Mu toŋte ghàn chin na sun samsu beka mu ti fôktì ha ghàn gha ghe mu ywo ha Bôm nâ à jɨ̀m.

Ŋwàklù à Jon 15:20

Kə ghàn yìta gha ye mu che yike ghàn atɨ̂n na ‘Wùt fètana tà timî hì chyâ bì yi fèt à wûn.’ Ghɨ mô ma ghɨ chehì bânàlò mu, ma ghɨ nê hi bânà ghàn kəbi yâ. Ghɨ shìki mô ma ghɨ chehì yutelò yikî mi, ma ghɨ nê hi boŋa yute yani kəbi yâ.

Fêt 13:9

Yohnà Yulena tihi Sôl we yet yi wuni ndùku mô kəbi na Bôl, wù ki yen nì wùt wù fintena atɨ̂n ni,

Fêt 20:24

Biyani à koŋ a gan nâbi ghə ha mu. Mu kəta hi nè mìhì fêt ye Bâba Jisòs che fo na mu ni. Fêt yi tɨni mô na mu fokti kum təm a jûŋà ghe Yènfù kəta ha ghɨta.

Fêt 21:40

To sù sojà mu ghe fo wu lûm Bôl time wu kwuk wu nda chîtì à ghɨ̂t nì wo, jis ha ghɨna yi jìs yi Hibùlùs.

Fêt 22:21

Bâba fî jis ha mu na, ‘Lô beka mu nè tumalò wò nâ hadà ha tumu.’

Fêt 22:7

Mu fen a chyə̂ yu te wùt toŋte mu jîsà na, ‘Sôl, Sôl, wò chɨma wulu mu ni njwô ghə?’

Fêt 26:1

Fə̀n Àgɨlibà jis ha Bôl na, “Ghɨ ti fo lumu ha wò na wò jis kum ngɨŋ yâ.” Bôl lôhì a wo a nyə̂ yîmì hi tè jìs na,

Fêt 26:14

Ghàh fente a chyə̂ kə à jɨ̀m, mu yu te jyə̀ jìsà yi jìs yi Hibùlùs na, Sôl, Sôl, wò chɨma wulu mu ni njwô ghə? Wò nùkà wu wun wa halô jîsà na wò nò mu.

Fêt 27:23

Mu jîsà ni beka à chehì mô ntuksu lân, anjèl à Fùyèn fê fu kəta mu a fe mu kokhe che ben ha mu,

Fêt 9:15

Biyani, Bâba jis ha Ànàniyàs na, “Ndù kolô beka mu ti chwok wûn na wù fet ha mu hi nì na tumu nì fə̂ntù ghɨna tu, nâ kəbi nì ghɨt a Isalì khɨli mu,

Lumàns 1:16

Mu jala kum tum yì jùŋ mi yìna te yì chwùtè jyak ghe a Yènfù bònhè ghɨt a bimena atɨ̂n nâ à jɨ̀m. Fu bônhè ghɨt a bimena, yîmè nì ghɨt a Jûs, a kûmtè a wu tûm.

Lumàns 1:5

Yènfù khɨti təm a jûŋà ha mu lem mu ha wut à tum na mu hi gbê fôktè tum yì jùŋ kokhe Klistù shyəma ghɨta yu ma ghɨ bimi kə tu lak tù jɨ̀m, fu ni ni tohne a Jisòs Klistù.

Lumàns 1:9

Mu jə̂mà ha ghàn kə yû mù jɨ̀m, nâ Yèn fe a mu fètà ha funfu kə nì təm a ma à jɨ̀m, fôktè tum yì jùŋ kum Wâ wûn khəlò.

Lumàns 11:13

Mu hì jîsà ha ghàn tumu chîn. Ghàn khəlò na mu mò wut wù tum te Yènfù chwoka na mu hi fôktè gha yi wuni ha ghàn, mu mô hi tè jala kə yi jâl kum yi fèt mi yîn.

Lumàns 15:16

Fu ni na mu hi mô wut wù fètana ha Klistù Jisòs, fêtà ha tumu. Mu fètà te ngàŋ à ndâ Fùyèn, fôktè tum yì jùŋ yì Yènfù shyəma tumu hi mô ni te yi fô ha Yènfù, Yohnà Yulena sô yuhe ghɨna, nê na Yènfù fyi fo tɨni nì saŋlînì.

