Jêms 3:2 - Ŋwàklù Fùyèn Kàn Mù Fê (Cameron)

² Ghàhnà à jɨ̀m njahalò. Wùt shìki mô jîsà njaha wi, ma à hi mô na wùt mu we mò wùt à chilichili, ma wù hi mô na wù làhi tihe ngɨŋ à wûn

Jêms 3:2 Iomraidhean Croise

Matiyò 12:34

Ywosu be sîn, gha jûŋì wi hi fwo a ghàn a yi jwô beka ghàn mò kə nâ ghɨt a be. Jyə̀ yì jwo mò ni jîsà kə gha ye yi mô yi təm ma yi ti lûn.

Matiyò 12:37

Ghàn be yə sak kə gha afa ghàn jìsa, ma ghàn fən sak kə gha afa ghàn jìsa.

Lumàns 3:10

Yi ni mò kəbi yi ghəl te ghɨ nyaka a ŋwàklù Fùyèn na: “Nâ wùt wù mòk wijə chilichili.

Lumàns 7:21

Yi mô ha mu ni te a nè yi sak na mu hi nê, shihi khɨŋ hi nè yi gha yi jûŋì, mu bɨlì ni kə gha yi be.

1 Kòlitiyàns 9:27

Mu fo ngək ha wun wu mu shyəma wu khəta ma wu hi ywo ha mu, bu ya ma mu fokti tum yì jùŋ, ma à bê hi mô a gòkhi, ma Yènfù lem na mu kpene wi hi khɨte maktu tɨnu.

Gàlesiyà 3:22

Biyani ŋwàklù Fùyèn jis na nâ ghɨt à jɨ̀m a mbyî fètà a kwôs ha be. Yi gan ni shyəma Yènfù fo chwuna we a fu tì chwùna ha ghɨt ghe a ghɨ bime ha Jisòs Klistù.

Gàlesiyà 5:17

Gha ghe a ghɨ foma a njyàsu wùnsu kòŋàlò na ghàhnà hi nô gha ghe a Yohnà Fùyènà khɨŋa na ghɨ hi nê, Yohnà Fùyènà boŋa nô ghe a ghɨ foma a njyàsu wùnsu na ghàhnà hi nê. Gha mɨ ghɨ̂n wijə nì sunu, fê nê na wùt hi nê wi gha ghe a wù khɨŋa hi nì.

Kòlosiyàns 1:28

A ni mò gha ye a ghàh fòktè tum kum wûn, fo tobhînì, fê yike ghɨt à jɨ̀m nì tof wù jɨ̀m, shyəma ghàh ni ma ghɨna hi mô ghê Klistù Jisòs amok, bênà a Yènfù ashyə̂ te ghɨt a kpenana.

Kòlosiyàns 4:12

Èbafàlàs we a wù mò kəbi wut a ghàn a nòn, a fê mô wùt wù fètana ha Klistù Jisòs ti jis kəbi na mu toŋti ha ghàn. Wù shihi jə̀m nâbi yini, wu hi kwâktè ghàn a wun a yi jə̀m nâ a jûŋ, chyate na Yènfù ni ma ghàn faŋà kə ghàn atɨ̂n à yi bimî, ma ghàn ghəkna atɨ̂n, ghàn hi fate khə, fê nê a gha à jɨ̀m ghe a fu khɨŋa.

Jêms 1:26

Wùt ki jîs na yi mò wut wù bimena biyani, bu hi tihe chwûlù wunu, wu hi khə na wù lehe kə nâ ngɨŋ à wûn bimî wuni kpene wi yi gha yile.

Jêms 1:4

Ni, wunhînì kəta kə hi nè mìhì yi fêt a ghàn a wùn shyəma ghàn ghəknà kpena hi tè nè fêt yì Fùyènì kə yì jɨ̀m, gha wi shyə ale.

Jêms 2:10

Yi ni chwùtè na, à lem nâbi nde sak tù jɨ̀m ki khɨm kə yì mòk ma à hi mô na wù ti khɨm tù jɨ̀m.

1 Bità 3:10

Yi mô ni beka ghɨ ti nyak a ŋwàklù Fùyèn na: “Wùt shìki kôŋ hi tè chyə a jûŋ, saŋlê, kə wù hi jîsà yi jîs yi be, kə wù hi jîsà jîs yi leheni.

1 Bità 5:10

Ghàn yena ngə̂k kə a fu yu là ni, ma Yènfù tihi ghàn, ma wù fo jyaka ha ghàn, ma ghɨ ni ma ghàn hi ta nâ haŋaŋ. Wù mò Fùyèn, kwohe seni nâ haŋaŋ. À tì toŋa wûn ghàn na ghàn bê lye a wun atɨ̂n à yi ban yi chiki tohne a Klistù, a mô yi ban, bu hi bè mì.