Bìoball air-loidhne

Jêms 2:1 - Ŋwàklù Fùyèn Kàn Mù Fê (Cameron)

¹ Wana noma, ghàn te ghɨt a bimena ha Bâba ghàhnà Jisòs Klistù a we wù kəta ban yi chiki kəta wi hi tè lyê wùt na wù chyàlò wùlè.

Faic an caibideil Dèan lethbhreac

dol air ais ⬆

Jêms 2:1
29 Iomraidhean Croise

Matiyò 22:16

ki tuma ghɨt a ghɨna nì ghɨt ale a Helòd a bàh ghɨ le jis na ghɨna yê jis ha Jisòs na, “Chichà, ghàh khə na wò jìsà kə hamok, yike kə gha hamok kum Yènfù, bisà wi na ghɨta kwàktè na ghə agha, beka a mò ha wò, ghɨt à jɨ̀m mò yi ghəl.

Faic an caibideil

Fêt 10:34

Bità jis na, “Mu ti khɨli hamok na Yènfù lyè ghɨt à jɨ̀m kə yi ghəl.

Faic an caibideil

Fêt 20:21

Mu ti kɨ̂n ha ghɨt a Jûs nì ha tumu na ghɨna kahi təm a ghɨna a sùbe ma kahà ben ha Yènfù, ma ghɨ bimi ha Bâba ghàhnà Jisòs Klistù.

Faic an caibideil

Fêt 24:24

À hì mô te tuk mù chyàla mu sek ni, Felìs ben ghê Dìlusilà a ywê wûn, a mô wùt a Jûs tum na ghɨ yê toŋà ben nì Bôl. Bôl bên, ghɨna hì yute te Bôl jìsà gha te ghɨta kəta hi bimî ha Jisòs Klistù.

Faic an caibideil

Fêt 7:2

Sìtifèn jis na, “Bom ghɨ̂n nì wana noma ghàn yuti. Yèn fe fu kəta ban yi chiki tì bên ha bè ghàhnà wù shyə̂ Ablàhâm wu baha chyə a Mèsòbòtemiyà shyəma wù lo yê hi chyə a Halàn.”

Faic an caibideil

Lumàns 1:11

Mu jə̂mà ni beka mu kòŋà nâ haŋaŋ hi bèn hi yen a ghàn, hi jìs kum yutì ye a Yènfù fo ha ghɨta nì Yohnà a wuna. Mu bênà hi jìs ni shyəma ghàn hi tòkà tâ a yòhnà.

Faic an caibideil

1 Kòlitiyàns 2:8

Nâ wùt sakana wù mòk a mbyî afân khə wi tof mu wûn. À ndùku mô na ghɨna hi khə, ma ghɨna tà tì banti jə Bâba we a wù kəta kokhînì.

Faic an caibideil

Kòlosiyàns 1:4

beka ghàh ti yû kum bime yani ha Klistù Jisòs, na ghàn fê kôŋà ghɨt a Fùyènà nâ à jɨ̀m.

Faic an caibideil

1 Timotì 1:19

Fate khɨti bimî ya ha Jisòs Klistù ma hi kəta kwâktì yi yuleni. Ghɨt ale ti tunhî hi tè nè gha ye a kwàktì yi yuleni mi yîn tì chwùte mâkà yi bimî yi ghɨna.

Faic an caibideil

1 Timotì 5:21

Mu jìsà ha wò nâ nì jyaka, mô a Yènfù ashyə̂ nì Klistù Jisòs nì anjèl se a Yènfù chwokte na, wò fate khɨtè lem gha ghɨ̂n a mu jìsà ni ha wò. Wò shihi nè gha mɨ ghɨ̂n, kə wò hi nê ha ghɨt ale hanɨ̂ŋ nâ hakoh.

Faic an caibideil

Taytùs 1:1

À nyàkà mu Bôl ŋwàklù yina. Mu mô wut wù fètana ha Yènfù, fê mô wut wù tum ha Jisòs Klistù. Ghɨ tì chwok tum mu na mu gamti hi nì na bimî ghɨt ghe Yènfù chwokte na yi hi tâ, hi fè nì na ghɨna hi khə lum we a wu mô hamok kum Yènfù.

Faic an caibideil

Taytùs 2:13

A mò wu lum afân a ghàhnà kəta hi tè chyə atɨ̂n te ghàhnà yute tuk wu kananu we a Yènfù, Bè jyak à jɨ̀m, a mô Bònhè ghàhnà Jisòs Klistù bè kaha bênà nì jyaka.

