Jêms 1:5 - Ŋwàklù Fùyèn Kàn Mù Fê (Cameron)

⁵ Biyani à hì gha nâbi nde tofu a ghàn a fùtɨ̂n wu buf ha Yèn fe fu fô ghə̂kà wi. Wù ki bûf, ma fu nê fo ha wûn.

Jêms 1:5 Iomraidhean Croise

Matiyò 11:20

Ghɨta a tù tèk te Jisòs ndùku nê gha kanana dona atɨ̂n tì tunhi hi kahe təm a ghɨna a ghɨna sùbe nî, Jisòs hì njaŋâ ha ghɨna na,

Mâk 16:14

À hì mô yi bàm atɨ̂n Jisòs fî chwûtì ngɨŋ à wûn ha jùmtìbàmsu wunsu njwò yì mòk, ghɨna yə̂. Wù njâŋ ha ghɨna beka ghɨna ndùku mô ma ghɨna ti tahi təm a ghɨna hì bime wi gha ye ghɨt ghe ye yena wûn ndùku jîsà.

Ŋwàklù à Jon 14:13

Mu nè nêlò nâbi ghə ghe a ghàn bufa a mu yi yet shyəma Bì chwuti koknì wuni tohne a Wâ wûn.

Ŋwàklù à Jon 15:7

Ghàn ki faŋ kə a mu wùn, yikî mi faŋ kə ghàn a tû, ghàn buf nâbi ghə te ghàn kòŋà ha Bôm, ma wù fo ha ghàn.

Ŋwàklù à Jon 4:10

Te wù bufa ni, Jisòs ki jîs ha wûn na, “Wò ye hì khə mwə̀ me Yènfù fo ha ghɨta fê khə wùt we wù lona mòlû muna ha wò, ma wò ti lon mòlû, a bu mòlû mù jwò, wù fo ha wò.”

2 Kòlitiyàns 2:16

A mô ha ghɨt ghe a ghɨ ləha, lɨ̂mà yi leŋi tɨni befâ, bênà nì kpu ha ghɨna. Biyani a mô ha ghê a Yènfù bònhe, lɨ̂mà yi tɨni fomâ, fo chyə ye a yì bè mê wi. Yi ni mò ni, à kpene nâ nde hi nè nki fèt mi yîn agha?

Jêms 1:17

Nâbi ghə ghê ghàhnà kəta ghɨ jwôfà kpenê mò ma ghɨ lo ben kə a nyə̂, à fo Bâ we wù fate nâbi ghə ghe ghɨ fo bani. Bâ mu wunâ yè kwuna wijə. Wù gbè wijə te chwî ye yì yè nê yu mù lè luktu hi fê finâ.

Jêms 3:17

Tof we wu lo bê ha Yènfù, mô ashyə̂ yule kpenê, kôŋà yi yutì, kwâktè a ghâ, bonê, chyə chyənà chilichili, kwohe yi sen nâ haŋaŋ, gha jûŋà fwo atɨ̂n dô kə ni. Tof wu tɨnu nê nâbi ghə kə yi ghəl, lehînì bu atɨ̂n.

Jêms 5:16

Ghàn hi fôktè be sanisu jə̂mà ha ngɨŋ sanisu, shyəma Yènfù nê chwuk ghàn. Wùt à chilichili jə̀màlò Yènfù yu yi jə̂m yì wuni, gha jwo yimana hi gânà.

1 Jon 3:22

ma ghàhnà nê hi bufa nâbi ghə ha wûn, wu fo beka ghàhnà ywo saktu Wun tu, nê a gha ghe fu kôŋà.