Lumàns 15:29

Mu khə na mu bènà hi jikte ghàn ma Klistù chîntè bonhi ghàhnà nâ haŋaŋ.

Lumàns 16:18

Nki ghɨt mɨ ghɨ̂n fètà wi ha Bâba ghàhnà Klistù, ghɨna khɨŋa kə hi tè nè gha ghe a ghɨ foma ha ghɨna. Ghɨna jîsà gha a fomana kə hi lehe ghɨt ghe a ghɨ fate khə wi gha.

Lumàns 16:25

Kokhînì yênà ha Yènfù. Fu kəta a jyak hi nì na ghàn hi tâ a ghàn yi bimî kə yi ghəl te tum yì jùŋ ye a mu fòktè kum Jisòs Klistù jìsà. Fu ti ni ghàhnà ti khɨli tum yì jùŋ mi yìna, ma fu tî lə̂tì ha ghɨt ale nâ wu yu dâ,

1 Kòlitiyàns 1:1

À nyak mu Bôl ŋwàklù yìna. À chwok Fùyèn mu kə nâ te fu kôŋà na mu hi mô wut wu tum ha Klistù Jisòs. Mu nyak ŋwàklù mi yin ghàh à wâ nè ghàhnà Sòstenìs.

1 Kòlitiyàns 9:1

Mu mò kə nâ wùt wù tum, a kəta kə nâ mu ngɨŋ à mì. Yi mô na mu tà tì yen jə Jisòs a Bâba ghàhnà ma? Ba ghàn mò tam wu fèt wu mu ha Bâba?

2 Kòlitiyàns 1:1

À nyak mu Bôl a wut wù tum ha Klistù Jisòs ma à chwok Fùyèn. Mu nyàkà ŋwàklù yìna ghàh à wâ nè ghàhnà Timotì, ha ghàn chìntê ghɨt a Fùyèn ghe à jɨ̀m a ghɨ chyə a tèk yi Kolèn, kəbi nì ha ghàn ghɨt a Fùyèn ghe a ghàn chyə a bàh a Àkayà nâ à jɨ̀m.

2 Kòlitiyàns 11:5

Ghɨt a tum mɨ ghɨ̂n a ghàn lèma na à mò nâ ghɨt a tuma a ta chyâ wijə mu nâ yi gha yile.

2 Kòlitiyàns 11:7

Ba yi ni mò na mu che chwohi ngɨŋ à mì ni ghàn ghɨ hì kokne fôktì tum yì jùŋ yì Yènfù ha ghàn, bufa wi shyə ale, a mô be ma?

2 Kòlitiyàns 12:11

Mu jìsà te à ngwò ma à ni ghàn na mu hi jîsà ni. Mu ti bəmhe ngɨŋ à mì, a mô luk wanu hi tè bəmhe mu, ghàn faŋ hi bəmhî. Mu kpene wi nâbi yi gha biyani ghɨt a tum ghɨ̂n a ghàn lyè na ghɨ koknelò nâ haŋaŋ chyâ wijə mu nâ hakoh.

2 Kòlitiyàns 2:12

À ndùku mô te mu be tana a Tɨ̀luwàs hi fòktè tum yì jùŋ yì Klistù, mu yen na Yènfù hì mô ma fu ti lem na mu fokti,

2 Kòlitiyàns 4:5

Ghàn hi khə na, ghàh shihi fòktè tum yì jùŋ mi yìna, ghàh hi fôktè wi kum ngɨŋ yahì. Ghàh fòktè kə na Jisòs Klistù mò Bâba, ghàh lyê kə ngɨŋ sahisu ha ghɨt a fetana ha ghàn kum Jisòs.

Gàlesiyà 1:1

A nyàkà mu Bôl ŋwàklù yîn. Mu mô wut à tum teka à lem à ghɨ̂t. À tà chwok jə wùt mu. A chwok Jisòs Klistù mu ha wut wù tum ghê Yènfù, a Bì we a wù tì ne wù lôtì a yi kpû.

Efisiyàns 1:1

À nyak mu Bôl ŋwàklù yìna ha ghàn ghɨt a Fùyènà ghe a ghàn mò kə a ghàn a yi bimî ha Klistù Jisòs, chyə a Efisùs. Mu mô wùt wù tum ha Klistù Jisòs ma à chwok Fùyèn.