Faic an caibideil

Hibùlùs 1:3

Wâ wûn mu wùna banalò, chwûtè yi ghak yi kanani yi Fùyènì, fune Fùyèn kə gha à jɨ̀m. Jîs yi wuni kətalò jyaka, khɨti mbyî yìna yì jɨ̀m. Wù tì kpû su jîhì besu ghɨ̂tsù kaha kwok ndokò a Yènfù kpen wu wo ta a fe fu kəta jyaka kə a tô mwə̀ mù jɨ̀m.

Faic an caibideil

Hibùlùs 12:2

Ghàhnà hi ke yênà kə ha Jisòs. A mô wun we a wù yìme lumu bimenu ha ghàhnà, a fê mô kə wun a wù tihe bimî tɨni hi yê tàn a gòkhi. Wù tî bimi hi kpû a kàkfùtàfù tê lyè wumî ye a yi ndùku mô a yi nki yi kpû mi yîn ha yi gha yile, beka wù ndùku khəlò na à nè hi mô a yi bàm atɨ̂n, ma wù hi saŋlê. Wù mò chin, mô wu kpen wu wo ta, a ngwùŋ wu kpòk wu tu fə̀nù afa a Yènfù mò atɨ̂n.

Faic an caibideil

Jêms 1:16

Kə wùt bè lehe ghàn, wana noma ghɨ jûŋà.

Faic an caibideil

Jêms 1:19

Ghàn tokâ yuti yìna wana noma a jûŋà: Ghɨ shihi tè jìs yi ghâ nâbi nde wu lem a tû, wu hi tôkà yutê, wùt hi mô hi jìs wu tok kwâktìlò shyəma wù jis. Kə wùt nè shɨŋa bâŋhè lâ a yi ghâ.

Faic an caibideil

Jêms 2:3

Te ghɨna bèna ni, wò ki tôknà nì we wù ye lafa a jûŋ yâ hanɨ̂ŋ chwûtì kpok wu jûŋù ha wûn, biyani ki jîs ha wùt wù fufana we na wù time a fokô makə wù ndòko a chyə̂ a wo ngwùŋ wu wù.

Faic an caibideil

Jêms 2:9

Biyani, ghàn shìki lyî na ghɨt ale chyàlò ghɨ le, ma à hi mô na ghàn nè be, ma saki kwo ghàn kəbi yi ghəl te yi kwo kəbi nde we wù khɨma saki.

Faic an caibideil

Jêms 3:17

Tof we wu lo bê ha Yènfù, mô ashyə̂ yule kpenê, kôŋà yi yutì, kwâktè a ghâ, bonê, chyə chyənà chilichili, kwohe yi sen nâ haŋaŋ, gha jûŋà fwo atɨ̂n dô kə ni. Tof wu tɨnu nê nâbi ghə kə yi ghəl, lehînì bu atɨ̂n.

Faic an caibideil

2 Bità 1:1

À nyàkà mu Samùn Bità ŋwàklù yina. Mu mô wut wù fètana ha Jisòs Klistù fê mô kəbi wut wù tum ha wûn. Mu nyàkà ŋwàklù yina ha ghàn ghe ghàn bime ha Jisòs Klistù kəbi te ghàh. Bimi yina jwòfàlò ha ghàn kəbi yi ghəl te yi jwôfà ha ghàh. Jisòs Klistù ni ma ghàhnà hi kəta bimî yîn beka wù mò chilichili. Wù mò Yènfù ghàhnà fu ma wù ti bônhì ghàhnà a sùbe.

Faic an caibideil

Jûd 1:16

Ghɨt mɨ ghɨ̂n faŋ hì dumlè kə yi dûmlì, ngane kə yi nganî ghɨt ale. Ghɨna ni nè kə a gha ghe a kwâktì tu ghɨna tu chwùtè, a dûtè kə yi jîs yi ghaŋhini wùni a ghɨna yi jwô. Ghɨna lehe jìsà jîs yi fomani hi tè fye mwə̀ mù ghɨ̀t.

Faic an caibideil

Gokhini 14:12

Gha mi yìna ni chwùtè na ghɨt a Fùyènà kəta hi tè wunhî. A mô ghɨna ghe a ghɨ lêmà saktu Fùyèn tù fî bimi ha Jisòs.

Faic an caibideil

Lean sinn:

Ceanglaichean taic

Sanasan

Sanasan