Jêms 3:6 - Ŋwàklù Fùyèn Kàn Mù Fê (Cameron)

⁶ Chwûlù wûtù mò nâbi ni mô kəbi wu wus, fè mô tôk à gha be a wùt wu wùn, be fwo atɨ̂n bobhe kə wunu wûtù wù jɨ̀m. Chwûlù nyòkà nâbi ghə a mbyî nì wusu ma wu lo kə nâ wu lùk wu bobhenu.

Jêms 3:6 Iomraidhean Croise

Matiyò 12:24

Biyani ghɨt a Falàsî yu gha tɨni hì jîsà na, “Wù jùmà fihe yohnù mu wun ni beka Bèlsibùl fə̀n à yòhnù wu be fo jyaka ha wûn.”

Matiyò 5:22

Biyani, mu jìsà ha ghàn chin na, à bàŋhi nâbi nde lâ ha wâ nè wûn, ma ghɨ sak wûn, à toŋti nâbi nde wâ nè wûn na, ‘Nama shyə̀ ghɨ̂n!’ Ma ghɨ lyê yen nì wûn a ndâ yi sâk yì chìk.” À toŋti nâbi nde wùt lè na, ‘Ngwo shyə̀ ale!’ Ma yi hi mô na wù bê yênàlò wu wùs afa wu bè mê wi.

Mâk 7:15

Shyə wijə wùt mò hi yə̂ na ghɨ ni wûn ma wù hi bu nì yulînì.

Lûk 16:24

Wù toŋti wûn jis na, ‘Ablàhâm kwohi seni ha mu a bâ, ma wò tum Lasalòs ma wù tuŋ kə nâ wan à wô wûn a mòlû ma wu bê chemhi a mu yi jwô beka toŋu mu yima kə ni. Mu ywolò lûmì kanani atɨ̂n à wu wùs afân.’

Fêt 20:30

ma nâ ghɨta nê fwu a ghàn a fùtɨ̂n ma ghɨ hi wama fəmi, gûfà ghɨt a bimena na ghɨ hi jûmtè ghɨna.

Fêt 5:3

Ànàniyàs yen fo bəha ka mi ghê ni, Bità buf na, “Wò de na Satàn lye a wo yi təm kum ghə, hi nì na wò wam fəmi ha Yohnà Yulena ma wò let bəha ka ghe wò ye bəkle luk wa wu fu chyə we atɨ̂n agha?

Fêt 6:13

Te ghɨna ndùku yênà ni, lye ghɨt ale na ghɨ ye wam fəmi a Sìtifèn a tû. Ghɨna lyi ben jis na, “Wùt wunâ yè faŋa wi hi jìs yi gha be kum ndâ ghàhnà Fùyèn yì chìk kəbi nì sak ye Musìs tì yike ghàhnà.

Taytùs 1:11

Wò kəta hi nì na kə ghɨna hi fê chînà jîsà ni beka ghɨna yènà a wùt a bɨn, ghɨ bobhi kə à jɨ̀m nì yikî yi be mi yîn. Ghɨna yè nê ni kə hi lehe à ghɨ̂t hi khɨte wu kâ.

Jêms 2:7

Ba a jìsà sùlì ghɨna yet yi wùt wù jùŋ we wù kəta ghàn?

Jêms 3:7

Wùt làhi kwote sù nyâm a ghə̀n, nì su jwòsù nì se su ŋâŋlè nì nyɨ̀mû, hi yike mwə̀ munâ, na mù hi chyə a ndâ, a mô gha ma wùt hi nê lò.

2 Bità 3:3

Nâ gha yi ta ye a mu khɨŋa na ghàn hi khə mò na, à bè hì mô a mu tuk mù gòkhemù ma ghɨta fwo ben, chînà chyə̂ kə yi chyə̂ ma ghɨ hi nyikhè ghàn,

3 Jon 1:10

Mu nè bênà nâbi yini ma mu fokti gha ghe a wù nè. Mu nè fôktèlò gha a bəmana ghe a wù jìsà kum ghàhnà nì fəm ye a wù wama. Wu nê ni, yi mê wi kə ni. Wu tunhe hi tè fye wana ne, fê tâmtè ghɨt ghe a ghɨ khɨŋa hi tè fyî, jûmà fihe ghɨna a nòn a ghɨt a bimena.

Gokhini 12:9

Ghɨ mak chwohi nyàm àtɨ̂n a chyə̂. A mô ni, a mô ywô ye a ghɨ toŋte na deblì yâ, a fê mô kəbi Satàn. A mô yì yîn ye yì ndùku lehe ghɨta a mbyî yì jɨ̀m. Ghɨ mak chwohi wûn a chyə̂ ghê anjèlsu wunsu kə sù jɨ̀m.

Gokhini 13:14

Kum a gha a kanana mɨ ghɨ̂n, ghɨ de na nyàm mi yinâ ni, wu lùk wu nyàm yì shyə yê, yì ndùku lehe ghɨt à jɨ̀m ghe a ghɨ chyə a mbyî, ghɨ fî jis na ghɨt mɨ ghɨ̂n fati a fə̀khè nyâm ghe yì ndùku kəta ləmtu ghe a ghɨ tì kaka nì fâ yì gbɨ̀liŋi, biyani yì hì baha chyə kə yi chyə̂ yâ.

Gokhini 18:23

Wùt bè fê yena wijə te lâm bana, ma wù bê tê fè yu jyə̀ ghɨt a malana a wo fùtɨ̂n. Wò khə na ghɨt gha ghe ghɨ ndùku bêkà mwə̀lû ha wò ndùku mô kə nâ ghɨt a ta a mbyî, wo fê gbê lehe ghɨta lak tu tù jɨ̀m nì fiŋi fu nyaki.

Gokhini 19:20

Ghɨ khɨti nyàm yì bəmana yê fî khɨti kəbi fòktì yì fəm ye a yì ndùku chwûtè chwesu fəmsu sê a wun ashyə̂. Yì tì chwùti ni lehi ghɨt ghe na ghɨna lem chwena nyàm ye a ghɨna wu wùn hì ngumle mosò mù nyàm àtɨ̂n. Ghɨ mak nyàm àtɨ̂n teka yì kpu yi be yi wùs yile, wusu bame, ma ghɨ ti mak kànû atɨ̂n, ghɨ fî mak kəbi fòktì yì fəm yì tɨ̂n teka yì kpu wu wùs mefû.