Jêms 3:1 - Ŋwàklù Fùyèn Kàn Mù Fê (Cameron)

¹ Kə ghàn a dona hi khɨŋa hi tè mò a sù chichà a wana noma, beka Yènfù bè saka lò ghàn ghe ghɨ yike ghɨta hanɨ̂ŋ.

Jêms 3:1 Iomraidhean Croise

Matiyò 10:24

“Ba ghàn khəlò na wan wù yikena wi hi ta chyà chichà à wûn, khə kəbi na wùt wù fètana tà timi hi chyâ bì yi fèt.”

Matiyò 23:13

Jisòs kahi hì jîsà ha chichàsu saksu nì ghɨt a Falàsî na! Ghàn kòŋà wi hi lye lùk wu fə̀n wù Fùyènù, “Ghàn ghɨ̂n ghàn kama nê ni, ngə̂k yì chìk mò ha ghàn. Ghàn fê tâmtè ghɨt ghe ghɨ kôŋà hi lyî.”

Matiyò 9:11

Ghɨt a Falàsî ghɨ le yen ni ki buf ha jùmtìbàmsù Jisòs su nâ, “Njwô ghə te chichà wânù yə ghe ghɨt ghe ghɨ kâtà ŋwàklànà nì ghɨt a be ale agha?”

Lûk 16:2

Wùt chìk we toŋa wûn buf ha wun na, ‘Mu ywo na ghə ni kum wò? Chwùti ha mu te wò chehì fêtà, beka yu ti kpên shyəma wò de fêtì.’

Lûk 6:37

“Kə ghàn sak ghɨta kə Yènfù bê sak ghàn. Kə ghàn nè bobhe ghɨta kə Yènfù bê bobhi ghàn. Ghàn hi lehèfo ghɨta, ma Yènfù bê lehêfo ghàn.

Ŋwàklù à Jon 3:10

Jisòs buf ha wun na, “A ni jìsà nâ wò mô nâ fòktì wù chìk yi lak yi Isalì ni, ywo khɨle wi gha ghɨ̂n?”

Fêt 13:1

À hì mô yi yùŋtì ghɨt a bimena ye yi ndùku mô a Antiyòk, ghɨt ale mô atɨ̂n, fôktè tum à Fùyèn, ghɨ le mô sù chichà ha ghɨt a bimena. À ndùku mô Bànabâs nì Simùn a we ghɨ ndùku toŋte na à mò wùt wù Finana nì Lùsiyùs ma wù ben lumu yi lak yi Sìlên, nì Màniyèn a we wù tì ləma kwoka ghê bè fə̀n Helòd, a fê mô Sôl.

1 Kòlitiyàns 12:28

A mô a ndâ Fùyèn ma Yènfù ti jyâhì ghɨta lem tu fêt a tu nkì a tu a nkì. Fu ti lem ghɨta ashyə̂, a mô ghɨt a tuma, a kûmtè, a sù fòktì. Yi bàm atɨ̂n lem chichàsu, fî lem kəbi ghɨt ghe a ghɨ nê gha a kanana, fî lem ghɨ le na ghɨ hi chwuka ghɨta, nì ghe a ghɨ gâmtè ale. Fu ti lem ghɨta na ghɨ hi tihe ghɨta, lem ghɨ le na ghɨ hi khə jîs tu letu, teka wùt yiki ghɨna.

2 Kòlitiyàns 5:10

Yi mô ni njwo nâ ghàhnà à jɨ̀m bè timelò a Klistù ashyə̂, ma wù sak ghàhnà. Wù bè lâkà nâbi nde kə gha afa a wù chehì nê a mbyî, makə à chehì mô gha a be, makə à chehì mô a jûŋà.

Efisiyàns 4:11

A mô wûn we a wù tì chwoka ghɨt ale lem ha ghɨt a tuma, chwok ghɨta lem ha fòktìsu chiksu, wù chwok ghɨt ale lem na ghɨ hi fôktè gha Fùyènì kə a tu lùk a tu lùk, wù fî chwok ghɨta na ghɨ hi mô sù fòktì, wù chwok ghɨt ale ha sù chichà.

1 Timotì 1:7

Ghɨna kôŋà hi tè mô chichàsu saksu Fùyènsu biyani khə wi nâbi gha ghe a ghɨna jìsà nì ghe a ghɨna yike, chwûtè na ghɨ khəlò.

1 Timotì 2:7

Ghɨ tì chwok mu ha wùt à wûn wù tum kum gha mi yîn na mu fokti gha Fùyènì ma mu fê yiki tumu nì gha ye a yi mô hamok. Gha yîn a mu jìsà ni mò kə nâ hamok. Mu wama wi.

2 Timotì 1:11

Yènfù ti chwok mu na mu hi mô wut à tum, fôktè tum yì jùŋ mi yîn, fê yike ghɨta.

Hibùlùs 13:17

Ghàn hi ywo ghɨt ghe a ghɨ tihe ghàn, kə ghàn hi ta nì tu ha ghɨna. Ghɨna kine yi kina ghàn, mô hi bè tòkà fòktì ha Yènfù kum fêt mi yîn. Ghàn shìki ywo ha ghɨna, ma ghɨna hi nê fêt yi tɨni nì saŋlînì, ghàn shìki ta nì tu, ma ghɨna nê hi saŋle wi biyani ma yi nê tè gàmtè jə̀ ghàn.

Jêms 1:16

Kə wùt bè lehe ghàn, wana noma ghɨ jûŋà.

Jêms 1:19

Ghàn tokâ yuti yìna wana noma a jûŋà: Ghɨ shihi tè jìs yi ghâ nâbi nde wu lem a tû, wu hi tôkà yutê, wùt hi mô hi jìs wu tok kwâktìlò shyəma wù jis. Kə wùt nè shɨŋa bâŋhè lâ a yi ghâ.

Jêms 3:10

Ghɨ kokhe Fùyèn nì jwo fè sûlè kəbi ghɨta nì yini. Yi kəta wi hi tê mò ni a wana noma.

1 Bità 5:3

Kə ghàn hi yikte ghɨt ghe a ghɨ fo na ghàn hi tôknè ni ghɨna. Ghàn hi bɨlà mô chwena ha ghɨna.