Jêms 1:4 - Ŋwàklù Fùyèn Kàn Mù Fê (Cameron)

⁴ Ni, wunhînì kəta kə hi nè mìhì yi fêt a ghàn a wùn shyəma ghàn ghəknà kpena hi tè nè fêt yì Fùyènì kə yì jɨ̀m, gha wi shyə ale.

Jêms 1:4 Iomraidhean Croise

Matiyò 10:22

Ghɨt à jɨ̀m bè hì bânàlò ghàn kum mu, biyani ma à wunhi nâbi nde hi bè tàn a gòkhi, ma wù bê bon.

Matiyò 19:20

Wan wù kpuŋ mu we jis ha Jisòs na, “Mu ti lem sak tɨ̂n nâ tù jɨ̀m. À faŋ ghə shyəma mu ni?”

Matiyò 5:48

Chyəna ghana kəta hi tè yule kpenê kəbi te chyəna Bâba a nyə yule kpene.

Mâk 10:21

Jisòs ki wun ni hì kôŋà, ki jîs ha wun na, “Gha làwû yì mòk teka wò ni. Ndù bəkli mwə̀ mâ nâ mù jɨ̀m me wò kəta ma wò fo ka tɨnu ha ghɨt a fufana, ma wò khɨti ghaki a nyə̂. Wò ni ni, wò ben jûmtì mu.”

Lûk 18:22

Jisòs yu ni ki jîs ha wun na, “Wò baha kətalò gha yì mòk hi nì, ndù bəkli mwə̀ mâ nâ mù jɨ̀m ma wò fo ka tɨnu ha ghɨt a fufana ma wò tahi khɨte ghaki a nyə̂. Wò ni yâ, wò ben jûmtì mu.”

Lûk 21:19

Wunhî yani bè nêlò ma ghàn kwoti yohnà ghana.

Lûk 8:15

Ye yì tì chemle a chyəfu jûŋ fù mò te ghɨt ghe ghɨ ywo gha Fùyènì ghɨ khɨti kə hamok nì təm a ghɨna a jûŋà hì wunhê yi mo wu tam a ghɨna chyənà.

Ŋwàklù à Jon 17:23

Mu jə̀mà hi tè mò kə ha shyə̀ à mòk ghàh à ghɨna, ghàh à wò mô kə ha shyə̀ à mòk shyəma ghɨna kahè hi mô kə ha shyə̀ à mòk kə nâ ha ghɨna sù ngɨŋ, hi nì na mbyî hi khə na wò che tum mu, kôŋà ghɨna kəbi yi ghəl te wò kòŋà mu.

1 Kòlitiyàns 2:6

Nâbi te mu jìsà gha mɨ ghɨ̂n à jɨ̀m ni, ghàh yike a gha nì tofu ha ghɨt ghe a ghɨ ti ghəkna a ghɨna yi bimî. Tof wu tɨnu wijə tof wu mbyi makə tof wu ghɨt ghe a ghɨ saka mbyî yîn, a mô a ghɨt hi bè chyà mì.

Gàlesiyà 6:9

Kə ghàhnà bot hi nè jùŋ, beka ghàhnà ki faŋ hi bôt, ma tuku bê kpen, ma ghàhnà kpi.

Kòlosiyàns 4:12

Èbafàlàs we a wù mò kəbi wut a ghàn a nòn, a fê mô wùt wù fètana ha Klistù Jisòs ti jis kəbi na mu toŋti ha ghàn. Wù shihi jə̀m nâbi yini, wu hi kwâktè ghàn a wun a yi jə̀m nâ a jûŋ, chyate na Yènfù ni ma ghàn faŋà kə ghàn atɨ̂n à yi bimî, ma ghàn ghəkna atɨ̂n, ghàn hi fate khə, fê nê a gha à jɨ̀m ghe a fu khɨŋa.

1 Tèsàloniyàns 5:23

Yèn fe a fu fo yutìnì ha ghàhnà ni ma ghàn hi mô nì yulînì nâbi wùni lumu, ghàn lem chyənà yanì nì yohnà ghana nì wun wanu, ma wùt bê tè ngane jə̀ ghàn a yi gha nâ hakoh wu tuk afa a Bâba ghàhnà Jisòs Klistù kahà bênà.

2 Timotì 3:17

Gha mɨ ghɨ̂n ni mò hi nì na wùt wù fètana wù Fùyèn hi kpene mihè hi tê nì nâ nki tu fèt tu jûŋ tù jɨ̀m.

Jêms 1:5

Biyani à hì gha nâbi nde tofu a ghàn a fùtɨ̂n wu buf ha Yèn fe fu fô ghə̂kà wi. Wù ki bûf, ma fu nê fo ha wûn.

Jêms 3:2

Ghàhnà à jɨ̀m njahalò. Wùt shìki mô jîsà njaha wi, ma à hi mô na wùt mu we mò wùt à chilichili, ma wù hi mô na wù làhi tihe ngɨŋ à wûn

1 Bità 5:10

Ghàn yena ngə̂k kə a fu yu là ni, ma Yènfù tihi ghàn, ma wù fo jyaka ha ghàn, ma ghɨ ni ma ghàn hi ta nâ haŋaŋ. Wù mò Fùyèn, kwohe seni nâ haŋaŋ. À tì toŋa wûn ghàn na ghàn bê lye a wun atɨ̂n à yi ban yi chiki tohne a Klistù, a mô yi ban, bu hi bè mì.

2 Bità 1:9

Biyani ghɨt ghe a ghɨ chyə wi wu lum afân mò te ghɨt a fefana, ke yena wijə shyə. Ghɨna mô ma ghɨ ti yità na Yènfù ti su ghɨna a ghɨna besu shyəsu.