Efisiyàns 1:13

Yènfù ti fyî kəbi ghàn ghɨt a Efisùs bônhì ghàn tohne a Klistù te ghàn ywo tûm yì jùŋ ye a yì mò hamok, ghàn bimî. À ndùku mô te ghàn bime, fu chwe ghàn nì Yohnà Yulena ghe a fu tì chwùne,

Efisiyàns 4:11

A mô wûn we a wù tì chwoka ghɨt ale lem ha ghɨt a tuma, chwok ghɨta lem ha fòktìsu chiksu, wù chwok ghɨt ale lem na ghɨ hi fôktè gha Fùyènì kə a tu lùk a tu lùk, wù fî chwok ghɨta na ghɨ hi mô sù fòktì, wù chwok ghɨt ale ha sù chichà.

Fìlibiyàns 1:1

À nyak mu Bôl ghàh à Timotì ŋwàklù yìna mô ghɨt a fetana ha Jisòs Klistù. Ghàh ni nyàkà ha ghàn ghe a ghàn fo ngɨŋ sanisu ha Yènfù a Fìlibây nâ à jɨ̀m hì mô ha Klistù Jisòs. Ghàh ni nyàkà kəbi ha ghàn ghɨt a tihena nì ghɨt a fetana.

Fìlibiyàns 2:11

ma nâbi nde jis a ndan na Jisòs Klistù mô Bâba, wù shihi jìs ni, wu hi kokhe yê nì Yèn fe a fu mô Bì.

Kòlosiyàns 1:1

À nyak mu Bôl ŋwàklù yìna. Mu mô wut wu tum ha Klistù Jisòs, ma à chwok Fùyèn. Ghàh à Timotì a wâ nè ghàhnà a yi bimî toŋte ha ghàn.

Kòlosiyàns 1:25

Yènfù chwok mu ha wùt wù fètana a ghɨna nòn. Fêt mi yîn mô na mu fôktè mihi tum à Fùyèn mi yîn ha ghàn.

1 Tèsàloniyàns 2:2

Ghàn khə na à ndùku mô nâ shyəma ghàh ben a Tèsàlonikà ma ghàh ti yen ngə̂k nâ haŋaŋ, ghɨ fî sûlì ghàh nâ a jûŋ a yi tèk yi Fìlibây. Yènfù ghàhnà fu ni na ghàh fokti tum yì jùŋ ha ghàn ma yì lo ha wûn nâ nì təm a ta, nâbi te ghɨta ndùku baha kôŋà wi hi yutî.

1 Tèsàloniyàns 2:8

Ghàh tì fòkti tum yì jùŋ ha ghàn ma à fo Fùyèn, kum yi kôŋ yi nè wani mi yina a ghàh ndùku kəta ha ghàn, fî mômhì nâ tu lum tù jɨ̀m hi gàmtè ghàn beka ghàh ndùku kôŋà nâ jûŋ.

1 Tèsàloniyàns 2:9

Wana ne, ghàn khəlò kə nâ te ghàh ndùku fêtà nâ nì jyaka. Ghàh ndùku fêtà nchwì fêtà ntuksu njwo ghàh ndùku kôŋà wijə hi fo ngə̂k ha ghàn te ghàh fòktè tum yì jùŋ mi yìna ha ghàn a Yènfù fo na ghàh fokti.

1 Timotì 1:1

À nyak mu Bôl, ŋwàklù yìna, ma à mu chwok Fùyèn ghê Klistù Jisòs na mu hi mô wut à tum ha Klistù Jisòs. A mô Fùyèn fe a fu bonhe ghàhnà a ghàhnà sùbe ghê Klistù Jisòs we a ghàhnà ndùku yute, khə hamok na wù bènàlò.

1 Timotì 2:7

Ghɨ tì chwok mu ha wùt à wûn wù tum kum gha mi yîn na mu fokti gha Fùyènì ma mu fê yiki tumu nì gha ye a yi mô hamok. Gha yîn a mu jìsà ni mò kə nâ hamok. Mu wama wi.

2 Timotì 1:11

Yènfù ti chwok mu na mu hi mô wut à tum, fôktè tum yì jùŋ mi yîn, fê yike ghɨta.

