Jêms 4:11 - Ŋwàklù Fùyèn Kàn Mù Fê (Cameron)

¹¹ Kə ghàn hi bobhe yet a wana nì ghana a wana noma. À bobhi nâbi nde yet yi wâ nè wuni makə wù sakalò wûn, ma yi nê hi chwûtè na wù jis gha yi be mi yê kum yi sâk fê saka kəbi sak yi tɨni. Wùt shìki sak a yi sâk, ma à hi mô na wù ti kwok ndokò a tô àtɨ̂n hì lêmà wijə sak yi tɨni.

Jêms 4:11 Iomraidhean Croise

Lûk 6:37

“Kə ghàn sak ghɨta kə Yènfù bê sak ghàn. Kə ghàn nè bobhe ghɨta kə Yènfù bê bobhi ghàn. Ghàn hi lehèfo ghɨta, ma Yènfù bê lehêfo ghàn.

Lumàns 2:1

Wò wi hi tè saka wut wùlè makə a mò wò nde, beka wò nè kəbi gha ghe a ghɨt mɨ ghɨ̂n nè. Wò saka ghɨta, jîsà nâbi na ghə, yi kaha kwo kə wò, wo bu hi fwo atɨ̂n.

Lumàns 2:13

Yi mô ni beka à wijə ghɨt ghe ghɨ ywo Saki a ghɨ mô chilichili a Yènfù ashyə̂. Wò kəta hi tè khə yi Sak, nê te yi jîsà, shyəma wò hi mô chilichili a Yènfù ashyə̂.

Lumàns 7:7

Gha yina ni chwùtè na ghə? Yi ni mò na Saki mò a shyə a be ma? Yi wijə ni nâ hakoh beka a ndùku bu ha Saki ma mu khə wi gha ghe a be mò ghɨna. Saki ndùku faŋa hi jìs na, “Kə se ghana hi fwo a ghɨta a mwə̀,” ma mu khə wi gha mi yîn.

1 Kòlitiyàns 4:5

Kum ni, kə ghàn kat sak a wùt lè tû teka yu tɨnu kpen. Ghàn yuti ma Bâba ben. Wù bênà hi chwùtè banhe gha a letena ghe a ghɨ nyamte nê a bɨn a finana, a fôktè kwâk te a ghɨta lètà a ghɨna təm, ma Yènfù ki bəmhe nâbi nde a wun yi fèt.

2 Kòlitiyàns 12:20

Mu fànà na mu nè bênà, ghàn bu te mu khɨŋa na ghàn hi mô, ma ghàn boŋà yen mu, mu bu te ghàn khɨŋa na mu hi mô. Mu làhi shihi bèn, mu yu njaŋi a ghàn a fùtɨ̂n, nì ghə̀k, nì là mù bàŋamù, nì mu, nì jîs yi be, nì kowòŋ nì ghaŋhi yi wùni, ma mu fê yen ghàn buma chyə kə yi chyə̂.

Efisiyàns 4:31

Ghàn maka kwàktì tu betu nâ tù jɨ̀m nì là mù bàŋamù nì njaŋi nì ndisu nâbi nì yìni befi.

1 Timotì 3:11

Ywen a ghɨna ghe a ghɨ fêtà a ndâ Fùyèn boŋa kəta hi tè kəta chyənà yì jùŋ, lêmà wi kowòŋ, mô kə a ghɨna yi tof, nê nâbi ghə kə hamok.

2 Timotì 3:3

Ghɨna bè hì kəta wi kwohi seni ha wùt, lehèfo wi ghɨta, jîsà gha a be kum ghɨta, khɨte wi ngɨŋsu ghɨnasu, chyə̂ kə te sù nyâm, kôŋà wi hi tè yen a yi gha yi jûŋì.

Taytùs 2:3

Yiki kəbi ywena ləmanà na ghɨna hi chyə te ghɨt ghe ghɨ ti fo ngɨŋsu ghɨnasu ha Yènfù, jîsà wi gha a be kum ghɨt ale, nyo chyâhè wi lùkû. Ghɨna bɨlà kəta hi tè yike ghɨta nì gha ghe a ghɨ mô chilichili,

Jêms 1:16

Kə wùt bè lehe ghàn, wana noma ghɨ jûŋà.

Jêms 1:19

Ghàn tokâ yuti yìna wana noma a jûŋà: Ghɨ shihi tè jìs yi ghâ nâbi nde wu lem a tû, wu hi tôkà yutê, wùt hi mô hi jìs wu tok kwâktìlò shyəma wù jis. Kə wùt nè shɨŋa bâŋhè lâ a yi ghâ.

Jêms 1:25

Biyani wùt we wù tòka yute kə yi yutî sak yi Fùyènì ye yi kpene, wi hi tè fè mò a kwôs a gha mbye. Wùt mu wunâ ywo yi ghâ wu tê yìtà, wu hi nê kə te wù ywo. Wù nî, wu hi kəta yi bonhî nì nâbi nì gha ghe wù nè.

Jêms 2:8

Ghàn shìki lêmà sak yi fə̂n wù Fùyènù te yi mô a ŋwàklù Fùyèn na, “Kòŋ wâ nâ kə yi ghəl te wò kòŋà ngɨŋ yâ,” ma à hi mô na ghàn nè kə nâ a jûŋ.

Jêms 5:10

Ghàn lyi chwesu ha fòktìsu chiksu a wana noma ma ghàn hi wunhê. Ghɨna ndùku yena ngə̂k, biyani fôktè tum à Bâba.

Jêms 5:7

Ghàn hi wunhe kə yi wunhî wana noma hi tàn wu tuk afa Bâba bè kaha bênà. Ba ghàn khəlò te wùt fètà fûkà wu yomilò, wu hi wunhe kə yi wunhî hi bè tàn shyəma bɨ̀ŋ chu, ma mwə̀ mù yə̂mù wûn mù jùŋ ləma ma wù kpi.

Jêms 5:9

Kə ghàn hi sunle ngɨŋ sanisu a wana noma kə ghɨ bê sak ghàn. Wùt wù sakana mò kə yi jwô ndâ.

1 Bità 2:1

Yènfù hì mô ma fu ti fo chyənà yì fê ha ghàn. Ghàn maka lê təm a be nì lehenì nì kama nì, nì ghə̀k nì jîs yi be.