Taytùs 1:1

À nyàkà mu Bôl ŋwàklù yina. Mu mô wut wù fètana ha Yènfù, fê mô wut wù tum ha Jisòs Klistù. Ghɨ tì chwok tum mu na mu gamti hi nì na bimî ghɨt ghe Yènfù chwokte na yi hi tâ, hi fè nì na ghɨna hi khə lum we a wu mô hamok kum Yènfù.

Hibùlùs 5:4

Gha yile fê mô kəbi na wùt wi hi chwoka ngɨŋ à wûn a ngàŋ à ndâ Fùyèn yì ngaŋtena hi tè fye wu kum atɨ̂n. A chwoka kə Fùyèn kə yi ghəl te fu tì chwoka Alòn.

Hibùlùs 7:26

A mô kə Jisòs a ngàŋ à ndâ Fùyèn yi ngaŋtena ye a yì kpene hi gàmtè ghàhnà. Wù yule kpenê, kəta wi njahi teka wù timè ni be, ma Yènfù ti fihi wun a ghɨt a be fùtɨ̂n kokhi lem wûn a nyə̂.

Jêms 1:1

À ŋwàklù yina nyak mu Jêms we mu mò wùt wù fètana ha Yènfù fê mô wùt wù fètana ha Bâba Jisòs Klistù: Mu toŋte ha ghɨt a Isalì ghɨ bimena ghe ghɨna mô ma ghɨna ti jyâhì yen a tu lak tu mbyi tu tù jɨ̀m.

1 Bità 4:17

Yi mô ni beka yu ti kpên shyəma Yènfù sak mbyî, wu mô hi yìmì nì ghɨt a wuna, ma fu ki bɨlà yìmi hì saka ghàhnà ashyə̂, ma yi hi bəma nâ haŋaŋ ha ghɨt ghe a ghɨ bime wi tum yì jùŋ?

2 Bità 1:1

À nyàkà mu Samùn Bità ŋwàklù yina. Mu mô wut wù fètana ha Jisòs Klistù fê mô kəbi wut wù tum ha wûn. Mu nyàkà ŋwàklù yina ha ghàn ghe ghàn bime ha Jisòs Klistù kəbi te ghàh. Bimi yina jwòfàlò ha ghàn kəbi yi ghəl te yi jwôfà ha ghàh. Jisòs Klistù ni ma ghàhnà hi kəta bimî yîn beka wù mò chilichili. Wù mò Yènfù ghàhnà fu ma wù ti bônhì ghàhnà a sùbe.

Jûd 1:1

À nyak mu Jûd ŋwàklù yina ha ghàn. Mô wut wù fètana ha Jisòs Klistù, a wâ nè Jêms. Mu nyak ŋwàklù yina ha ghàn wana ne a jûŋà ghe a ghɨ toŋa fihe, ghàn na ghɨ hi chyə a Yènfù atɨ̂n à yì kòŋ, à mô Bì, Jisòs Klistù kine ghàn.

Gokhini 1:1

Ghɨ̀na mò a gha ghe a Jisòs Klistù tì chwùte a ndan ha Jon. Yènfù fî fo gha mɨ ghɨ̂n na wù chwuti ha ghɨt a wuna ghɨ fetana shyəma ghɨna hi khə gha ghe a ghɨ hì khɨŋa hi gàn. À ndùku mô te wù khɨŋa na ghɨ hi khə gha mɨ ghɨ̂n, wù tum anjèl à wûn ha Jon, a mô kəbi wut wù fètana à wûn wùlè.

Gokhini 22:6

Anjèl à Fùyèn atɨ̂n ki jîs ha mu na, “Gha ghɨ̂n a mu jìsà ni mò kə nâ hamok, kpenê shyəma nâbi nde bimi. Bâba Yènfù we a wù fo Yohnà a wuna ha fòktìsu chiksu tum anjèl à wûn na yì chwuti gha ghe a ghɨ hì khɨŋa hi gàn ha ghɨt a wuna ghɨ fetana shyəma ghɨna hi khə.”

Gokhini 22:9

Biyani yì jis ha mu na, “Kə wò mom! Mu fètà ha Yènfù kəbi te wò nì wana nì gha, a mô fòktìsu chiksu nì ghɨt ghɨ̂n à jɨ̀m ghe a ghɨ ywo lêmà gha ghe a ghɨ mô a ŋwàklù afân. Wo ngumle Yènfù!”